Monte Alba
Coordenadas: 42°10′20″N 8°44′10″O / 42.172235138183, -8.7361194052854
O monte Alba[1], tamén coñecido como O Cerro de San Bartolomeu, localízase na parroquia de Valadares, no concello pontevedrés de Vigo.[2]
Situación editar
Conforma un parque forestal xunto co monte Cepudo[2], que acada unha altura de 527 m. Ambos os dous forman parte dun mesmo macizo granítico dividido en dous na parte máis alta. É o máis alto dos dous e un dos puntos máis elevados de todo o concello de Vigo. Os dous cumios son tamén miradoiros desde os cales se pode observar gran parte da cidade, a ría de Vigo e mais as illas Cíes.
Celebracións editar
Todos os 15 de agosto comeza no monte Alba unha romaría que dura ata o 8 de setembro.
O 15 de agosto sobe dende a igrexa de Valadares ata a súa ermida a imaxe da Virxe da Alba. Días máis tarde, o 24 de agosto, sobe San Bartolomeu, coñecido como o santo «quitamedos» xa que a tradición di que ao dar tres croques nel, os medos desaparecen. Finalmente, o 8 de setembro baixan as dúas imaxes ata a igrexa parroquial. Durante a subida e a baixada, en procesión, centos de persoas e varios grupos de gaitas acompañan a Virxe e a San Bartolomeu.
.jpg)
Patrimonio editar
.jpg)
No cumio do monte Alba, a 503 metros de altitude[3], atópase a capela de Nosa Señora da Alba, adicada á Virxe da Alba e a San Bartolomeu, que no pasado formou parte dun castelo medieval. É unha ermida con planta rectangular e na súa fachada aínda se conserva o escudo da familia á que pertencía.
No ano 1999, para impulsar a renovación e recuperación do monte Alba, a comunidade de montes de Valadares organizou o Primeiro Simposio Internacional de Esculturas no monte Alba. Froito deste acontecemento, na actualidade pódense visitar ata 11 esculturas; algunhas delas son Itinerario de Ana Olano, Receptáculo solar de Eduardo López, A pirámide do tempo de María Branera, Atravesando el paso de Igor Brown ou a Metamorfosis de Remigio Davila. Esta última é unha das máis coñecidas, xa que se trata dunha escultura formada por tres pezas que se van transformando ata se converteren nun instrumento musical. Esta peza final ten no medio un oco, a través do cal pode contemplarse o solpor cada 15 de agosto.
Notas editar
- ↑ "O Monte Alba - 272201". galicianomeada.xunta.gal. Consultado o 2023-10-19.
- ↑ 2,0 2,1 "Parque Forestal Monte Alba-Cepudo (Valadares)". Turismo de Vigo (en castelán). 2012-10-15. Consultado o 2023-10-18.
- ↑ "Do monte Cepudo ao monte Aloia - GALICIA". www.turismo.gal. Consultado o 2023-10-18.
Véxase tamén editar
Ligazóns externas editar
- Turismo de Vigo: Parque Forestal Monte Alba-Cepudo (Valadares)
- Galicia Máxica: Monte Alba
- Galicia Máxica: Monte Cepudo
- Moralejo, M. El Monte Alba inicia una serie de tres romerías hasta comienzos de septiembre., La Voz de Galicia (15 de xullo de 2018)
- Igor Brown firmó la obra "Atravesando el paso" en el Monte Alba, La Voz de Galicia (22 de febreiro de 2008)
- Rías Baixas: Capilla del Monte Alba
- Xunta de Galicia: Do monte Cepudo ao monte Aloia... de Vigo a Tui pola serra do Galiñeiro.]