Escola de Imaxe e Son da Coruña

A Escola de Imaxe e Son da Coruña é unha institución de ensino que ten coma obxectivo formar a expertos en creación audiovisual.

Escola de Imaxe e Son da Coruña
Vista das instalacións
Enderezo
Datas
Creación	1990
Educación
Xestión
Na rede

Historia

A necesidade dunha Escola de Imaxe en Galicia foi unha das reivindicacións permanentes nos encontros e debates sobre a imaxe celebrados dende 1984. O proxecto da Escola de Imaxe e Son da Coruña naceu en maio de 1988 coa constitución dun seminario permanente formado por Xosé Luis Mira, Pepe Coira Nieto, Manuel Abad Abad, Xosé Búa González, Manuel González Álvarez, Antonio Río, Félix Casado Nuñez , Víctor Algibay, Xosé Luis Moar Rivera e Félix Rodil.

En setembro de 1989 convocouse o concurso público de adxudicación das obras no recinto do IFP Someso. En xaneiro de 1990 publicouse no DOG o decreto de creación da Escola e o 23 de febreiro do mesmo ano aprobouse no BOE o regulamento do Módulo de operacións de imaxe e son. Ao longo de 1990 proseguiron as accións administrativas (equipamento, profesorado, etc.), ata a inauguración oficial da Escola o 14 de febreiro de 1991.

Primeiros responsábeis

O seu primeiro director (1990-1998) foi Manuel González Álvarez. O equipo inicial estivo formado por:

• Daniel Domínguez Pérez (xefe de estudos),
• Ignacio Pardo Pedrosa (secretario),
• Xullo Xermade Barros (subdirector; logo director entre 2007 e 2020),
• Carlos Amil Serantes,
• Michel Canada,
• Xabier Iglesias Feijoo,
• Luis Miguel Quiroga Valcarcel,
• Angel R. Cañas,
• Carlos Luis Oro Claro,
• Angel Cordero (foi director de 2003 a 2006),
• Jose Francisco Barba Escribá (foi director de 1999 a 2002),
• José Antonio Pérez Paris.

Posteriormente incorporaríanse novos profesionais, como Fran Negreira, Gustavo Pernas Cora, Pepe Coira Nieto, Isabel Romero, Francisco Lodeiro Gómez ou Manuel Rial.

Véxase tamén

Ligazóns externas

• Web oficial