Luís Lamela

Luís Lamela García, nado en Corcubión o 5 de novembro de 1945, é un historiador galego.

Luís Lamela

Biografía
Nacemento	5 de novembro de 1945 (78 anos) Corcubión, España
Datos persoais
País de nacionalidade	España
Actividade
Ocupación	escritor
Xénero artístico	Ensaio e narrativa
Lingua	Galego e castelán

Traxectoria

Estudou na Escola Oficial de Náutica da Coruña e na UNED. Traballou na Mariña Mercante e posteriormente desenvolveu varias actividades profesionais no sector financeiro galego, sobre todo en Caixa Galicia.

Foi un dos pioneiros na restauración histórica da memoria do franquismo e o antifranquismo en Galiza desde unha actividade investigadora que comezou no ano 1987. Colaborou tamén en periódicos e revistas como La Voz de Galicia, El Ideal Gallego, Unión Libre ou Anuario Brigantino. Foi asesor do Proxecto Inter-universitario As vítimas, os nomes, as voces e os lugares e membro da Comisión Municipal de Aplicación da Memoria Histórica, asesora da Comisión de Honores e Distincións do Concello da Coruña, para a retirada da simboloxía franquista na cidade.

Obras en galego

Ensaio

• A represión da Masonería viguesa (2008). A Nosa Terra.

• A loita dos perdedores. Razón e xénese da guerrilla antifranquista en Galicia (2023). Santiago: Edicións Laiovento. 302 páxs.

Narrativa

• Escapado. Do Monte Pindo ao exilio pasando pola illa de San Simón, 2009, Xerais.

Obras en castelán

Ensaio

• Pepe Miñones: un crimen en la leyenda (1900-1936), 1991, Ediciós do Castro.
• Foucellas. El riguroso relato de una lucha antifranquista (1936-1952), 1992, Ediciós do Castro.
• Inmolados Gallegos. Alexandro Bóveda, Víctor Casas, Telmo Bernárdez, Adrio Barreiro..., 1993, Ediciós do Castro.
• Crónica de una represión en la Costa da Morte, 1995, Ediciós do Castro.
• Estampas de injusticia. La guerra civil del 36 en A Coruña y los documentos originados en la represión, 1998, Ediciós do Castro.
• A Coruña, 1936. Memoria convulsa de una represión, 2002, Ediciós do Castro.
• 1936, la 'Cruzada' en Compostela. La guerra civil y la represión franquista en los documentos policiales y militares, 2005.
• Un monumento en el Campo da Rata. Razón y génesis, 2006, Ateneo Republicano de Galicia.
• Antonio Fernández Pita: un alcalde fusilado por el franquismo, 2008, Ateneo Republicano de Galicia.

Premios

• Premio Faro Nerio no 2006, pola súa actividade de recuperación da Memoria Histórica desa zona.
• Premio de Honra en 2011 de Radio Nordés-Cadena SER, tamén pola súa actividade na recuperación da Memoria Histórica.

Véxase tamén

Ligazóns externas

• Luís Lamela na páxina web da Asociación de Escritoras e Escritores en Lingua Galega.