O Tío Pepe
O Tío Pepe foi un quincenario editado na Fonsagrada en 1913.
| O Tío Pepe | |
|---|---|
  | |
| Lingua | lingua galega |
| Na rede | |
 | |
| [ editar datos en Wikidata ] | |
Historia e características editar
Tiña como lema "Redención. Xusticia. Progreso. Unión. Guerra ós caciques. ¡Arriba gallegos, viv'a raza!" e apareceu o 31 de xaneiro de 1913. Dirixido probablemente por Armando Peñamaría Álvarez, de ideoloxía agrarista e integramente en galego, incluíu artigos sobre temas xerais, políticos e literarios e novas de carácter local. No seu primeiro número, no artigo "Presentación" afirmaba:
Non say ó público 'O Tío Pepe' pra decir nin facer cousas novas, non say por fachenda, nin porque teña habilidá de lucimento; say porque non lle leva o xenio estar calado ou acurrucado no escaño da cociña, vendo e oindo o que pasa; cousas que, se non debían verse nin oirse, non son tampouco pra aguantar; say pra dicir a verros o sentir en ben dos intereses dá nosa térra, da liberta dós fillos d’ela, e d’ela mesma.
Publicou poemas de Rosalía de Castro, Eduardo Pondal, Antonio Noriega Varela, Valentín Lamas Carvajal e Alberto Camino, relatos costumistas e populares e disertacións sobre a lingua galega e os seus problemas. Entre os seus colaboradores estaban Xan Lanas, pseudónimo do veterinario cotobadés, fincado na Fonsagrada, Constantino Fraguas e Aureliano Pereira. Cesou co número 20 o 26 de novembro de 1913.
Véxase tamén editar
Bibliografía editar
- Cabo Villaverde, Miguel (2003). Prensa agraria en Galicia. Ourense: Duen de Bux. p. 114. ISBN 84-932078-3-7.