Manuel Casado Nieto

Manuel Casado Nieto, nado en Castro Caldelas o 28 de setembro de 1912 e finado en Barcelona o 18 de decembro de 1983, foi un escritor, tradutor e fiscal galego.

Manuel Casado Nieto

Biografía
Nacemento	28 de setembro de 1912 Castro Caldelas, España
Morte	18 de decembro de 1983 (71 anos) Barcelona, España
Fiscal
Datos persoais
Educación	Universidade de Santiago de Compostela Universidade Complutense de Madrid
Actividade
Ocupación	escritor, tradutor, fiscal
Membro de	Real Academia Galega (membro correspondente)
Obra
Obras destacables (1980) A boda do Reimundo
Familia
Fillos	Xoán Manuel Casado

Traxectoria

Estudou Matemáticas e Dereito nas universidades de Santiago e Madrid. En Madrid foi redactor xefe da revista Galicia. En 1935 ingresou na carreira xudicial, e obtivo destinos primeiro en Oviedo, logo en Pontevedra e máis tarde en Barcelona, onde desenvolveu a maior parte da súa carreira como fiscal da audiencia.

En Barcelona estivo moi integrado na vida da comunidade galega e foi presidente do Centro Galego de Barcelona dende 1954 ata 1970. Ademais das múltiples colaboracións en xornais e revistas, e da súa faceta como escritor en galego e en castelán, foi un dos primeiros tradutores ao galego de libros bíblicos: o Libro de Xob, o Eclesiastés, a Cántiga das Cántigas (1968) ou o Novo Testamento, en 1974. Tamén traduciu algúns poemas de Salvador Espriu.

Obra en galego

Momumento a Casado Nieto en Castro Caldelas.

Poesía

• Amor e eleuciós, 1930.
• Orballo ispido, 1954, Colección Xistral, Lugo.
• O ronsel do meu silenzo, 1955, Alba, Vigo.
• Canta de lonxe o corazón do tempo, 1969, Galaxia.
• Vendima, 1982, Sotelo Blanco.

Narrativa

• Contos que non son contos, 1969, Castrelos.
• Trancos da vida do Braisiño, 1970, Ediciós do Castro.
• A boda de Reimundo e outras verídicas historias, 1980, Castrelos.
• Refendas da vida e morte, 1983, Castrelos.

Traducións

• Mostra antolóxica de poetas contemporáneos: ingleses, franceses, italiáns, cataláns, 1981, Ediciós do Castro. Con Xoán Manuel Casado.

Obras colectivas

• Arrequecer a endeita. Antoloxía de tres homes do dereito, 2007, Fundación Lois Peña Novo.

Obra en castelán

Narrativa

• Un lugar en el tiempo, 1968, Planeta, Barcelona.
• La turbia corriente, 1969, Destino, Barcelona.

Traducións

• La Mayorazga de Romariz, de Camilo Castelo Branco, 1943, Barcelona.

Obra en castelán

Poesía

• Orto, 1941.
• Sonetos vespertinos, 1957.
• Un lugar en el tiempo, 1969.

Narrativa

• La turbia corriente, 1970.

Véxase tamén

Bibliografía

• Dicionario biográfico de Galicia. Ir Indo Edicións. 2010-2011. 
• Enciclopedia Galega Universal. Ir Indo. 1999-2002. ISBN 84-7680-288-9. 
• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• García, Xosé Lois (1999). Alén do azul (unha ducia de poetas galegos en Catalunya). Do Castro. 
• Méndez Ferrín, Xosé Luis (1984). De Pondal a Novoneyra. Edicións Xerais de Galicia. pp. 107–109. ISBN 84-7507-139-2.