Puri Seixido
María Purificación Seixido Gómez,[1] nada en Cariño o 19 de novembro de 1966, é unha escritora e política galega.[2]
| Biografía | |
|---|---|
| Nacemento | 19 de novembro de 1966  (57 anos)Cariño, España |
| Alcaldesa | |
| | |
| Datos persoais | |
| País de nacionalidade | España |
| Actividade | |
| Lugar de traballo | Cariño |
| Ocupación | Escritora e política |
| Partido político | Bloque Nacionalista Galego |
| Lingua | Lingua galega e lingua castelá |
 | |
Traxectoria editar
Licenciada en Psicoloxía pola Universidade de Santiago de Compostela, é Técnico Superior en Realización Audiovisual pola Escola de Imaxe e Son da Coruña. Comezou a traballar como guionista no ano 2000 e continúa a súa actividade até hoxe.
Implicada na rede asociativa e na vida pública cariñesas, presentouse como cabeza de lista do BNG ás eleccións municipais de 2011, nas que gañou a alcaldía,[3] cargo que desempeñou ata 2015. Tras ese período de actividade política, retomou o seu traballo no sector audiovisual.
Tamén foi membro da directiva da Asociación Galega de Guionistas (AGAG) entre o 2008 e o 2013, e do Consello Territorial de SGAE en Galicia entre o 2013 e o 2020.
Filmografía editar
Traballou como guionista para series da Televisión de Galicia:
- Rías Baixas (2000).[4]
- Mareas Vivas (2002).
- A miña sogra e mais eu (2002).
- Terra de Miranda (2003-2005).
- As leis de Celavella (2004-2005).
- A vida por diante (2006).
- Libro de familia (2005-2008).
- Reliquias (2009).
- Padre Casares (2010-2014).
- Luci (2014).
Tamén foi guionista da curtametraxe A Escola das Areas (2002) e da película Emilia Pardo Bazán, a condesa rebelde (2011).[4]
Notas editar
- ↑ "Nome de Purficación Seixido na páxina do concello de Cariño". Arquivado dende o orixinal o 01 de febreiro de 2014. Consultado o 19 de xaneiro de 2014.
- ↑ "Puri Seixido | AVG | AudioVisual Galego". www.culturagalega.org (en castelán). Consultado o 2017-11-21.
- ↑ "Eleccións municipais en Cariño". 2017-04-18.
- ↑ 4,0 4,1 "Púri Seixido". IMDb. Consultado o 2017-11-21.
Véxase tamén editar
Outros artigos editar
| Predecesor: José Luis Armada Castro |
 Alcaldesa de Cariño 2011 - 2015 |
Sucesor: José Miguel Alonso Pumar |