Velikii Novgorod

Para outras páxinas con títulos homónimos véxase: Nóvgorod (homónimos).

Velikii Novgorod (en ruso: Великий Новгород), coñecida tamén simplemente como Novgorod é unha cidade da Federación Rusa situada a 190 km ao sueste de San Petersburgo, á beira do río Volkhov tras desaugar do lago Ilmen. É a capital do óblast homónimo, e ten unha poboación duns 232.200 habitantes (censo de 2004). Até o ano 1478 a cidade chamábase Gospodin Velikii Novgorod (en ruso: Господин Великий Новгород, "Señor Nóvgorod o Grande"). Logo, até 1999, o seu nome oficial pasou a ser Novgorod, e actualmente é Velikii Novgorod.

Velikii Novgorod

Великий Новгород (ru)
Bandeira Brasón
Localización
58°31′16″N 31°16′33″L
Estado	Rusia
Óblasts	Oblast de Novgorod (pt)
Capital de	República de Nóvgorod (1136–1478) Novgorod Governorate (en) (1727–1927) Novgorod Okrug (en) (1927–1930) Novgorod County (en) (–1927) Novgorodsky District (en) (1927–) Oblast de Novgorod (pt) (1944–)
Poboación
Poboación	222.340 (2024) (2.468,25 hab./km²)
Xeografía
Superficie	90,08 km²
Bañado por	Lago Ilmen (pt) e Rio Volkhov (pt)
Altitude	25 m
Comparte fronteira con	Novgorodsky District (en)
Datos históricos
Creación	859
Evento clave 1570 Massacre of Novgorod (en) 1611 Capture of Novgorod (en) 1941 Novgorod-Chudovskaya Defensive (en) 1944 Novgorod–Luga Offensive (en)
Organización política
• Xefe do goberno	Jurij Bobrysjev (en) (2007–2018) Sergey Vladimirovich Busurin (en) (2018–2022) Alexander Rozbaum (en) (2022–)
Membro de	Organización das Cidades do Patrimonio Mundial
Identificador descritivo
Código postal	173000–173999
Fuso horario	UTC+03:00
Prefixo telefónico	8162
Identificador OKTMO	49701000001
Identificador OKATO	49401000000
Outro
Irmandado con	Valga Moss (pt) (1970–) Nanterre (1974–) Watford (pt) (1984–) Bielefeld (1987–) Rochester (1990–) Zibo (1995–)
Sitio web	adm.nov.ru

Aparece mencionada por primeira vez no ano 856, na Crónica de Néstor, e foi, xunto con Moscova e Kíiv, unha das cidades máis importantes da Europa Oriental durante a Idade Media, e o centro do único principado que escapou do dominio mongol tras a conquista de Rusia polos mongois.

Historia

A cidade emerxeu como o centro político de pobos eslavos e fino-ugrios na metade do século X. A historia de Novgorod está estreitamente relacionada con todos os acontecementos importantes da vida do estado ruso. Na época na que o estado ruso antigo se estaba fomando, foi unha federación de tribos eslavas orientais, os habitantes de Novgorod invitaron ao príncipe Rúrik para impoñer nela a orde e a lei.

O Kremlin de Novgorod.

Monumento Milenario de Rusia, situado no interior do Kremlin de Novgorod (1862).

De Rúrik naceu a famosa dinastía Rúrika, á que pertencen os tsares rusos que gobernaron en Rusia máis de 750 anos. A principios do século X as campañas militares dos príncipes de Novgorod contra Constantinopla para protexer as relacións comerciais con Bizancio deron como resultado a integración das tribos eslavas orientais no antigo estado da Rus de Kíiv.

A adopción do cristianismo no século X trasformou Novgorod nun importante centro eclesiástico. Os esforzos do bispo de Novgorod de estender e desenvolver a relixión cristiá ortodoxa foron recompensados a mediados do século XII, cando o bispado foi elevado a arcebispado, sendo naquela época os prelados de Novgorod os máis importantes da Igrexa Ortodoxa na Rus de Kíiv.

Novgorod é o berce de tradicións republicanas e democráticas de Rusia. Durante 600 anos, até 1478, todas as decisións vitais na súa vida e na política exterior foron tomadas polo veche, antigo parlamento constituído polos representantes das familias aristocráticas de Nóvgorod. Finalmente, todo o pobo de Novgorod tomaba parte no veche.

Novgorod foi un dos maiores centros da literatura e da produción de libros rusos. Alí, nos anos 30 do século XI, por orde do príncipe Iaroslav I o Sabio, fundouse a primeira escola para trescentos nenos. O Novgorod medieval era un dos centros artísticos máis importantes de Europa. As súas tradicións arquitectónicas, escolas de pintura de iconas, xoiaría e arte decorativa aplicada eran famosas en todo o mundo.

Na cidade encóntranse a catedral de San Nicolao e a catedral de Santa Sofía. E conta cun Kremlin que foi construído durante o reinado de Iaroslav I o Sabio, e que se menciona por primeira vez na Crónica de Néstor de 1044.

Segundo unha lenda, durante a conquista da cidade por parte das tropas moscovitas de Iván o Terríbel, unha pomba pousou no alto da cruz que coroa o domo dourado da Catedral de Santa Sofía. Ao ver os horrores cometidos polas tropas moscovitas, a pomba quedou petrificada sobre a cruz. Segundo esta lenda, cando a pomba caera, Novgorod sucumbiría.

A pomba caeu cando o exército nazi tomou Novgorod durante a segunda guerra mundial. Tras a conquista, a cruz foi levada a España por membros da División Azul, segundo dicían, para salvala dos bolxeviques. A cruz foi devolta a Santa Sofía de Novgorod por veteranos da mesma división en 2004, e situada de novo no domo dourado da catedral.

A cidade é patrimonio da humanidade da UNESCO.

Imaxes de Novgorod

• 
  A torre Spasskaïa do Kremlin.
• 
  A rúa Iliina na cidade vella de Novgorod.
• 
  O Tribunal de Xustiza de Iaroslav.
• 
  Á beira do río Volkhov.
• 
  Vista xeral da cidade.

Véxase tamén

Bibliografía

• Boukine, V. (1984). Novgorod - Architecture, Monuments, Musées. Leningrado: Éditions Aurora. 
• Franklin, S. & J. Shepard (1996). The Emergence of Rus' 750-1200. Londres-Nova York: Longman History of Russia. 

Outros artigos

• Rúrik
• Rus de Kíiv
• Dinastía Rurícovich
• Crónica de Néstor

Ligazóns externas

• Novgorod the Great site (en inglés)
• Velikiy Novgorod for tourists (en inglés)
• The Faceted Palace of the Kremlin in Novgorod the Great site (en inglés)
• Novgorod the Great for a businessman (en inglés)
• Photos tagged with novgorod on Flickr, fotos de Nóvgorod o Grande (en inglés)