Pazo da Deputación de Pontevedra
O Pazo da Deputación de Pontevedra, na cidade de Pontevedra, é un edificio ecléctico do século XIX, sede da deputación provincial de Pontevedra. Está situado entre a Alameda de Pontevedra e o Parque das Palmeiras.
| Pazo da Deputación de Pontevedra | |
|---|---|
 Fachada vista desde a Gran Vía de Montero Ríos | |
| Edificio | |
| Tipo | Palacio |
| Estilo | Ecléctico |
| Enderezo | Gran Vía de Montero Ríos, s/n |
| Localización | Pontevedra |
| Coordenadas | 42°25′49″N 8°38′54″O / 42.430277777778, -8.6483333333333Coordenadas: 42°25′49″N 8°38′54″O / 42.430277777778, -8.6483333333333 |
| Propietario | Deputación Provincial de Pontevedra |
| Uso(s) | Pazo provincial da Deputación |
| Construción | |
| Inicio | 1884 |
| Construción | 1890 |
| Remate | 1890 |
| Dimensións | |
| Plantas | 3 |
| Equipo | |
| Arquitecto(s) | Alejandro Sesmero e Domingo Sesmero |
| [ editar datos en Wikidata ] | |
Historia editar
A Deputación de Pontevedra constituíuse en 1836, a última das catro provincias galegas.[1] Durante décadas tivo a súa sede no convento en desuso de San Francisco, antes de trasladarse ao actual Pazo da Gran Vía de Montero Ríos en 1890.[2] Na década de 1870 iniciouse o proxecto dunha nova sede, debido ao elevado custo de mantemento da sede conventual.
En 1882, Domingo Rodríguez Sesmero e o seu fillo Alejandro Sesmero presentaron unha proposta para o novo pazo de estilo clasicista. Con todo, o proxecto final sería diferente: mostraría a influencia do estilo ecléctico e o sentido decorativo de Alejandro Rodríguez-Sesmero ao adoptar certos elementos da Casa Consistorial de Pontevedra.[3] En 1883 aprobouse o proxecto e adxudicáronse as obras, baixo a dirección de Daniel Rodríguez Vaamonde, que posteriormente foi substituído por Antonio Crespo e Siro Borrajo. En 1884 a Deputación Provincial de Pontevedra comprou ao Concello de Pontevedra os terreos onde se sitúa o actual pazo. As obras comezaron o 1 de marzo de 1884 e prolongáronse ata o 8 de novembro de 1890.
O edificio adaptouse especialmente ás necesidades de distinción, simbolismo e grandilocuencia de finais do século XIX.
Descrición editar
Alejandro Sesmero deseñou un gran palacio para uso administrativo e optou por combinar elementos doutras épocas, como a arquitectura clásica, renacentista e barroca.
O palacio pertence ao estilo ecléctico con elementos e conceptos inspirados na arquitectura francesa. É de pedra, ten planta cadrada e dous pisos. A fachada está organizada de forma simétrica, cun corpo central e outros dous corpos laterais lixeiramente adiantados con perpiaños con almofadado. Unha grande escaleira conduce á entrada principal, inspirada nun arco de triunfo, con arcos de medio punto enmarcados por columnas estriadas con capiteis xónicos.[4]
O piso superior ten un gran balcón con balaustrada e outros tres arcos de medio punto enmarcados por columnas corintias, tamén estriadas. Estas columnas enmarcan as xanelas da sala nobre.[5] Sobre elas hai tres óculos e un frontón triangular no que aparece o escudo da provincia de Pontevedra. As xanelas das esquinas do edificio están rematadas por frontóns semicirculares. Están decoradas con linteis con vieiras.
A decoración exterior, de delicada cachotaría, insérese nas molduras ao redor das xanelas con linteis, e nas decoracións sobre estes, con volutas, palmetas e rocallas.
No interior destaca a monumental escaleira e a iluminación a través de grandes lucernarios no teito. Na planta baixa, hai un salón central con grandes piares rematados por unha gran claraboia e unha vidreira co escudo da provincia de Pontevedra. O salón de plenos está decorado con estucos antigos. No interior do edificio destacan os materiais innovadores para a época, como o ferro nos lucernarios e a bufarda.[6]
Galería editar
-
-
-
-
-
-
Fachada traseira do pazo -
-
-
-
-
-
-
-
-
-
Biolo e vidreira co escudo da provincia de Pontevedra -
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
Notas editar
- ↑ "El 175 aniversario de la Diputación". Faro (en castelán). 9 de xaneiro de 2011.
- ↑ "El conjunto es monumento histórico-artístico desde 1896". La Voz de Galicia (en castelán). 14 de maio de 2013.
- ↑ "El proyecto de la obra cumbre de Sesmero cumple 130 años". La Voz de Galicia (en castelán). 21 de febreiro de 2013.
- ↑ "El Palacio Provincial de la Diputación, por dentro". Faro (en castelán). 28 de novembro de 2016.
- ↑ "El Palacio Provincial de la Diputación, por dentro". Faro (en castelán). 28 de novembro de 2016.
- ↑ "El Palacio Provincial de la Diputación, por dentro". Faro (en castelán). 28 de novembro de 2016.
Véxase tamén editar
Wikimedia Commons ten máis contidos multimedia na categoría: Pazo da Deputación de Pontevedra  |
Bibliografía editar
- Aganzo, Carlos (2010). Pontevedra. Ciudades con encanto (en castelán). Madrid: El País-Aguilar. p. 92-93. ISBN 978-8403509344.
- Fontoira Surís, Rafael (2009). Pontevedra monumental. Pontevedra: Deputación de Pontevedra. p. 415-416. ISBN 978-84-8457-327-2.
- Riveiro Tobío, Elvira (2008). Descubrir Pontevedra (en castelán). Pontevedra: Edicións do Cumio. p. 48. ISBN 9788482890852.
Outros artigos editar
- Edificio Administrativo da Deputación de Pontevedra
- Gran Vía de Montero Ríos
- Casa Consistorial de Pontevedra
- Palacete das Mendoza
Ligazóns externas editar
- Pazo da Deputación de Pontevedra Arquivado 18 de maio de 2021 en Wayback Machine. na web Visit-Pontevedra
- Pazo da Deputación de Pontevedra na web Turismo de Galicia
- Pazo Provincial de Pontevedra Arquivado 12 de xullo de 2020 en Wayback Machine. na web da Deputación de Pontevedra