Panteón de París

Panteón de París;
Tipo	mausoleo e igrexa
Epónimo	apóstolo
Estilo	arquitectura neoclásica
Localización
	48°50′46″N 2°20′46″L / 48.846198, 2.346105
Estado	Francia
Institución pública	Metrópole do Gran París
Colectividade territorial francesa cun status especial	París
Distrito municipal	5º distrito de París
Barrio administrativo	Quartier de la Sorbonne (en)
Rúa	place du Panthéon
Código postal	75005
Datas
Fundación	1758
Inauguración	1781
Dimensións
Altura	83 m
Persoas e organizacións
Arquitecto	Jacques-Germain Soufflot, Jean-Baptiste Rondelet e Maximilien Brébion
Operador	Centro dos Monumentos Nacionais
Visitantes anuais	875.670, 949.760, 368.080 e 223.220
Patrimonio cultural
Monumento histórico clasificado
Data	13 de febreiro de 2008
Identificador	PA00088420
	;
Monumento histórico clasificado
Data	12 de abril de 1920
Identificador	PA00088420
Contacto
Páxina WEB	paris-pantheon.fr
Redes
	[ Wikidata ]

O Panteón de París (en francés Le Panthéon) é un monumento da capital francesa, no quinto distrito (arrondissement), no chamado Barrio Latino, moi preto da Sorbona e dos liceos elitistas Louis Le grand e Henry IV.

A súa construción comezou en 1764 con Soufflot e durou 26 anos (foi rematada por Jean Baptiste Rondelet). É un dos primeiros monumentos neoclásicos de Francia. Inicialmente estaba previsto que fose unha igrexa adicada á patroa da cidade, Santa Xenoveva. Con todo a Revolución Francesa fixo que servise de templo para albergar os corpos dos homes ilustres da patria (no frontispicio está gravado «Aux grands hommes la patrie reconnaissante» («Aos grandes homes, a patria agradecida»).

Cando trala caída de Napoleón restaurouse o Antigo Réxime, recuperou o seu uso como igrexa, que persistiría durante a época do Segundo Imperio. Coa chegada da Terceira República Francesa foille devolto o seu uso laico con motivo do funeral de Victor Hugo.

O pórtico de columnas sobre o que descansa un frontón clásico está inspirado no Panteón de Agripa, en Roma, mentres que a cúpula inspírase na da catedral de San Paulo en Londres, sendo ámbalas dúas herdanza do Tempietto de San Pedro in Montorio de Bramante en Roma.

En 1851 Léon Foucault instalou o seu famoso péndulo coñecido como Péndulo de Foucault; fíxoo aquí debido a que a grande altura do inmoble facilitaba o experimento. Mediante este experimento conseguiuse demostrar a rotación da Terra e a existencia da forza de Coriolis. Dende 1995 este péndulo regresou ao Panteón.

Entre os soterrados no Panteón atópanse Voltaire, Rousseau, Marat, Victor Hugo, Émile Zola, Jean Moulin, Marie Curie, Louis Braille, Jean Monnet e Soufflot, o seu arquitecto.

O 30 de novembro de 2002 aloxouse no Panteón o cadaleito de Alexandre Dumas, o autor de Os Tres Mosqueteiros. O mesmo atopábase cuberto por un manto de veludo azul co lema dos mosqueteiros: «Un pour tous, tous pour un» («Un para todos, todos para un»). Os restos de Dumas descansaran ata ese momento no cemiterio de Villers-Cotterêts, en Aisne, Francia. No seu discurso, o Presidente Jacques Chirac dixo que con esta acción quedaba corrixida a inxustiza cometida co honor dun dos grandes escritores franceses.

Véxase tamén

Ligazóns externas

Historia e Información do Panteon de París