Lourido, Cerdedo, Cerdedo-Cotobade
Lourido é un lugar situado na parroquia de Cerdedo a 452 metros de altura , no concello de Cerdedo-Cotobade, na provincia de Pontevedra. No ano 2022 tiña 16 habitantes (oito homes e oito mulleres).
| Lourido | |
|---|---|
 Capela de Santa Catarina | |
| Parroquia | Cerdedo |
| Concello | Cerdedo-Cotobade |
| Coordenadas | 42°31′36″N 8°23′49″O / 42.526651102024, -8.3970477222521Coordenadas: 42°31′36″N 8°23′49″O / 42.526651102024, -8.3970477222521 |
| Poboación | 18 hab. (2017) |
| [ editar datos en Wikidata ] | |
Patrimonio
editarA capela de Santa Catarina é do século XVIII. Nela tamén está a imaxe da Virxe dos Xuvencos, encargada polo sacerdote da parroquia para que avogase polo gando. A súa festa celébrase o segundo domingo de maio e o 15 de agosto, e adóitase levar varas e adivais para seren bendicidos.[1] Santa Catarina celébrase o derradeiro domingo de novembro, e a súa imaxe ten a primacía no altar e na procesión dos Xuvencos. No altar tamén están a Madalena, san Francisco, o Pai Eterno e outro santiño non identificado.
- Dúas son as razóns
- para ir a Lourido andando,
- a Catarina e os Xuvencos,
- a nosa Virxiña do ghando.[1]
O lugar forma parte da ruta de sendeirismo Martín Sarmiento.[2]
En 2008 rodouse na aldea parte do telefilme La bella Otero, (Jordi Frades, 2008), sobre a vida de Carolina Otero.[3]
En agosto de 2021 os veciños recuperaron a comida de verán da aldea, celebrándoa coa festa dos Xuvencos de verán. Dende entón faise no mesmo mes anualmente. Este feito propiciou recuperar xuntanza entre veciños das vilas da contorna e os propios do lugar.
Servizos
editarEn 2023 completouse a conexión de fibra óptica na aldea, acadando no 2024 unha cobertura de 100% da aldea de forma circular.
Entre 2023 e inicios de 2024 levouse a cabo, coa colaboración da CMVMC de Lourido e a Consellería de Medio Rural, a creación dun depósito de incendios na zona. Fíxose con fondos FEDER.
Lugares e parroquias
editarLugares de Cerdedo
editar| Lugares da parroquia de Cerdedo no concello pontevedrés de Cerdedo-Cotobade | |
|---|---|
|
Abelaíndo | Arén | Barro | Biduído | Cabenca | Carballás | Cavadosa | Cerdedo | Cernados | Chamadoira | Limeres | Lourido | Meilide | Revolta | San Bernabeu | A Torrente |
Parroquias de Cerdedo-Cotobade
editarNotas
editar- ↑ 1,0 1,1 Solla, Calros (2014). "Amuletos, talismáns e pedras da fartura. Obxectos de poder da Galiza tradicional". Amuletos e reliquias. Usos e crenzas. Actas da VII Xornada de literatura de tradición oral (PDF). AELG. p. 111.
- ↑ "Senda Frei Martín Sarmiento". Concello de Cerdedo-Cotobade. Arquivado dende o orixinal o 22 de marzo de 2023. Consultado o 22 de marzo de 2023.
- ↑ Luis Ángel Sabariz Rolán (18 de decembro de 2007). "La vida de La Bella Otero, en enero en la TVG". Diario de Arousa.