Languedoc-Rosellón

Languedoc-Rosellón
	Llenguadoc-Rosselló; Languedoc-Roussillon; Lengadòc-Rosselhon
Bandeira de Languedoc-Rosellón	Escudo de Languedoc-Rosellón
Bandeira	Escudo
Estado	Francia
Capital	Montpellier
• Poboación	251.634 (2006)
Lingua oficial	Francés2
Forma de goberno	Rexión de Francia
Presidente	Damien Alary
Superficie	Posto 9º
• Total	27.376 km²
Poboación	Posto 9º
• Total	2 594 000 (est. 2008) hab.
• Densidade	95 hab./km²
Xentilicio	languedociano; rosellonés/esa
Fuso horario	UTC+1
• Horario de verán	UTC+2
Dominio de Internet	.fr
Código ISO	FR-K
	1 Fálase catalán na parte sur e occitano no resto do territorio.; 2 Malia ser segundo as leis francesas o francés a única lingua oficial, o Consello Xeral dos Pireneos Orientais aprobou unha resolución legal na que se lle daba unha certa oficialidade ás linguas catalá e occitana nese departamento.; Sitio web oficial
	v; c; e;

Languedoc-Rosellón^[3]^[4] ou Languedoc-Roselló^[5]^[6] (en catalán: Llenguadoc-Rosselló, en francés: Languedoc-Roussillon, en occitano: Lengadòc-Rosselhon) é unha antiga rexión francesa que agrupaba cinco departamentos. Estaba bordeada ao sur por España e o mar Mediterráneo (golfo de León) e mais as rexións de Provenza-Alpes-Costa Azul, Ródano-Alpes, Auvernia e Mediodía-Pireneos. Moitos elementos naturais a rodean: os Pireneos, despois as terras do Lauragais, os Cévennes e o río Ródano. Moitos xeógrafos^[quen?] falaban dun anfiteatro que mira ao mar, en relación ás montañas e as chairas languedocianas e rosellonesas.

Os seus cinco departamentos eran herdeiros das provincias do Antigo réxime do Languedoc e Rosellón. Eran: o Aude (número 11), o Gard (número 30), o Hérault (número 34), o Lozère (número 48) e os Pireneos Orientais (número 66).

No 2004 o consello rexional adoptou un novo logotipo simbolizando o sol, e que levaba a divisa: "Vivir na Septimania".

Dende o 1 de xaneiro de 2016 forma parte administrativamente da nova rexión de Occitania.^[7]

Historia Editar

Artigo principal: Historia do Languedoc-Rosellón.

Na época antiga, o Languedoc-Rosellón formaba a provincia Narbonense, incorporada ben cedo ao Imperio romano. No século V, os visigodos instaláronse aquí, fundando a Septimania. Esta provincia foi temporalmente dominada polos árabes, antes de ser conquistada por Carlos Magno, que a denominou marca de Gothie. Na época feudal tivo lugar unha grande fragmentación política: os condados do Rosellón e de Cerdaña, de lingua catalá, pasaron á órbita do reino de Aragón, mentres que o Baixo Languedoc pasou baixo a dominación da casa Trencavel; despois, tras a cruzada albixense baixo a do rei de Francia. O tratado de Corbeil de 1258 ratifica esta división: os Corbières formaban a fronteira entre o reino de Francia e o reino de Aragón. En 1659 o tratado dos Pireneos incorporou o Rosellón e o norte da Cerdaña ao reino de Francia, pero as provincias do Languedoc e do Rosellón quedaron separadas administrativamente.

Administración Editar

Artigo principal: Consello rexional do Languedoc-Rosellón.

Política Editar

A política no Languedoc-Rosellón estivo dominada durante tempo pola oposición entre dous persoeiros: Jacques Blanc (presidente do consello rexional durante 18 anos) e Georges Frêche, o seu adversario socialista que o sucedeu en marzo de 2004. Os exministros Claude Allègre e Jean-Claude Gayssot son orixinarios da rexión.

Xeografía Editar

A antiga rexión do Languedoc-Rosellón é moi heteroxénea. A chaira litoral contrasta coas zonas montañosas de Cévennes e os Pireneos, pasando polas mesetas calcarias. As costas rochosas dos Pireneos alternas coas longas praias de area protexendo as bastas lagoas (lagoa de Thau, de Vendres, do Méjean...).

Economía Editar

A economía do Languedoc-Rosellón baseábase nun único factor esencial, o "sol", ao servizo de dous sectores vitais: o turismo e a agricultura.

Notas Editar

↑ Definicións no Dicionario da Real Academia Galega e no Portal das Palabras para languedociano.
↑ Definicións no Dicionario da Real Academia Galega e no Portal das Palabras para rosellonés.
↑ Véxase a entrada de «Perpiñán». Diciopedia do século 21 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1618. ISBN 9788482893600.
↑ González Rei, Begoña (2004). Ortografía da lingua galega. Galinova Editorial. ISBN 978-8497370417.
↑ Definicións no Dicionario da Real Academia Galega e no Portal das Palabras para rosellonés.
↑ Criterios para o uso da lingua, SNL da Universidade da Coruña, 2012.
↑ "Loi n° 2015-29 du 16 janvier 2015 relative à la délimitation des régions, aux élections régionales et départementales et modifiant le calendrier électoral" (en francés). 16 de xaneiro de 2015.

Véxase tamén Editar

Ligazóns externas Editar

[1] Definicións no Dicionario da Real Academia Galega e no Portal das Palabras para languedociano.

[2] Definicións no Dicionario da Real Academia Galega e no Portal das Palabras para rosellonés.

[Diciopedia-3] Véxase a entrada de «Perpiñán». Diciopedia do século 21 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1618. ISBN 9788482893600.

[4] González Rei, Begoña (2004). Ortografía da lingua galega. Galinova Editorial. ISBN 978-8497370417.

[5] Definicións no Dicionario da Real Academia Galega e no Portal das Palabras para rosellonés.

[6] Criterios para o uso da lingua, SNL da Universidade da Coruña, 2012.

[reform_law-7] "Loi n° 2015-29 du 16 janvier 2015 relative à la délimitation des régions, aux élections régionales et départementales et modifiant le calendrier électoral" (en francés). 16 de xaneiro de 2015.

[3]

[4]

[5]

[6]

[1]

[2]

[7]