O gran combate
O gran combate (en inglés: Cheyenne Autumn) é un filme estadounidense de 1964 dirixido por John Ford. É un wéstern épico protagonizado por Richard Widmark, Carroll Baker, James Stewart e Edward G. Robinson. Conta a historia dun evento real, o éxodo dos cheyennes do norte en 1878–79, contado nun "estilo Hollywood" e con moitas licenzas artísticas. Foi o derradeiro wéstern dirixido por John Ford, quen o considerou como unha elexía para os nativos americanos que foran maltratados polo goberno dos Estados Unidos e cuxa historia foi terxiversada por moitos dos propios filmes do director. Cun orzamento de 4 millóns de dólares, o filme non tivo éxito na recadación e non lle permitiu obter beneficios ó seu distribuidor, Warner Bros.[2]
| O gran combate | |
|---|---|
| Ficha técnica | |
| Título orixinal | Cheyenne Autumn |
| Director | John Ford |
| Produtor | Bernard Smith |
| Guión | James R. Webb |
| Baseado en | Cheyenne Autumn de Mari Sandoz |
| Intérpretes | Richard Widmark Carroll Baker Karl Malden Sal Mineo Dolores del Río Ricardo Montalbán Gilbert Roland Arthur Kennedy James Stewart Edward G. Robinson |
| Música | Alex North |
| Fotografía | William Clothier |
| Montaxe | Otho Lovering |
| Estudio | A John Ford - Bernard Smith Production |
| Distribuidora | Warner Bros. |
| Estrea |  3 de outubro de 1964 9 de xullo de 2011 (TVG) |
| Duración | 154 minutos |
| Orixe |  Estados Unidos |
| Xénero | Wéstern |
| Recadación | 3 500 000 dólares (USA/Canadá)[1] |
| Na rede | |
          | |
Estreouse en galego o 9 de xullo de 2011 a través da TVG.[3]
Personaxes Editar
- Richard Widmark como Capitán Thomas Archer
- Carroll Baker como Deborah Wright
- Karl Malden como Capitán Wessels
- Sal Mineo como Red Shirt
- Dolores del Río como muller española (nai de Red Shirt)
- Ricardo Montalbán como Little Wolf
- Gilbert Roland como Dull Knife
- Arthur Kennedy comoDoc Holliday
- Patrick Wayne como Tenente Scott
- Elizabeth Allen como Miss Plantagenet
- John Carradine como Jeff Blair
- Victor Jory como Tall Tree
- Mike Mazurki como Sarxento primeiro
- George O'Brien como maior Braden
- Sean McClory como Dr. O'Carberry
- Judson Pratt como maior Dog Kelly
- Carmen D'Antonio como muller Pawnee
- Ken Curtis como Joe
- James Stewart como Wyatt Earp
- Edward G. Robinson como Secretario do interior
Editar
Ford usou ao pobo navajo para representar aos cheyenne. Os diálogos que supostamente están en "lingua cheyenne" están en realidade en navajo. Isto non supuxo unha gran diferenza para a audiencia branca, mais para as comunidades navajo o filme fíxose moi popular porque os actores navajos empregaban abertamente unha linguaxe vulgar e crúa que nada tiña que ver co representado no filme. Un exemplo disto é a escena na cal se asina o tratado, na que o discurso solemne do xefe é só unha burla do tamaño do pene do coronel. Algúns académicos consideran que este é un momento importante no desenvolvemento da identidade dos nativos americanos porque foron quen de burlarse da interpretación histórica de Hollywood sobre o oeste americano.[4]
Notas Editar
- ↑ "Big Rental Pictures of 1965", Variety, 5 de xaneiro de 1966 p 6
- ↑ Wilson, Joshua (5 de agosto de 2016). "CHEYENNE AUTUMN: A SAD STORY OF GOOD INTENTIONS". F for Films / essays on the movies by Joshua Wilson. Consultado o 1 de setembro de 2019.
- ↑ diariosigloxxi (ed.). "O gran combate na TVG". Arquivado dende o orixinal o 23 de setembro de 2015. Consultado o 20 de novembro de 2016.
- ↑ Real, Michael R. (1996). Exploring Media Culture: A Guide. SAGE. p. 271. ISBN 0803958773.
Véxase tamén Editar
Ligazóns externas Editar
- O gran combate na IMDb (en inglés).
- Ficha en AllMovie (en inglés)
- Ficha en RottenTomatoes (en inglés)