Richard Widmark

Richard Weedt Widmark, nado en Sunrise, Minnesota, o 26 de decembro de 1914 e finado en Roxbury, Connecticut, o 24 de marzo de 2008, foi un actor estadounidense. Iniciado no teatro e na radio, pasou ao cinema en 1947, destacando pola súa versatilidade, interpretando papeis en filmes de cinema negro, do oeste ou de aventuras.

Richard Widmark

Biografía
Nacemento	(en) Richard Weedt Widmark 26 de decembro de 1914 Sunrise Township, Estados Unidos de América (en)
Morte	24 de marzo de 2008 (93 anos) Roxbury, Estados Unidos de América (pt)
Lugar de sepultura	Great Oak Cemetery (en)
Educación	Lake Forest College (en) Princeton High School (en)
Altura	178 cm
Actividade
Lugar de traballo	Estados Unidos de América
Ocupación	actor de cinema, actor, produtor, realizador, director de cinema, actor de teatro, actor de televisión, produtor de cinema
Período de actividade	1938 - 2001
Xénero artístico	Western, cinema dramático, Cinema negro, filme épico (pt) , filme de suspense, filme sobre crime, cinema de aventuras, filme de acción, cinema bélico, filme de misterio, cinema de ciencia ficción, Cinema de terror, cinema de comedia, documental, science fiction horror film (en) , cinema romántico, psychological horror film (en) e psychological thriller film (en)
Familia
Cónxuxe	Susan Blanchard (1999–2008) Jean Hazlewood (1942–1997)
Fillos	Anne Heath Widmark  () Jean Hazlewood
Premios
(1948)  Globo de Ouro á nova estrela do ano - Actor, premiado polo traballo Kiss of Death (pt)  estrela no Paseo da Fama de Hollywood
Descrito pola fonte	Obálky knih,

Traxectoria

Richard Widmark creceu na localidade de Princeton, Illinois. Por mor da profesión do seu pai, representante comercial, o mozo Richard residiu en diferentes poboacións durante a súa infancia e adolescencia. Finalmente, acudiu ao Lake Forest College, onde estudou interpretación. Debutou na radio, en 1938, no serial Aunt Jenny's Real Life Stories. Comezou a traballar en Broadway, en 1943, coa obra Kiss and Tell. Foi declarado incapacitado durante a segunda guerra mundial, debido a unha perforación do tímpano.

A súa magnífica interpretación nesa obra de teatro foi moi apreciada polo director Henry Hathaway, quen contou con el para facelo debutar no cinema con Kiss of Death, en 1947. Widmark facía o papel do gánster asasino Tommy Udo. A escena que pasou á historia deste filme é na que Udo empurra unha anciá (interpretada por Mildred Dunnock) nunha cadeira de rodas escaleiras abaixo. O filme foi un éxito rotundo e Widmark converteuse nunha estrela. Deste xeito, o actor conseguiu un contrato de sete anos coa 20th Century Fox. Ademais, gañou o premio ao mellor actor revelación dos Globos de Ouro, e foi candidato ao Óscar ao mellor actor secundario.

Richard Widmark foi un actor de culto que interpretou solidamente personaxes duras, estruturadas e monolíticas, mais que nalgún momento deixan entrever un tenue transfondo de humanidade.

Durante a década dos 40 e dos 50, Widmark interveu en moitas producións. Entre os seus mellores títulos, destacan Night and the City (1950), de Jules Dassin; No Way Out (1950), de Joseph L. Mankiewicz; Panic in the Streets (1951), de Elia Kazan; Broken Lance (1954), de Edward Dmytryk; The Cobweb (1955), de Vincente Minnelli; The Last Wagon (1956), de Delmer Daves e The Law and Jake Wade (1958), de John Sturges.

Na década dos 60 protagonizou algúns dos seus títulos máis coñecidos, como O Álamo (1960), de John Wayne; Judgment at Nuremberg (1961), de Stanley Kramer; Two Rode Together (1961), de John Ford ou Brigada homicida (1968), filme dirixido por Don Siegel. Precisamente a personaxe deste último filme, o detective Madigan, tamén triunfou na televisión durante os anos 70. Un dos seus filmes máis destacados foi The Bedford Incident (1965) onde protagonizou xunto a Sidney Poitier un filme bélico de intensa tensión emocional.

Widmark estivo casado coa escritora Jean Hazlewood dende 1942 até a morte dela, ocorrida o 2 de marzo de 1997. En setembro de 1999, Widmark casou con Susan Blanchard. Widmark vivía dende entón retirado das pantallas, en Roxbury, Connecticut.

