Cobras

réptiles carnívoros poiquilotérmicos, é dicir, de sangue frío, e sen patas
(Redirección desde «Serpe»)

As cobras[1] son réptiles carnívoros poiquilotérmicos, é dicir, de sangue frío, e carentes de patas pertencentes á suborde Serpentes. Como tódolos escamosos, as cobras son vertebrados amniotas ectotermos cubertos por escamas superpostas. Moitas especies de cobras teñen cranios con máis xuntas que os seus predecesores lagartos, o que lles permite inxerir presas meirandes que a súa testa grazas ás mandíbulas móbiles. Para acomodar os seus estreitos corpos, os órganos pares das cobras (como os riles) están situados un despois do outro, no canto de estar ó carón, e a maioría só ten un pulmón funcional. Alguhas especies conservan a pelve e un par de poutas vestixiais a ámbolos lados da cloaca. Cobra en galego é sinónimo de serpe en xeral, non só da especie asiática que tomou o nome do galego-portugués. [2][3][4] Pódense distinguir dos lagartos sen patas pola súa falta de pálpebras e oídos externos.

Cobras
Rango fósil: Cretáceo – Actualidade

Collage de cobras
Clasificación científica
Reino: Animalia
Filo: Chordata
Subfilo: Vertebrata
Clase: Sauropsida
Subclase: Diapsida
Superorde: Lepidosauria
Orde: Squamata
Suborde: Serpentes
Distribución mundial aproximada das especies de cobras
Distribución mundial aproximada das especies de cobras

Distribución mundial aproximada das especies de cobras
Subgrupos

As cobras atópanse en tódolos continentes agás na Antártida, os Océanos Pacífico e Índico, algunhas illas grandes, coma Irlanda e Nova Zelandia, e nas pequenas illas do Atlántico e o Pacífico central.[5]

A atracción polas cobras coñécese como ofiofilia, a repulsión ofiofobia[6]. O estudo dos réptiles chámase herpetoloxía (da palabra grega usada para serpente).

Evolución editar

Panorama filoxenético das cobras modernas.
   
Scolecophidia

Leptotyphlopidae

 

Anomalepididae

Typhlopidae

Alethinophidia
Amerophidia

Anilius

Tropidophiidae

Afrophidia
Uropeltoidea

Uropeltidae

 

Anomochilus

Cylindrophis

Macrostomata
Pythonoidea

Pythonidae

Xenopeltis

Loxocemus

Caenophidia

Acrochordidae

Xenodermidae

Pareidae

Viperidae

Homalopsidae

Colubridae

Cyclocoridae

Buhoma

Elapidae

Pseudaspididae

Prosymnidae

Psammophiidae

Atractaspididae

Pseudoxyrhophiidae

Lamprophiidae

Booidea

Boidae

Erycinae

Calabaria

Ungaliophiinae

Sanzinia

Candoia

Nota: a árbore só indica relacións, non tempos de ramificación evolutiva.[7]

O rexistro fósil das cobras é relativamente escaso porque os seus esqueletos adoitan ser pequenos e fráxiles, polo que a fosilización é pouco común. Os fósiles facilmente identificables como cobras (aínda que a miúdo conservando as extremidades posteriores) aparecen por primeira vez no rexistro fósil durante o período Cretáceo.[8] Os primeiros fósiles coñecidos de verdadeiras cobras (membros do grupo Serpentes) proceden dos simoliofidos mariños, o máis antigo dos cales é do Cretáceo Superior (Cenomaniano) Haasiophis terrasanctus',[9] datada entre 112 e 94 millóns de anos.[10]

Baseándose na anatomía comparada, hai consenso en que as cobras descenden de lagartos.[11]:11[12] As pitóns e as boas -grupos primitivos entre as cobras modernas- teñen extremidades posteriores vestixiais: pequenos dedos con garras coñecidos como esporóns pélvicos, que utilizan para agarrarse durante o apareamento.[11]:11[13] As familias eptotyphlopidae e typhlopidae tamén posúen restos da cintura pélvica, que aparecen como proxeccións córneas cando son visibles.

Todas as cobras coñecidas carecen de extremidades anteriores. Isto débese á evolución das súas xenes Hox, que controlan a morfoxénese das extremidades. O esqueleto axial do devanceiro común das cobras, como o da maioría dos demais tetrápodos, presentaba especializacións rexionais consistentes en vértebras cervicais (pescozo), torácicas (tórax), lumbares (parte inferior das costas), sacras (pelvis) e caudais (cola). Ao principio da evolución das cobras, a expresión do xene Hox no esqueleto axial responsable do desenvolvemento do tórax fíxose dominante. Como resultado, as vértebras anteriores ás xemas das extremidades posteriores (cando están presentes) teñen todas a mesma identidade torácica (excepto as vértebras atlas, axe e as 1-3 vértebras do pescozo). Noutras palabras, a maior parte do esqueleto dunha cobra é un tórax extremadamente estendido. As costelas atópanse exclusivamente nas vértebras torácicas. As vértebras cervicais, lumbares e pélvicas son moi reducidas en número (só están presentes entre 2 e 10 vértebras lumbares e pélvicas), mentres que das caudais só queda unha curta cola. Con todo, a cola segue sendo o suficientemente longa como para ser de utilidade importante en moitas especies, e está modificada nalgunhas especies acuáticas e arborícolas.

Moitos grupos de cobras modernas orixináronse durante o Paleoceno, xunto coa radiación adaptativa dos mamíferos tras a extinción dos dinosauros (non avianos). A expansión das praderías en América do Norte tamén provocou unha radiación explosiva entre as cobras. [14] Anteriormente, as cobras eran un compoñente menor da fauna norteamericana, pero durante o Mioceno o número de especies e a súa prevalencia aumentaron drasticamente coas primeiras aparicións de víboraS e elápidos en América do Norte e a importante diversificación das Colubridae (incluíndo a orixe de moitos xéneros modernos como Nerodia, Lampropeltis, Pituophis, e Pantherophis).[14]

Fósiles editar

Hai evidencias fósiles que suxiren que as cobras poden ter evolucionado a partir de lagartos excavadores,[15] durante o período Cretáceo.[16] Un antigo parente fósil das cobras, Najash rionegrina, era un animal escavador de dúas patas con sacro, e era completamente terrestre.[17] Un taxóon análogo destes antepasados putativos é o lagarto monitor sen orellas Lanthanotus de Borneo (aínda que tamén é semiaquático).[18] As especies subterráneas desenvolveron corpos aerodinámicos para escavar, e finalmente perderon as súas extremidades.[18] Segundo esta hipótese, trazos como a transparencia , as pálpebras fusionadas (brille) e a perda das orellas externas evolucionaron para facer fronte ás dificultades fosoriais, como as córneas rabuñadas e a sucidade nas orellas.[16][18] Sábese que algunhas cobras primitivas posuían extremidades posteriores, pero os seus ósos pélvicos carecían de conexión directa coas vértebras. Entre elas inclúense especies fósiles como Haasiophis, Pachyrhachis e Eupodophis, que son lixeiramente máis antigas que Najash.[13]

Esta hipótese viuse reforzada en 2015 polo descubrimento dun fósil de 113 millóns de anos de antigüidade dunha cobra cuadrúpeda no Brasil que foi bautizada como Tetrapodophis amplectus. Ten moitos trazos de cobra, está adaptada para escavar e o seu estómago indica que se alimentaba doutros animais.[19] Actualmente non se sabe con certeza se a Tetrapodophis é unha cobra ou outra especie da orde dos escamosos, xa que o corpo das cobras evolucionou de forma independente polo menos 26 veces. O Tetrapodophis non ten trazos distintivos de cobra na columna vertebral e o cranio.[20][21] Un estudo realizado en 2021 sitúa ao animal nun grupo de lagartos mariños extintos do Cretáceo coñecidos como dolichosaurus e non relacionados directamente coas cobras.[22]

Unha hipótese alternativa, baseada na morfoloxía, suxire que os antepasados das cobras estaban emparentados cos mosasauros - réptiles acuáticos extintos do Cretáceo- formando o clado Pythonomorpha.[12] Segundo esta hipótese, as pálpebras fusionadas e transparentes das cobras evolucionarían para combater as condicións mariñas (perda de auga da córnea por osmose), e as orellas externas perdéronse por desuso nun medio acuático. Isto acabou dando lugar a un animal similar ás cobras mariñas actuais. A finais do Cretáceo, as cobras recolonizaron a terra e continuaron diversificándose ata converterse nas cobras actuais. Coñécense restos fósiles de cobras en sedimentos mariños do Cretáceo Superior, o que concorda con esta hipótese, sobre todo porque son máis antigos que a Najash rionegrina terrestre. A estrutura similar do cranio, as extremidades reducidas ou ausentes e outras características anatómicas atopadas tanto en mosasauros como en cobras conducen a unha correlación cladística positiva, aínda que algunhas destas características son compartidas cos varánidos..[Cómpre referencia]

