Semana Santa de Lugo
A Semana Santa de Lugo é unha celebración católica que ten lugar na cidade española de Lugo (provincia de Lugo). É unha das celebracións relixiosas máis antigas de Galicia, que se realiza anualmente e de modo case ininterrompido desde a Idade Media.[1] Nesta conmemórase a paixón, morte e resurrección de Xesús de Nazaret a través dos diferentes actos, celebracións e procesións que realizan as confrarías.[2] Ademais do seu carácter relixioso, a Semana Santa lucense é tamén considerada como un acontecemento cultural, popular e de atracción turística.[3]
Semana Santa de Lugo | |
---|---|
Paso da Virxe da Esperanza de Lugo | |
Datos da festa | |
Nome oficial | Semana Santa de Lugo |
Tipo | Relixiosa |
Celebrada por: | Xunta de Confrarías da Semana Santa de Lugo |
Lugar | Lugo, España |
Comezo | Venres de Dores, (o venres previo ao Domingo de Ramos). |
Fin | Domingo de Resurrección, (o domingo seguinte ao de Ramos). |
Data | Variable (determínase segundo o Computus). |
Participantes |
|
Significado | Representar e celebrar a Paixón, morte e Resurrección de Cristo |
Costumes | A fonte documental máis antiga data do 1698 |
A Semana Santa de Lugo é un dos reclamos turísticos da localidade conseguindo ano a ano atraer a miles de visitantes que chegan chamados polo carácter único destas celebracións.[3] Esta Semana Santa destaca polo gran valor artístico da imaxinaría e ourivaría, ademais de ter un carácter xeralmente sobrio e austero, que fai que se asemelle máis á Semana Santa castelá, en comparación con exemplos quizais máis famosos, como a Semana Santa andaluza.[4]
Os actos centrais da Semana Santa lucense dan comezo o Venres de Dores e a súa celebración prolóngase durante máis dunha semana, finalizando o Domingo de Resurrección. Nela participan un total de sete Confrarías que compoñen a Xunta de Confrarías, encargada de coordinar os diferentes actos e desfiles procesionais que representan a Paixón de Cristo.
Confrarías da Semana Santa de Lugo editar
Son un total de 7 as confrarías que procesionan durante a Semana Santa en Lugo:
- Confraría do Santo Cristo do Perdón e A Nosa Señora da Piedade
- Confraría Infantil da Entrada Triunfal de Xesús en Xerusalén
- Confraría do Desencravo do Señor e das Maiores Dores de María Santísima
- Confraría Sacramental da Santa Cea
- Episcopal e Catedralicia Confraría do Bo Xesús
- Insigne Confraría da Santísima Virxe da Esperanza
- Orde Franciscana Segrar
Procesións e outros actos editar
Pregón da Semana Santa lucense editar
O pregón da Semana Santa lucense, organizado pola Xunta de Confrarías, é o acto que dá inicio a todas as celebracións de Semana Santa. Foron pregoeiros da Semana Santa lucense figuras tan relevantes como Marta Rivera, monseñor Alfonso Carrasco Rouco, Manuel Sureda González, o almirante Santiago Bolívar Piñeiro ou Pilar Falcón Osorio.
Coresma editar
Durante as semanas da Coresma, a Xunta de Confrarías da Semana Santa de Lugo encárgase de organizar unha serie de concertos, charlas, e presentacións, para promocionar mediante actividades paralelas, a celebración da Semana Santa na cidade de Lugo.
Venres de Dores editar
- Vía Crucis
Ten lugar no denominado Venres de Dores. Está organizado pola Xunta de Confrarías da Semana Santa de Lugo inaugurando deste xeito os actos procesionais da Semana Santa de Lugo.
Domingo de Ramos editar
- Procesión da Entrada triunfal de Xesús en Xerusalén
Bendición de Ramos e Procesión da Entrada Triunfal de Xesús en Xerusalén, organizada pola Confraría Infantil da Entrada Triunfal de Xesús en Xerusalén. Procesiona a imaxe de "A Borriquita". A partir das 11:30 horas, na praza de Santa María. O paso é acompañado por unha multitude de xente portando palmas e ramos para a súa bendición.
- Procesión da Virxe das Dores
A procesión da Virxe das Dores, ten lugar o Domingo de Ramos pola tarde. A Confraría do Desencravo do Señor e das Maiores Dores de María Santísima encárgase de organizar esta procesión. Procesionan dúas imaxes, a «Vera Cruz» e «A Virxe das Dores».
