María Luísa de Borbón-Parma

María Luísa de Borbón-Parma (en búlgaro: Мария-Луиза Бурбон-Пармск), nada en Roma o 17 de xaneiro de 1870 e finada en Sofía o 31 de xaneiro de 1899 foi unha aristócrata italiana, por nacemento princesa de Parma, por matrimonio con Fernando I de Bulgaria princesa consorte de Bulgaria e nai do tsar Boris III de Bulgaria.

María Luísa de Borbón-Parma
Reinado	20 de abril de 1893 – 31 de xaneiro de 1899
Nacemento	17 de xaneiro de 1870 Roma
Falecemento	31 de xaneiro de 1899 (29 anos) Sofía
Predecesor	-
Sucesor	Leonor Reuss-Köstritz
Consorte	Fernando I de Bulgaria
Casa real	Casa de Borbón-Parma
Proxenitores	Roberto I de Parma María Pía de Borbón-Dúas Sicilias
Na rede

Traxectoria

Naceu en Roma e desde o momento do seu nacemento foi princesa de Parma, a pesar de que a súa familia fora expulsada de Parma anos antes.

Foi a filla máis vella de Roberto I de Parma e da súa primeira esposa, a princesa María Pía de Borbón-Dúas Sicilias. Por liña paterna era neta do duque Carlos III de Parma e da princesa Luísa de Borbón, mentres que por materna foino do rei Fernando II das Dúas Sicilias e da arquiduquesa María Tareixa de Austria-Teschen.

Matrimonio e descendencia

A política europea do século XIX ditaba que pola súa condición de princesa, o seu matrimonio debía ser de útil para a súa familia, e para fortalecer as relacións con Bulgaria o seu pai negociou os esponsais co entón príncipe herdeiro daquel reino, Fernando de Saxonia-Coburgo-Gotha, que despois de falecer a súa muller e tras a abdicación do seu pai, foi tsar de Bulgaria, polo que María Luísa non foi tsarina, só princesa.

O matrimonio celebrouse o 20 de abril de 1893 en Vila Pianore, situada en Camaiore, Lucca (Italia), e residencia de Roberto I de Parma, pai da contraente. A pesar da polémica sobre o amaneiramento do esposo, o matrimonio non tardou en ter sucesión, e nove meses e dez días despois do enlace naceu o seu primeiro fillo, o príncipe Boris, ao que seguiron tres irmáns máis:

1. Boris III de Bulgaria (1894-1943), tsar de Bulgaria.
2. Cirilo de Bulgaria (1895-1945), rexente de Bulgaria, que foi asasinado polos comunistas.
3. Eudoxia de Bulgaria (1895-1985), morreu solteira.
4. Nadezhda de Bulgaria (1899-1958), casou co duque Alberte Euxenio de Württemberg, de quen tivo descendencia.

Morreu en Sofía en 1899 tras dar a luz á súa cuarta filla, cando só contaba 29 anos de idade. Foi sepultada na catedral de San Lois de Francia, na cidade búlgara de Plovdiv e de relixión católica, pois María Luísa nunca abandonou a súa confesión católica en favor da ortodoxa propia do seu marido.

Distincións honoríficas

• Dama gran cruz da Orde de San Alexandre (Principado de Bulgaria).

Devanceiros

Devanceiros de María Luísa de Borbón-Parma

16. Lois I de Parma

8. Carlos II de Parma

17. María Luísa de Borbón

4. Carlos III de Parma

18. Vítor Manuel I de Sardeña

9. María Tareixa de Savoia

19. María Tareixa de Austria-Este

2. Roberto I de Parma

20. Carlos X de Francia

10. Carlos Fernando de Borbón

21. María Tareixa de Savoia

5. Luísa María de Borbón

22. Francisco I das Dúas Sicilias

11. María Carolina das Dúas Sicilias

23. María Isabel de Borbón

1. María Luísa de Borbón-Parma

24. Fernando I das Dúas Sicilias

12. Francisco I das Dúas Sicilias

25. María Carolina de Austria

6. Fernando II das Dúas Sicilias

26. Carlos IV de España

13. María Isabel de Borbón

27. María Luísa de Parma

3. María Pía de Borbón-Dúas Sicilias

28. Leopoldo II de Austria

14. Carlos de Austria-Teschen

29. María Luísa de Borbón

7. María Tareixa de Austria-Teschen

30. Federico Guillerme de Nassau-Weilburg

15. Henriqueta de Nassau-Weilburg

31. Luísa Isabel, condesa de Sayn-Wittgenstein-Hachenburg

Véxase tamén

Bibliografía

• Aronson, Theo (1986) Crowns in conflict: the triumph and the tragedy of European monarchy, 1910-1918, John Murray Publishers, Londres. ISBN 0-7195-4279-0
• Constant, S. (1979) Foxy Ferdinand, 1861-1948, Tsar of Bulgaria, Sidgwick and Jackson, Londres. ISBN 0-283-98515-1

Predecesor: Ningún

Princesa consorte de Bulgaria 20 de abril de 1893 - 31 de xaneiro de 1899

Sucesor: Leonor de Reuss-Köstritz