Sonora
Sonora é un dos 31 estados de México que se atopa no norte de México. A súa capital e cidade máis poboada é Hermosillo. Limita cos estados mexicanos de Chihuahua polo leste, Sinaloa polo sur e Baixa California polo noroeste, co mar de Cortés ou golfo de California (océano Pacífico) polo oeste e cos Estados Unidos polo norte. Con 179 503 km² é o segundo meirande estado, por detrás de Chihuahua, e con 14,83 hab/km², o quinto menos densamente poboado, por detrás de Campeche, Chihuahua, Durango e Baixa California Sur. Foi fundado o 10 de xaneiro de 1824.
| Sonora | |||
|---|---|---|---|
| |||
| |||
.svg) | |||
| Himno: Canto a Sonora | |||
| Estado |  México | ||
| Capital | Hermosillo | ||
| • Poboación | 984 342 hab. (2017) | ||
| Lingua oficial | Castelán | ||
| Forma de goberno | Estado | ||
Gobernadora | Claudia Pavlovich Arellano | ||
| Fundación | 10 de xaneiro de 1824 | ||
| Superficie | Posto 2 de 31º | ||
| • Total | 179 355 km² | ||
| Poboación | Posto 17 de 31º | ||
| • Total | 2 850 330 (2015) hab. | ||
| • Densidade | 15,9 hab./km² | ||
| Xentilicio | Sonorense | ||
| Fuso horario | UTC-7 | ||
| Dominio de Internet | .mx | ||
| Código ISO | MX-SON | ||
O territorio está conformado por catro provincias fisiográficas: a Serra Madre Occidental, as Serras e Vales Paralelos no centro, o deserto e a costa do golfo de California. Está composto principalmente por desertos semiáridos e pradeiras, onde só nas zonas máis altas se produce chuvia de abondo para manter outros tipos de vexetación.
É fogar de oito pobos indíxenas, entre eles os mayos, os yaquis e os seris. Foi economicamente importante pola agricultura, a gandería (en especial de vacún) e a minería dende o período colonial, e pola súa situación como estado fronteirizo dende a Intervención estadounidense en México. Despois da venda de La Mesilla, Sonora perdeu máis dun cuarto do seu territorio. Dende o século XX até o presente, a industria, o turismo e os agronegocios dominaron a economía, o cal atraeu migración doutras partes de México.
Divídese en 72 concellos e algunhas das localidades máis importantes son Ciudad Obregón, Navojoa, Caborca, Guaymas, Puerto Peñasco, Nogales, Agua Prieta, San Luis Río Colorado, Nacozari de García e Cananea.
Véxase tamén Editar
Ligazóns externas Editar
- Páxina oficial (en castelán)
|
Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |