Ramiro Granja González

Ramiro Granja González, nado en Filgueira (Lalín) en 1889 e finado en Tenorio (Cerdedo-Cotobade) o 9 de novembro de 1936, foi un sindicalista galego.

Ramiro Granja González

Biografía
Nacemento	1889 Filgueira, España
Morte	9 de novembro de 1936 (46/47 anos) Tenorio, España
Causa da morte	paseo, execución por arma de fogo
Actividade
Ocupación	sindicalista

Traxectoria

Foi un dos fundadores da Sociedad obrera de Ponte-Nova de Donsión en 1931 e acabou sendo elixido presidente da mesma en 1936. En maio dese ano Luís Frade nomeouno axente executivo para o cobro de impostos municipais. Ao producirse o golpe de Estado do 18 de xullo de 1936 acudiu a Lalín con varios compañeiros da sociedade o día 19. Participou na reunión con Manuel Ferreiro do día seguinte. Foi detido o 1 de setembro e internado no Cuartel da Falanxe. Alí foi torturado, obrigado a asinar unha declaración inculpatoria e a entregar os libros da sociedade, que serviron aos falanxistas para practicar novas detencións. Foi trasladado o 4 de novembro á illa de San Simón, de onde o sacaron o 9 de novembro de 1936 xunto a outros dez de Lalín e Arbo, para asasinalos na Volta do Couto, na parroquia de Tenorio (Concello de Cotobade).

Vida persoal

Casou con Balbina Barcala, tivo seis fillos.

Véxase tamén

Bibliografía

• Igrexas, Manuel: "A masacre dos líderes obreiros en Tenorio" (30/8/2012) en Historias de Deza.