Partido Galego
O Partido Galego (PG) é un partido político de centro galeguista de ámbito autonómico, que naceu o 12 de decembro de 2020 no concello de Melide coa intención de representar a todas as persoas que se senten galegas e españolas e que consideran que Galicia é unha comunidade autónoma que conta cunha cultura e unha lingua propia diferenciada do resto de comunidades.
| Partido Galego (PG) | |
|---|---|
| Partido político de Galicia | |
 | |
| Dirixentes e organización | |
| Presidente | Francisco Villanueva González |
| Secretario xeral | Miguel Míguez Magdalena |
| Mocidades | Mocidade Galega (MG)[1] |
| Historia | |
| Fundación | 12 de decembro de 2020 |
| Posicións políticas | |
| Ideoloxía | Nacionalismo galego Galeguismo Centrismo Europeísmo |
| Representación | |
| Parlamento de Galicia | 0 / 75 |
| Congreso dos Deputados | 0 / 350 |
| Concelleiros | 6 / 3.766 |
| Alcaldes | 0 / 313 |
| Outros datos | |
| Na rede | |
| https://www.partidogalego.gal | |
  | |
Posúe unha ideoloxía centrista cun fondo sentimento galeguista, que trata de representar unha ampla parte da poboación galega.
Ideoloxía
editarEste artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O perfil político do Partido Galego sitúase na centralidade política, tendo como piar principal da súa ideoloxía un forte sentimento galeguista. O Partido Galego ten como intereses principais a defensa e a protección da cultura galega, a defensa dos piares do benestar públicos (educación, sanidade, servizos sociais e pensións), a defensa da ecoloxía, a defensa do rural e a defensa do desenvolvemento sostible dos sectores produtivos da comunidade conectando coa sociedade galega.[2]
A súa acción política céntrase en gran medida no apoio e mellora en sectores consolidados tales como a pesca, gandaría, viticultura etc., así como en impulsar sectores potenciais da industria, xerando unha produción que atenda a economía circular amosando especial atención no conxunto da cadea de valor. O Partido Galego aposta polo comercio sostible, tratando de fomentar que esta actividade se exerza no comercio de proximidade e que sexa ecolóxico.
Logotipo
editarO logo representa o conxunto das ideas básicas do partido e está formado polas siglas PG. Nelas distínguense un carballo (árbore propia do clima oceánico de Galicia), unha rede de pesca (propia dun dos sectores produtivos máis importantes da comunidade), a bandeira de Galicia e as lentes de Castelao (timidamente ocultas entre as letras gue e o na palabra galego).[3]
Traxectoria
editarO Partido Galego presentouse o 12 de decembro de 2020 en Melide. Defínese como un partido de "centro transversal" e sitúase a si mesmo "no espazo do galeguismo, da moderación, e do equilibrio medioambiental".[4]
A disposición gráfica das siglas (PG) é moi semellante[5] ás do extinto Partido Galeguista Demócrata, na etapa en que fora dirixido por Manoel Soto.
Presentáronse ás municipais de 2023 como membros da coalición Contamos en concellos lugueses,[6] en total conseguiron 4.589 sufraxios o 2,39% da provincia de Lugo, a maior parte do apoio recibido veu de Sarria con 2 808 votos grazas a que Camiña Sarria formaba parte da coalición. Sacaron 18 concelleiros.
O Partido Galego estreouse nas eleccións europeas cun modesto resultado de 2.074 sufraxios en Galicia, e mais en total acadaron 5.604 obtendo a maior parte do seu apoio fóra de Galicia presuntamente de galegos emigrados.[7] A súa candidata foi Olga Dourado.[8]
Resultados electorais
editarEleccións municipais
editar| Ano | Votos | Coalición | Porcentaxe (%) | Concelleiros | Maiorías absolutas |
Maiorías simples |
| 2023 | 4.589 
|
Dentro de Contamos | 0,32%
|
18 / 3.705 |
0 | 2 |
Parlamento Europeo
editar| Parlamento Europeo | |||||||||||
| Eleccións | Total | Galicia | |||||||||
|---|---|---|---|---|---|---|---|---|---|---|---|
| 2024 | 0 / 54 |
 0
|
2.074 | 0,18% | |||||||
Notas
editar- ↑ "Mocidade Galega no Twitter". Consultado o 21 de decembro de 2020.
- ↑ "Coñece o PG – Partido Galego". Consultado o 2022-03-02.
- ↑ "vídeo acto PRESENTACIÓN Partido Galego". Consultado o 2022-03-02.
- ↑ "O Partido Galego iniciou a súa singradura para “ir dicindo as verdades do país”". Adiante Galicia. Consultado o 2020-12-12.
- ↑ Xoán Carlos Gil. Manuel Soto asume la secretaría general del Partido Galeguista (La Voz de Galicia).
- ↑ "GaS, PG y Camiña Sarria buscan un diputado bajo la marca Contamos". El Progreso. 15 de abril de 2023. Consultado o 25 de xuño de 2024.
- ↑ "Resultados en Galicia de las elecciones europeas 2024". 20minutos.es. 9 de xuño de 2024. Consultado o 25 de xuño de 2024.
- ↑ "Trinta e tres candidaturas pugnan por facer ver as eleccións europeas do 9X". Praza Pública. 14 de maio de 2024. Consultado o 25 de xuño de 2024.