Luns Santo editar
- Procesión da Virxe da Esperanza
Organizada pola insigne Confraría da Santísima Virxe da Esperanza. Saída ás 20,30 horas desde a Igrexa de Santiago "A Nova", porta de praza Angel Fernández López e escoltada polo Terzo Norte de Infantaría de Mariña, Cuartel de Instrución de Mariñeiría e Comandancia Militar de Mariña.
Martes Santo editar
- Procesión do Bo Xesús e o Nazareno
Organizada pola Episcopal e Catedralicia Confraría do Bo Xesús e do Nazareno. Saída ás 20:30 horas desde a catedral de Santa María, praza Pío XII e escoltada pola BRILAT "Galicia" VII.
Mércores Santo editar
- Procesión do Santo Cristo do Perdón e A Nosa Señora da Piedade e Vía Crucis Penitencial
Organizada pola Confraría do Santo Cristo do Perdón e A Nosa Señora da Piedade. Saída ás 20:30 horas desde a catedral de Santa María, praza Pío XII. Vía Crucis ao seu paso por rúa da Raíña e escoltada pola Garda Civil.
Xoves Santo editar
- Procesión da Última Cea
Organizada pola Confraría Sacramental da Santa Cea. Saída ás 19:30 horas desde a catedral de Santa María, Praza Pío XII.
Venres Santo editar
Na tarde do Venres Santo, ten lugar a procesión do Santo Enterro. Organízaa a Orde Franciscana Segrar e a Confraría do Desencravo e Maiores Dores de María Santísima. É a procesión máis antiga de Lugo.
Acto do Desencravo do Señor editar
“...é o Desencravo, dun dramatismo que fai romper en bágoas e saloucos á maioría dos fieis que enchen o fermoso templo.”
Para este acto úsase unha imaxe articulada de Cristo, construída polo taller compostelán moderno de Rodríguez e Puente. Actualmente celébrase na igrexa dos PP. Franciscanos.
Procesión do Santo Enterro editar
Organizada pola Orde Franciscana Segrar e a Confraría do Desencravo do Señor e das Maiores Dores de María Santísima. Saída ás 20,00 horas desde a Capela da Soidade, Praza da Soidade. A esta procesión incorpóranse as demais confrarías con todos os seus "pasos", ás 20,15 horas no fondo da Praza Maior.
Procesión da Virxe da Soidade “As Caladiñas” editar
Organizada pola Orde Franciscana Segrar e a Confraría do Desencravo do Señor e das Maiores Dores de María Santísima. Saída ás 23,00 horas desde a Capela da Soidade, na Praza da Soidade.
Sábado Santo editar
Procesión da Virxe da Piedade
Organizada pola Confraría do Santo Cristo do Perdón e A Nosa Señora da Piedade. Saída ás 8,30 horas, desde a catedral de Santa María, Praza Pío XII.
Domingo de Resurrección editar
Procesión do Santo Encontro editar
Organizada pola Xunta de Confrarías da Semana Santa de Lugo. Saída ás 11,40 horas desde o Concello de Lugo, Praza Maior.
Procesión do Noso Señor Xesucristo Resucitado
Organizada pola Confraría Infantil da Entrada Triunfal de Xesús en Xerusalén. Saída ás 13,30 horas desde a Praza de Santa María.
Sedes das confrarías da Semana Santa lucense editar
A Semana Santa de Lugo está repartida en sedes distintas: a igrexa de Santiago A Nova, o convento dos PP. Franciscanos, a capela da Soidade, a igrexa de San Froilán e a catedral de Lugo.
Imaxineiros da Semana Santa de Lugo editar
Notas editar
- Toda a información presente neste artigo, excepto a introdución do mesmo, provén da páxina oficial da Semana Santa de Lugo, concretamente das seccións en castelán "Cofradías" e "Procesiones".
- ↑ (VV.AA. 2008)
- ↑ "Seis preguntas clave para entender la Semana Santa". www.romereports.com. Consultado o 2017-05-02.
- ↑ 3,0 3,1 "Intenso movimiento turístico en Lugo en la Semana Santa". Lugo.gal (en español). Arquivado dende o orixinal o 17 de xullo de 2017.
- ↑ "Semana Santa en la provincia de Lugo". Vivir Galicia Turismo (en castelán). Consultado o 2017-05-02.
Véxase tamén editar
Bibliografía editar
- Adrán Goás, Carlos; Kawamura Kawamura, Yayoi; Pardo de Cela, Santiago F. (2001). Cruces parroquiales de la ribera del Landro (en español). Fundación Caixa Galicia. ISBN 84-95491-26-5.
- VV.AA. (2008). La Semana Santa en Galicia (en español). Hércules de Ediciones. ISBN 978-84-96314-74-0.