Os estudos xenéticos dos últimos anos indican que as cobras non están tan emparentadas cos lagartos monitor como se cría e, polo tanto, tampouco cos mosasauros, o devanceiro proposto no escenario acuático da súa evolución. Porén, hai máis probas que relacionan aos mosasauros coas cobras que cos varánidos. Restos fragmentarios achados no Xurásico e no Cretáceo cedo indican rexistros fósiles máis profundos destes grupos, o que podería refutar calquera das dúas hipóteses.[23][24]

Bases xenéticas da evolución das cobras editar

Tanto os fósiles como os estudos filoxenéticos demostran que as cobras evolucionaron a partir dos lagartos, de aí que se preguntou que cambios xenéticos levaron á perda das extremidades nos antepasados das cobras. En realidade, a perda de extremidades é moi común nos réptiles actuais e produciuse ducias de veces en escíncidos, ánguidos e outros lagartos.[25]

En 2016, dous estudos informaron de que a perda de extremidades nas cobras está asociada a mutacións do ADN na Secuencia Reguladora da Zona de Actividade Polarizante (ZAP), unha rexión reguladora do xene sonic hedgehog que é críticamente necesaria para o desenvolvemento das extremidades. As cobras máis avanzadas non teñen restos de extremidades, pero as cobras basales, como as pitóns e as boas, teñen restos de extremidades traseiras moi reducidas e vestixiais. Os embrións das pitón teñen mesmo xemas de extremidades traseiras completamente desenvolvidas, pero o seu desenvolvemento posterior detense polas mutacións do ADN na ZAP.[26][27][28][29]

Distribución editar

 
Distribución mundial aproximada.

Existen máis de 2.900 especies de cobras que habitan dende as terras de Escandinavia ata Australia. As cobras poden atoparse en tódolos continentes agás na Antártida, nos océanos, ou por riba de 4.900 metros de altitude, como no Himalaia asiático.[12][30] Tamén hai moitas illas nas que as cobras están ausentes, como Irlanda, Islandia e Nova Zelandia[5][30] (malia que nas augas de Nova Zelandia son frecuentes as especies mariñas Pelamis platura e Laticauda colubrina).[31]

Taxonomía editar

Todas as cobras modernas agrúpanse dentro da suborden Serpentes na taxonomía Linneana , parte da orde escamosos, aínda que a súa colocación precisa dentro dos escamadas segue sendo controvertida.[32]

As dúas infraordes de cobras son Alethinophidia e Scolecophidia.[32] Esta separación baséase en características de morfolóxicas e na similitude de secuencias de ADN mitocondrial. Os aletiinofidios ás veces divídense en henofidios e caenofidios, sendo estes últimos as cobras "colubroides" (colúbridos, vipéridos, elápidos, hidrofiinos e atractaspídidos) e os acrocórdidos, mentres que as demais familias de aletiinofidios forman os henofidios.[33] Aínda que non existen na actualidade, os Madtsoiidae, unha familia de cobras xigantes, primitivas e parecidas as pitóns, existiron ata hai 50.000 anos en Australia, representados por xéneros como Wonambi.

Actualmente recoñécense unhas 20 familias de cobras, arredor de 500 xéneros e unhas 3.400 especies.[32][34] En canto ó seu tamaño, abrangue dende a máis pequena Leptotyphlops carlae de 10 cm ata o pitón reticulado de 8,7m de longo.[35][11] A especie fósil Titanoboa cerrejonensis medía 15 metros. Pénsase que as cobras evolucionaron dos lagartos acuáticos durante o período Cretáceo, e o fósil máis antigo atopado ten 112 millóns de anos. A diversidade das cobras modernas produciuse durante Paleoceno (c 66 a 56 millóns de anos). A descrición de cobra preservada máis antiga é o Papiro de Brooklyn.

Veleno editar

Artigo principal: Veleno de cobra.

A maioría das especies non son velenosas, e as que teñen veleno úsano principalmente para matar e subxugar ás presas e non para autodefensa. Algunhas posúen un veleno potente abondo para causar lesións ou morte para os seres humanos. As non velenosas engolen a presa viva ou mátana por constrición.

