Raúl Castro Cao

Raúl Castro Cao, coñecido como Arxentino, nado na Arxentina en 1914 e finado en Coles o 20 de xaneiro de 1949, foi un guerrilleiro antifranquista galego.

Raúl Castro Cao

Biografía
Nacemento	1914 Arxentina
Morte	20 de xaneiro de 1949 (34/35 anos) Vilarchao, España
Causa da morte	morte en combate, ferida por arma de fogo
Datos persoais
Outros nomes	Arxentino
País de nacionalidade	España
Actividade
Ocupación	maquis
Membro de	Exército Guerrilleiro de Galicia
Lingua	Lingua galega
Carreira militar
Conflito	Guerra civil española

Traxectoria

Naceu na Arxentina de pais galegos, volveu coa nai e os seus irmáns ao concello de Coles. Traballou como albanel a xornal para a condesa de Lagariños e despois no seu taller. Co golpe de Estado do 18 de xullo de 1936 agochouse e permaneceu entobado até 1943. Logo entrou na loita antifranquista da man do PCE. Con José María Saavedra Díaz organizou os refuxios guerrilleiros no val do Miño. En 1946 era responsable político e instrutor militar da II Agrupación do Exército Guerrilleiro de Galicia. Instalou a súa base nunha casa da Edreira (Montederramo), na Serra de San Mamede. Escapou a un enfrontamento coa Garda Civil en novembro de 1948.

O 20 de xaneiro de 1949 caeu morto nun enfrontamento coa Garda Civil en Vilarchao (Coles) con César González González.

Véxase tamén

Bibliografía

• Bernardo Máiz (1988). Galicia na II República e baixo o franquismo. Vigo: Xerais. ISBN 84-7507-320-4.

Ligazóns externas

• Ficha en los de la sierra(en francés)