Mons Maenalus

A Mons Maenalus (latín para Monte Mainalo) foi o nome dunha constelación creada por Johannes Hevelius no século XVII, tal como publicou na súa obra Firmamentum Sobiescianum.

Representación artística da constelación de Mons Maenalus.

Mapa da constelación Mons Maenalus.

Características

Esta constelación, sita entre Boötes e Virgo, e xeralmente considerada parte da primeira, simboliza o monte do mesmo nome que se atopaba na rexión de Arcadia en Grecia, onde se supón que estaba parado Boötes (o pastor). Na actualidade está obsoleta, sendo a súa estrela máis brillante 31 Bootis, unha xigante do tipo G de magnitude aparente 4,86.

O monte tomou o seu nome da mitoloxía grega. Algúns din que Maenalus foi o fillo máis vello de Licaón, rei de Arcadia, o que fixo de Maenalus irmán de Calisto e, polo tanto, tío do seu fillo Arcas, a quen segundo algunhas interpretacións representa a constelación de Boötes. Outros, no entanto, afirman que foi en realidade o fillo de Arcas e, polo tanto, o neto de Calisto. De calquera xeito, Maenalus deulle o seu nome ó monte e en Arcadia á cidade de Maenalon, cidade fundada polo mesmo Maenalus. O nome moderno do monte Maenalus é Mainalos.

Véxase tamén

Ligazóns externas

• Constelaciones obsoletas. Arquivado 13 de outubro de 2008 en Wayback Machine. (en inglés)
• Mons Maenalus. (en inglés)