Parlamento autonómico

Parlamento autonómico é a denominación habitual que se lle dá en España á articulación do poder lexislativo en cada comunidade autónoma. A súa denominación en cada comunidade está fixada polos respectivos estatutos de autonomía. A Constitución Española de 1978 refírese a eles como Asembleas ou Asembleas Lexislativas (por exemplo, no artigo 152).

O Título VIII da Constitución Española regula os poderes executivos, xudicial e lexislativo en cada rexión. Aínda que o xudicial non é propio da Comunidade, senón que é único para toda España.

Composición e funcionamentoEditar

O parlamento autonómico está formado por representantes elixidos nas eleccións autonómicas que teñen lugar nas comunidades autónomas en maio cada catro anos. Como órgano lexislativo autónomo, elabora leis autonómicas. No caso de que estas afecten ao resto das comunidades autónomas pódense tratar nas Cortes Xerais, como proposición de lei. Tamén teñen como función controlar o consello do goberno de cada comunidade, procedendo a elixir o presidente de cada comunidade autónoma tras cada elección. Posúen tamén funcións económicas e orzamentarias, aprobando anualmente a lei de orzamento de cada comunidade e son os órganos competentes para nomear os senadores en representación da comunidade autónoma e outros altos órganos propios destas.

Tamén teñen competencia para interpoñer ante o Tribunal Constitucional os recursos de inconstitucionalidade contra leis do Estado que puidesen afectar as competencias da comunidade autónoma.

Os estatutos de autonomía, regulados pola Constitución, establecen que competencias son propias de cada comunidade autónoma, sendo o máximo corpo normativo para as rexións correspondentes. Así, as Comunidades teñen competencias sobre áreas de educación, sanidade, urbanismo, medio ambiente etc. Porén, hai outros sectores que son de competencia exclusiva do Estado. Así, por exemplo, a Administración periférica do Estado regula os aeroportos ou portos, convivindo coa Administración autonómica. Aínda que isto pode cambiar coa aprobación de reformas que poidan afectar os actuais estatutos de autonomía.

Cidades autónomasEditar

Todas as comunidades autónomas teñen o seu propio parlamento. Non así as cidades autónomas, Ceuta e Melilla. No ano 1995 aprobouse nas Cortes Xerais un estatuto específico, que aínda que non lles concede capacidade lexislativa (principal diferenza coas comunidades autónomas), si que lles permite propoñer ás Cortes as iniciativas lexislativas que consideren oportunas.

Parlamento por comunidade autónomaEditar

Lexislativos autonómicos de España
Bandeira Comunidade autónoma Nome do lexislativo Sede Composición
  Andalucía Parlamento de Andalucía Sevilla 109 deputados
  Aragón Cortes de Aragón Zaragoza 67 deputados
  Principado de Asturias Xunta Xeral do Principado de Asturias Oviedo 45 deputados
  Baleares Parlamento das Illas Baleares Palma 59 deputados
  Canarias Parlamento das Canarias Santa Cruz de Tenerife 60 deputados
  Cantabria Parlamento de Cantabria Santander 39 deputados
  Castela-A Mancha Cortes de Castela-A Mancha Toledo 47 deputados
  Castela e León Cortes de Castela e León Valladolid 83 deputados
  Cataluña Parlamento de Cataluña Barcelona 135 deputados
  Comunidade Valenciana Cortes Valencianas Valencia 99 deputados
  Estremadura Asemblea de Estremadura Mérida 65 deputados
  Galicia Parlamento de Galicia Santiago de Compostela 75 deputados
  A Rioxa Parlamento da Rioxa Logroño 33 deputados
  Madrid Asemblea de Madrid Madrid 120 deputados
  Navarra Parlamento de Navarra Pamplona 50 deputados
  País Vasco Parlamento Vasco Vitoria 75 deputados
  Rexión de Murcia Asemblea Rexional de Murcia Cartaxena 45 deputados

Véxase taménEditar

Outros artigosEditar

Ligazóns externasEditar