En Galiza editar

En Galiza hai seis especies de cobras:

  • Cobra lagarteira común (Coronella austríaca). É un ofidio de tamaño pequeno, e común nos toxais e queirogais.
  • Cobra lagarteira meridional (Coronella girondica). É unha cobra pequena e mide entre 50 e 70 cm. Aliméntase sobre todo de saurios (e algún artrópodo).
  • Cobra de escada ou serpe riscada (Elaphe scalaris). É un ofidio grande, con corpo musculoso. É unha especie pouco frecuente, agás algunha zona da costa meridional coruñesa.
  • Cobra rateira ou cobregón (Malpolon monspessulanus). É a maior dos ofidios galegos, o maior exemplar medía 182 cm, mais a maioría miden entre 90 e 140 cm. A mordedura non acostuma ser perigosa para o ser humano.
  • Cobra de colar (Natrix natrix). É o ofidio máis coñecido e abundante. Teñen mala sona, mais inxustamente pois son totalmente inofensivas. En moitos sitios confúndena coa víbora. Aliméntanse sobre todo de anfibios, aínda que tamén comen algunha ave e peixes.
  • Cobra viperina ou cobra de auga viperina (Natrix maura). Esta cobra asemella unha víbora mais é inofensiva. É abundante na metade sur da Galiza.

