Luís Rivaya Riaño
Luís Rivaya Riaño, nado en Santa Cruz do Incio o 19 de febreiro de 1912 e finado en Madrid o 16 de abril de 1976[1], foi un xurista galego.
| Biografía | |
|---|---|
| Nacemento | 19 de febreiro de 1912  O Incio, España |
| Morte | 16 de abril de 1976 (64 anos) Madrid, España |
| Datos persoais | |
| País de nacionalidade | España |
| Educación | Universidade de Oviedo |
| Actividade | |
| Ocupación | avogado |
| Membro de | |
| Lingua | Lingua castelá |
Traxectoria editar
Primeiro dos dez fillos do notario Luís Rivaya Llamedo e de Trinidad Riaño Vigil. De pequeno trasladouse coa familia ao Barco de Valdeorras. En 1949 casou con María Isabel Segura Delgado, con quen tivo catro fillos: Luís, María Isabel, Carmen e Ana.
En 1933 licenciouse en Dereito na Universidade de Oviedo, e foi xuíz, avogado e secretario do consello de administración do Banco de Valladolid. Foi membro do Seminario de Estudos Galegos. En 1933 enviou a Sebastián González García-Paz o traballo "As Tablas de Cossas Notables de Francisco Rodríguez, esquirvano da Rúa de Valdeorras (1598-1638)", que permaneceu inédito até 2009. Escribiu na publicación A Nosa Terra sobre a redención dos foros por parte do estado[2]. Elaborou un «Proxecto de Ordenación xurídico-social da propiedade rústica en Galicia» que asumiu en 1936 o Partido Galeguista[3]
Na década de 1940 foi vivir a Sevilla, e despois residiu en Madrid. Tras a súa morte, legou parte da súa biblioteca á Fundación Otero Pedrayo.
Obra editar
- Panxoliñas de Santiago[4]
Notas editar
- ↑ "Segundo aniversario D. Luis Rivaya Riaño". ABC. 15 de abril de 1978.
- ↑ Cabo Villaverde, M. (1995): "Entre a tentación conformista e o abolicionismo: A cuestión foral durante a Segunda República", en Anuario Brigantino nº 18, páx. 159-164.
- ↑ Castro Pérez, X. (1985): O galeguismo na encrucillada republicana I. Deputación de Ourense.
- ↑ Fernández del Riego, F. (1992): Diccionario de escritores en lingua galega. Sada: Ediciós do Castro. 2ª ed. Páx. 705.
Véxase tamén editar
Bibliografía editar
- Carnicero Méndez-Aguirre, J. M. (2008-2009): «Un documentalista desconocido de Valdeorras: Luís Rivaya Riaño y "As tablas de cossas notables de Francisco Rodríguez, esquirvano da Rúa de Valdeorras (1598-1638)"», en Boletín Avriense nº 38-39, páx. 293-320.