O actor faleceu o 24 de marzo de 2008 aos 93 anos no seu fogar de Roxbury despois que a rotura dunha vértebra meses atrás causase un empeoramento do seu estado de saúde tras unha longa doenza.

Filmografía

Ano	Título	Personaxe	Notas
1947	Kiss of Death	Tommy Udo
1948	The Street with No Name	Alec Stiles
1948	Road House	Jefferson T. "Jefty" Robbins
1948	Yellow Sky	Dude
1949	Down to the Sea in Ships	First Mate Dan Lunceford
1949	Slattery's Hurricane	Tte. Willard Francis Slattery
1950	Night and the City	Harry Fabian
1950	Panic in the Streets	Tte. Cmdr. Clinton "Clint" Reed M.D.
1950	No Way Out	Ray Biddle	Coprotagonizado por Sidney Poitier
1951	Halls of Montezuma	Tte. Anderson
1951	The Frogmen	Tte. Cmdr. John Lawrence
1952	Red Skies of Montana	Cliff Mason
1952	Don't Bother to Knock	Jed Towers
1952	O. Henry's Full House	Johnny Kernan	Episodio: "The Clarion Call"
1952	My Pal Gus	Dave Jennings
1953	Destination Gobi	CPO Samuel T. McHale
1953	Pickup on South Street	Skip McCoy
1953	Take the High Ground!	Sgt. Thorne Ryan
1954	Hell and High Water	Capt. Adam Jones
1954	Garden of Evil	Fiske
1954	Broken Lance	Ben Devereaux
1955	A Prize of Gold	Sergeant Joe Lawrence
1955	The Cobweb	Dr. Stewart "Mac" McIver
1956	O sexto fuxitivo	Jim Slater
1956	Run for the Sun	Michael "Mike" Latimer
1956	The Last Wagon	Comanche Todd
1957	Saint Joan	The Dauphin, Charles VII
1957	Time Limit	Col. William Edwards	Produtor
1958	The Law and Jake Wade	Clint Hollister
1958	The Tunnel of Love	August "Augie" Poole
1959	The Trap	Ralph Anderson
1959	Warlock	Johnny Gannon
1960	O Álamo	Colonel Jim Bowie
1961	The Secret Ways	Michael Reynolds	Produtor; director sen acreditar
1961	Two Rode Together	Primeiro Tte. Jim Gary
1961	Judgment at Nuremberg	Col. Tad Lawson
1962	A conquista do Oeste	Mike King
1964	The Long Ships	Rolfe	Segundo filme con Sidney Poitier
1964	Flight from Ashiya	L:t. Col. Glenn Stevenson
1964	O gran combate	Capt. Thomas Archer
1965	The Bedford Incident	Captain Eric Finlander U.S.N.	Produtor; terceiro filme con Sidney Poitier
1966	Álvarez Kelly	Col. Tom Rossiter
1967	The Way West	Lije Evans
1968	Brigada homicida	Det. Daniel Madigan
1969	Death of a Gunfighter	Marshal Frank Patch
1969	A Talent for Loving	Major Patten
1970	The Moonshine War	Dr. Emmett Taulbee
1972	When the Legends Die	Red Dillon
1974	Asasinato no Orient Express	Lenfranco Cassetti
1976	To the Devil a Daughter	John Verney
1976	The Sell Out	Sam Lucas
1977	Twilight's Last Gleaming	Gen. Martin MacKenzie – Commanding General SA
1977	The Domino Principle	Tagge
1977	Rollercoaster	Agent Hoyt
1978	Coma	Dr. Harris
1978	The Swarm	Gen. Slater
1979	Bear Island	Otto Gerran
1982	National Lampoon Goes to the Movies	Stan Nagurski	"Municipalians"
1982	Hanky Panky	Ransom	Dirixido por Sidney Poitier
1982	Who Dares Wins	Secretary of State Arthur Currie
1984	Against All Odds	Ben Caxton
1991	True Colors	Sen. James Stiles

Véxase tamén

Ligazóns externas

• Literature on Richard Widmark
• The Daily Telegraph, 27 de marzo de 2008Arquivado 02 de abril de 2008 en Wayback Machine.
• The Times, 27 de marzo de 2008 Arquivado 24 de maio de 2010 en Wayback Machine.
• The Independent, 27 de marzo de 2008
• The Guardian, 27 de marzo de 2008