Notas editar

  1. Non se debe confundir este termo co empregado para aludir ás cobras das familias Naja e Ophiophagus, ambas membros da familia Elapidae.
  2. Diario, Nós. "As duas palavras galego-portuguesas mais internacionais, com um epílogo galego tragicómico". Nós Diario. Consultado o 2022-04-11. 
  3. "bUSCatermos". aplicacions.usc.es. Arquivado dende o orixinal o 11 de abril de 2022. Consultado o 2022-04-11. 
  4. "Dicionario". Real Academia Galega. Consultado o 2022-04-11. 
  5. 5,0 5,1 Roland Bauchot, ed. (1994). Snakes: A Natural History. Nova York: Sterling Publishing Co., Inc. p. 220. ISBN 1-4027-3181-7. 
  6. "Ofi-". Real Academia Galega. 
  7. Lee, Michael S. Y.; Hugall, Andrew F.; Lawson, Robin; Scanlon, John D. (2007). "Phylogeny of snakes (Serpentes): combining morphological and molecular data in likelihood, Bayesian and parsimony analyses". Systematics and Biodiversity 5 (4): 371–389. doi:10.1017/S1477200007002290. hdl:2440/44258. 
  8. Durand, J.F. (2004). The origin of snakes. Geoscience Africa. Abstract. Johannesburg, South Africa: University of the Witwatersrand. p. 187. 
  9. Hsiang AY, Field DJ, Webster TH, Behlke AD, Davis MB, Racicot RA, Gauthier JA (maio de 2015). "The origin of snakes: revealing the ecology, behavior, and evolutionary history of early snakes using genomics, phenomics, and the fossil record". BMC Evolutionary Biology 15. p. 87. PMC 4438441. PMID 25989795. doi:10.1186/s12862-015-0358-5. 
  10. Vidal, N.; Rage, J.-C.; Couloux, A.; Hedges, S.B. (2009). "Snakes (Serpentes)". En Hedges, S. B.; Kumar, S. The Timetree of Life. Oxford University Press. pp. 390–397. 
  11. 11,0 11,1 11,2 Mehrtens, J. M. (1987). Living Snakes of the World in Color. Nova York: Sterling Publishers. p. 480. ISBN 0-8069-6460-X. 
  12. 12,0 12,1 12,2 Sanchez, Alejandro. "Diapsids III: Snakes". Father Sanchez's Web Site of West Indian Natural History. Arquivado dende o orixinal o 27 de novembro de 2007. Consultado o 16 de xuño do 2023. 
  13. 13,0 13,1 "New Fossil Snake With Legs". UNEP WCMC Database. Washington, D.C.: American Association for the Advancement of Science. Arquivado dende o orixinal o 25 de decembro de 2007. Consultado o 16 de xuño do 2023. 
  14. 14,0 14,1 Holman, J. Alan (2000). Fossil Snakes of North America (First ed.). Bloomington, IN: Indiana University Press. pp. 284–323. ISBN 978-0253337214. 
  15. Yi, Hongyu; Norell, Mark A. (2015). "The burrowing origin of modern snakes". Science Advances 1 (10). pp. e1500743. Bibcode:2015SciA....1E0743Y. PMC 4681343. PMID 26702436. doi:10.1126/sciadv.1500743. 
  16. 16,0 16,1 Mc Dowell, Samuel (1972). The evolution of the tongue of snakes and its bearing on snake origins. Evolutionary Biology 6. pp. 191–273. ISBN 978-1-4684-9065-7. doi:10.1007/978-1-4684-9063-3_8. 
  17. Apesteguía S, Zaher H (abril de 2006). "A Cretaceous terrestrial snake with robust hindlimbs and a sacrum". Nature 440 (7087). pp. 1037–40. Bibcode:2006Natur.440.1037A. PMID 16625194. doi:10.1038/nature04413. Arquivado dende o orixinal o 18 de decembro de 2007. 
  18. 18,0 18,1 18,2 Mertens, Robert (1961). "Lanthanotus: an important lizard in evolution". Sarawak Museum Journal 10. pp. 320–322. 
  19. Jonathan, Webb (24 de xullo de 2014). "Four-legged snake ancestor 'dug burrows'". BBC Science & Environment. Arquivado dende o orixinal o 26 de xullo de 2015. Consultado o 16 de xuño do 2023. 
  20. Yong, Ed (23 de xullo de 2015). "A Fossil Snake With Four Legs". National Geographic. Arquivado dende o orixinal o 23 de xullo 2015. Consultado o 16 de xuño do 2023. 
  21. Martill DM, Tischlinger H, Longrich NR (xullo de 2015). "EVOLUTION. A four-legged snake from the Early Cretaceous of Gondwana". Science 349 (6246). pp. 416–9. Bibcode:2015Sci...349..416M. PMID 26206932. doi:10.1126/science.aaa9208. 
  22. "Famous Discovery of Four-Legged Snake Fossil Turns Out to Have a Twist in The Tale". www.msn.com (en inglés). Consultado o 16 de xuño do 2023. 
  23. Vidal N, Hedges SB (May 2004). "Molecular evidence for a terrestrial origin of snakes". Proceedings. Biological Sciences 271 (Suppl 4). pp. S226–9. PMC 1810015. PMID 15252991. doi:10.1098/rsbl.2003.0151. 
  24. Caldwell MW, Nydam RL, Palci A, Apesteguía S (January 2015). "The oldest known snakes from the Middle Jurassic-Lower Cretaceous provide insights on snake evolution". Nature Communications 6 (1). p. 5996. Bibcode:2015NatCo...6.5996C. PMID 25625704. doi:10.1038/ncomms6996. 
  25. Bergmann, Philip J.; Morinaga, Gen (March 2019). "The convergent evolution of snake‐like forms by divergent evolutionary pathways in squamate reptiles*". Evolution (en inglés) 73 (3). pp. 481–496. ISSN 0014-3820. PMID 30460998. doi:10.1111/evo.13651. 
  26. "What a Legless Mouse Tells Us About Snake Evolution". The Atlantic. Arquivado dende o orixinal o 24 de outubro de 2016. Consultado o 17 de setembro do 2023. 
  27. "Snakes Used to Have Legs and Arms … Until These Mutations Happened". Live Science. Arquivado dende o orixinal o 22 de outubro de 2016. Consultado o 17 de setembro do 2023. 
  28. Leal F, Cohn MJ (November 2016). "Loss and Re-emergence of Legs in Snakes by Modular Evolution of Sonic hedgehog and HOXD Enhancers". Current Biology 26 (21): 2966–2973. PMID 27773569. doi:10.1016/j.cub.2016.09.020. 
  29. Kvon EZ, Kamneva OK, Melo US, Barozzi I, Osterwalder M, Mannion BJ, et al. (outubro de 2016). "Progressive Loss of Function in a Limb Enhancer during Snake Evolution". Cell 167 (3): 633–642.e11. PMC 5484524. PMID 27768887. doi:10.1016/j.cell.2016.09.028. 
  30. 30,0 30,1 Conant R, Collins JT. 1991. A Field Guide to Reptiles and Amphibians: Eastern and Central North America. Houghton Mifflin, Boston. 450 pp. 48 plates. ISBN 0-395-37022-1.
  31. Natural History Information Centre, Auckland War Memorial Museum. "Natural History Questions". Auckland War Memorial Museum - Tamaki Paenga Hira. Auckland, New Zealand: Auckland War Memorial Museum. Q. Are there any snakes in New Zealand?. Arquivado dende o orixinal o 12 de xullo de 2012. Consultado o 26 de abril de 2012. 
  32. 32,0 32,1 32,2 Sistema Integrado de Información Taxonómica. "Serpentes (TSN 174118)" (en inglés). 
  33. Pough FH (2002). Herpetology: Third Edition. Pearson Prentice Hall. ISBN 978-0-13-100849-6. 
  34. snake species list at the Reptile Database. Consultado o 22 de maio de 2012.
  35. Murphy; Henderson, JC; RW (1997). Krieger Pub. Co, ed. Tales of Giant Snakes: A Historical Natural History of Anacondas and Pythons. Florida, USA. p. 221. ISBN 0-89464-995-7. 

Véxase tamén editar

Bibliografía editar

Outros artigos editar

Ligazóns externas editar