Ramón López Suárez, coñecido popularmente como Moncho López, nado en Narón o 10 de xullo de 1969, é un adestrador profesional de baloncesto galego. Dende 2009 adestra o FC Porto.

Infotaula de personaMoncho López
Biografía
Nacemento10 de xullo de 1969 Editar o valor em Wikidata (54 anos)
Ferrol, España Editar o valor em Wikidata
Datos persoais
País de nacionalidadeEspaña Editar o valor em Wikidata
Actividade
Ocupaciónadestrador de baloncesto , baloncestista Editar o valor em Wikidata
LinguaLingua castelá Editar o valor em Wikidata
Deportebaloncesto Editar o valor em Wikidata

Traxectoria editar

Despois de comezar con 17 anos á fronte do equipo do Colexio Santiago Apóstolo pasou ao Clesa Ferrol e ao Siglo XXI de Lugo. Con menos de 30 anos adestrou o CB Gijón, logrando ascender á ACB na tempada 1998/99, de onde pasou a traballar para a Federación Española. Como adestrador da selección B española, conseguiu a medalla de ouro nos Xogos Mediterráneos de 2001. De aí pasou a ser axudante de Javier Imbroda no banco da selección de baloncesto de España, e cando este deixou o cargo para dirixir o Real Madrid logo do Mundobasket 2002, substituíuno á fronte do equipo (outubro de 2002). Así conseguiu a medalla de prata no Campionato Europeo de Baloncesto de 2003, logo de perder na final fronte a Lituania.[1]

En maio de 2004, tres meses antes dos Xogos Olímpicos de Atenas dimitiu do posto para dirixir o equipo do Leite Río Breogán de Lugo na ACB,[2] onde permaneceu ata 2006. En marzo de 2007 foi contratado como adestrador do equipo andaluz do Caja San Fernando ata o remate desa tempada. Ao ano seguinte, en febreiro de 2008, foi fichado como novo adestrador da selección portuguesa de baloncesto.[3]

En 2009 converteuse tamén no adestrador do FC Porto, traballo que compaxinou co da selección ata setembro de 2010, cando a Federación Portuguesa, molesta con esta situación, rescindiu o seu contrato como seleccionador.[4] Co FC Porto gañou a Copa e a Copa da Liga na tempada 2009/10 e a liga e o Trofeo António Pratas na 2010/11. Tras a seguinte campaña, na que o Porto gañou a Supercopa, a Copa e a Copa da Liga, e perdeu a final da liga contra o Benfica, o club decidiu disolver o equipo de baloncesto por controversias coa Federación.[5] Moncho quedou ao cargo das categorías inferiores e do Dragon Force, un novo equipo con xogadores xuvenís co que ascendeu no seu primeiro ano á Proliga (segunda división). Na súa primeira tempada na Proliga (2013/14) o Dragon Force acabou campión tras derrotar na final ao Illiabum e gañou unha praza na máxima categoría,[6] pero o club decidiu continuar un ano máis no segundo nivel. Repetiu título ao ano seguinte gañando todos os seus partidos e vencendo na final dos playoffs ao Eléctrico FC. En 2015 Moncho adestrou tamén a selección angolana, coa que gañou a medalla de prata no Afrobasket de 2015. [5][7]

Co Dragon Force xa na primeira división, e renomeado de novo a FC Porto, conseguiu meter o equipo na final dos playoffs, onde derrotou ao Benfica e gañou o 12º título de liga para o club portuense.[8] Gañou tamén a Copa da Liga dese ano e na tempada 2018/19 unha nova Copa e unha Supercopa.

Equipos editar

Palmarés editar

Clubs editar

FC Porto editar

Dragon Force editar

Seleccións nacionais editar

España editar

Angola editar

Notas editar

  1. Fernández, J.M. (16 de xaneiro de 2017). "Moncho López: «Moriré con las botas puestas»" (en castelán). Consultado o 9 de novembro de 2020. 
  2. "Moncho López planta por sorpresa a la selección". El Mundo (en castelán). 12 de maio de 2004. Consultado o 9 de novembro de 2020. 
  3. "Moncho López, entrenador de la Selección de Portugal" (en castelán). 12 de febreiro de 2008. Consultado o 9 de novembro de 2020. 
  4. "Moncho López deja de entrenar a la selección portuguesa". Marca (en castelán). 17 de setembro de 2010. Consultado o 8 de novembro de 2020. 
  5. 5,0 5,1 "Moncho López dibuja 11 años en el Oporto a través de 11 momentos". La Voz de Galicia (en castelán). 25 de marzo de 2019. Consultado o 9 de novembro de 2020. 
  6. "O técnico galego Moncho López rubrica o ascenso de Dragon Force á LPB". 1 de abril de 2014. Arquivado dende o orixinal o 09 de novembro de 2020. Consultado o 9 de novembro de 2020. 
  7. "Un galego, seleccionador angolano". Galicia Confidencial. 11 de febreiro de 2015. Consultado o 9 de novembro de 2020. 
  8. "El Porto de Moncho López campeón en Portugal" (en castelán). Consultado o 9 de novembro de 2020. 

Véxase tamén editar

Ligazóns externas editar