Aude

Aude (11) é un departamento de Francia cuxa capital é Carcasona. Forma parte da rexión de Occitania. O seu xentilicio en francés é Audois. Das tres patrias da cassoulet (Carcasona, Castelnaudary e Tolosa), dúas atópanse en Aude.

Aude

Nomeado en referencia a	Rio Aude (pt)
Localización
43°05′N 2°25′L
Estado	Francia
Divisións administrativas	Francia Metropolitana
Rexións	Occitania
Contén a división administrativa	arrondissement of Carcassonne (en) arrondissement of Limoux (en) arrondissement of Narbonne (en)
Poboación
Poboación	375.217 (2020) (61,12 hab./km²)
Xeografía
Superficie	6.139 km²
Bañado por	Golfo de León e Rio Aude (pt)
Punto máis alto	Pic de Madrès (en) (2.469 m)
Comparte fronteira con	Ariège, Oeste Tarn, norte Alta Garona, noroeste Pireneos Orientais, sur Hérault, Nordés
Creación	4 de marzo de 1790
Organización política
• Presidente	Hélène Sandragne (en)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	FR-11
Código NUTS	FR811
Código de departamento INSEE	11
Sitio web	aude.fr

Historia

O departamento de Aude foi un dos oitenta e tres creados o 4 de marzo de 1790, en aplicación da lei do 22 de decembro de 1789. As súas fronteiras abarcan o que anteriormente foi unha parte da provincia de Languedoc.

Xeografía

• Está limitado polos departamentos de Hérault ao nordeste, Tarn ao norte, Alta Garona ao noroeste, Ariège ao suroeste, Pireneos Orientais ao sur, e polo mar Mediterráneo (47 km de costa) ao leste.
• Por Aude pasan os ríos Aude, Orbieu e Hers.
• Punto máis alto: Pic du Madrès (2.469m). Punto máis baixo: 0m (costa mediterránea)
• Estrada máis alta: Col du Pradel (1.679m)
• Outros cumios: Pic du Bernard-Sauvage (2.423m), Picaucel (2.027m), La Glèbe (2.024m)
• Maior lagoa: Étang de Bages-et-de-Sigean (45 km²)
• Estanques salgados: Étang de Salses-Leucate (110 km², compartido cos Pireneos Orientais), Étang de Gruissan (25 km²), Étang de l'Ayrolle e Étang de Campignol (16 km² entre ambos), Étang de Lapalme
• Lagos de l'Estrade e Étang de Pissevaches
• Desfiladeiros da Pierre-Lys, Gorges de Galamus, da Frau, do Orbieu, do Aude
• Grutas de Limousis, de Laguzou, de Cabrespine (sima xigante)

Clima

O clima de Aude é predominantemente mediterráneo.

O outono caracterízase por tormentas violentas e rápidas. O verán é a miúdo cálido e seco, o que favorece o cultivo da vide e a oliveira. Mais, o departamento é unha terra de contrastes:

No norte, a Montagne Noire (montaña negra) e, no sur, o país de Sault teñen climas de montaña, con temperaturas ás veces moi baixas en inverno.

No oeste, o clima é de tipo aquitano, con precipitacións máis importantes, mentres que no leste o clima é puramente mediterráneo.

No centro, na rexión Limouxine, Carcassonnaise e do Razès, o clima é intermedio, con exposicións importantes aos ventos. Os ventos están a miúdo presentes no Aude. É un dos departamentos franceses máis ventosos con 300 a 350 días de vento por ano. Este fenómeno débese principalmente aos relevos setentrionais e meridionais que forman un corredor.

No noroeste sopra o Cers, chamado Tramontane en Provenza, que é un vento de terra. É un vento seco e violento e frío en inverno. Ao contrario, sopra o Autan que é cálido e húmido e procede do mar ao sueste. Estes ventos regulares permitiron instalar centrais eólicas como en Avignonet-Lauragais.

Demografía

Evolución demográfica (poboación censada)

1801	1831	1841	1851	1856	1861	1866
225.228	270.125	284.285	289.747	282.833	283.606	288.626
1872	1876	1881	1886	1891	1896	1901
285.927	300.065	327.942	332.080	317.372	310.513	313.531
1906	1911	1921	1926	1931	1936	1946
308.327	300.537	287.052	291.951	296.880	285.115	268.889
1954	1962	1968	1975	1982	1990	1999
268.254	269.782	278.323	272.366	280.686	298.712	309.770

As maiores cidades do departamento son (datos do censo de 1999):

• Narbona 46.510 habitantes; a aglomeración fórmaa un único municipio.
• Carcasona: 43.950 habitantes; a aglomeración fórmaa un único municipio.
• Castelnaudary: 10.851 habitantes, 11.876 na aglomeración.

Economía

Vista da cidade de Carcasona dende a Cidade.

Con pouca importancia da industria (centrada nas cidades principais e en Port-la-Nouvelle), os principais recursos proveñen da agricultura (principalmente a vide) e, sobre todo, do turismo. Lugares de interese son a cidade fortificada de Carcasona, o conxunto monumental de Narbona, a abadía de Fontfroide, os castelos de Peyrepertuse e Quéribus e a reserva africana de Sigean, entre outros.

Ligazóns externas

• Historia, demografía e outros datos de interese de Aude(en francés)