Abrir o menú principal

Roberto Mera

avogado e político galego

Roberto Mera Covas, nado en Ponteareas en setembro de 1971, é un avogado e político galego.

Roberto Mera
Nacementosetembro de 1971
 Ponteareas
NacionalidadeEspaña
Alma máterUniversidade de Santiago de Compostela
Ocupaciónpolítico e avogado
editar datos en Wikidata ]

TraxectoriaEditar

Licenciado en Dereito e en Ciencias Políticas e da Administración pola Universidade de Santiago de Compostela. Actualmente exerce como avogado e politólogo en Ponteareas e é concelleiro do goberno municipal desta localidade.

En 1990 iniciou a súa traxectoria social e política como cofundador do Grupo Ecoloxista Adenco (Asociación para a Defensa da Natureza do Condado) do que foi máximo responsábel até 1995. En 1991 formou parte da candidatura do BNG, encabezándoa en 1995, ano no que logra tres concelleiros, sendo designado portavoz do BNG. Nese mesmo ano querelouse contra o alcalde José Castro Álvarez (PP) e o seu goberno, que resultaron inhabilitados en 2001.[1] Nas eleccións municipais de 1999 e 2003 repetíu como cabeza de lista do BNG. No 2003, após obter o BNG cinco concelleiros, asumiu a responsabilidade de primeiro tenente de alcalde, logo de apoiar para a alcaldía a Francisco de Asís Candeira Mosquera, o candidato do PSOE e forza menos votada (dous concelleiros), quen acadou tamén o apoio do PP, pero foi desbancado cunha moción de censura en 2004. Nas eleccións municipais de 2007 foi o candidato á alcaldía máis votado, obtendo seis edís, pero un pacto in extremis entre o PP de Salvador González Solla e a UCPA de Nava Castro impedíulle ser o alcalde de Ponteareas.[2]

En paralelo coa política local, entre 1995 e 2009 ocupou diversas responsabilidades no BNG: responsábel comarcal no Condado, membro do Consello Nacional e da Executiva Nacional como Secretario de Política Municipal.

En 2009 abandonou a política activa[3] aínda que continuou figurando nas candidaturas do BNG nas eleccións municipais de 2011 e 2015, neste ano como independente. O alcalde de Ponteareas, Xosé Represas (BNG), incorporouno ao terceiro posto da candidatura das eleccións municipais de 2019.[4] Tras eses comicios, nos que o BNG revalidou a alcaldía con nove concelleiros,[5] asumíu a terceira tenencia de alcaldía e as concellarías de Bo Goberno, Transparencia e Participación Cidadá; Tráfico e Mobilidade; e Medio Rural.[6]

Dende hai décadas participa no movemento social da parroquia de Arcos con responsabilidades directivas na súa comunidade de montes veciñal en man común e na casa cultural. É directivo da asociación cultural ponteareán Ronco&Fol formando parte do seu grupo de música tradicional.

Realizou a investigación biográfica do seu tío-bisavó, o político e industrial Alejandro Viana Esperón, de quen publicou varios traballos [7]. Coautor do estudo “Os nomes de Arcos. Inventario e estudo da toponimia e microtoponimia de San Breixo de Arcos (Ponteareas)”.

NotasEditar

  1. "José Castro, condenado a diez años de inhabilitación". Consultado o 2001. 
  2. "Los populares y los independientes de Nava Castro pactan alternarse en la alcaldía de Ponteareas". Consultado o 2019. 
  3. El nacionalista Roberto Mera abandona la política activa
  4. "Represas recupera a Roberto Mera para un puesto "de salida" en la lista del BNG de Ponteareas". Consultado o 7 abril 2019. 
  5. Vigo, Faro de. "Xosé Represas repetirá en el gobierno si renueva su pacto con los socialistas". www.farodevigo.es (en castelán). Consultado o 2019-10-11. 
  6. Vigo, Faro de. "Represas asumirá Facenda, Seguridade, Medio Urbán y compartirá Urbanismo". www.farodevigo.es (en castelán). Consultado o 2019-10-11. 
  7. Mera Covas, Roberto (2016). "Alejandro Viana Esperón, un galego á fronte da evacuación dos republicanos en Francia (1939-1941)". Grial: revista galega de cultura (Vol. 54, Nº. Extra 212). 

Véxase taménEditar

Ligazóns externasEditar