Cantabria Baloncesto

	Cantabria Baloncesto
Información xeral
Fundación	1975
Desaparición	2009
Cores	Vermello, negro
Localización
Cidade	Torrelavega (1975−2004); Santander (2004−2009)
Pavillón	Palacio de Deportes de Santander
Capacidade	6 000
Inauguración	31 de maio de 2003
Campionatos
C. Príncipe	1 (1997)

O Cantabria Baloncesto, S.A.D. foi un club profesional de baloncesto español da cidade de Torrelavega, Cantabria, aínda que nos seus últimos catro anos xogou en Santander. Foi fundado en 1975, deixando de existir en xullo de 2009 cando o club emitiu un comunicado oficial dicindo que non sairía a competir o non dispoñer dun "orzamento digno". Durante cinco temporadas competiu na Liga ACB cos comes de Caja Cantabria e Cantabria Lobos.

Historia

Fúndase en 1975 en Torrelavega co nome de "Sociedad de Amigos del Baloncesto". Tras varios anos por categorías rexionais, na tempada 1992-93 logra o ascenso á liga EBA. Tras tres temporadas, na 1996−97 ascende á Liga LEB. No primeiro ano nesta categoría logra o ascenso á Liga ACB onde permaneceu cinco tempadas de 1997 a 2002 grazas á transformación en Sociedade Anónima Deportiva, á sponsorización do xornal Alerta, o seu principal patrocinador, e aos de socios que acudían ao Pavillón Vicente Trueba.

En 2002 descende de novo á LEB. En 2004 o equipo trasládase de Torrelavega a Santander, ante o descontento dos afeccionados torrelaveguenses. Na capital cántabra o equipo empezou a xogar no Palacio de Deportes de Santander. En 2007 foi campión da liga regular, subcampión da Copa Príncipe de Asturias e conseguiu varios cheos no Palacio de Deportes, aumentando o apoio da cidade e da rexión ao proxecto dos Lobos.

Ao ano seguinte, na temporada 2007−08, a directiva realizou grandes fichaxes de homes con nome na LEB, pero diversas circunstancias tanto deportivas como extradeportivas deron lugar a que o obxectivo de loitar polas primeiras prazas convertésese en non descender. Tres vitorias consecutivas ao final da tempada deron lugar a que a Alerta Cantabria Lobos alcanzase a permanencia deportiva na LEB Ouro. O 4 de xullo de 2008 faise público un comunicado no que os directivos anuncian a desaparición do club cántabro.^[1] No entanto, a Federación Española de Baloncesto FEB admitiu ao equipo cántabro na terceira categoría nacional, a LEB Bronce, tras vender a súa praza na LEB Ouro ao Club Ourense Baloncesto. En abril dese mesmo ano confírmase o seu ascenso matemático a LEB Prata. Porén, no mes de xullo, o club cántabro anuncia a través dun comunicado oficial que non sairá a competir debido a non ter un orzamento digno.

Patrocinios

O club adoptou diversos nomes ao longo da súa historia:

Caja Cantabria (1992–1998)
Lobos Caja Cantabria (1998–1999)
Cantabria Lobos (1999–2002)
Los Lobos (2002–2003)
Alerta Cantabria Lobos (2003–2004)
Alerta Cantabria (2004–2009)

Xogadores

Adestradores

A seguinte é unha lista dos adestradores do Cantabria Baloncesto na ACB.

Quino Salvo (1997–2000)
Daniel Angel García (2000–2002)
Moncho Monsalve (2002–2003)

Palmarés

Copa Príncipe

Campións (1): 1997
Subcampións (1): 2007

LEB Bronce

Campións (1): 2009

Copa LEB Bronce

Campións (1): 2009

Historial

Ano	Nivel	Liga	Pos.	V–D	Outras copas
1992–93	2	1ª División	15º	21–15
1993–94	2	1ª División	18º	4–26
1994–95	2	EBA	5º	21–15
1995–96	2	EBA	3º	23–7
1996–97	2	LEB	2º	25–13	Copa Príncipe	1º
1997–98	1	ACB	14º	12–22
1998–99	1	ACB	15º	13–21
1999–00	1	ACB	14º	11–23
2000–01	1	ACB	16º	10–24
2001–02	1	ACB	17º	7–27
2002–03	2	LEB	7º	18–17
2003–04	2	LEB	11º	16–18
2004–05	2	LEB	13º	14–20
2005–06	2	LEB	9º	17–17
2006–07	2	LEB	5º	24–14	Copa Príncipe	2º
2007–08	2	LEB Ouro	15º	12–22
2008–09	4	LEB Bronce	1º	21–9	Copa LEB Bronce	1º

Notas

↑ "El Lobos desaparece". El Diario Montañés. 5 de xullo de 2008.

Véxase tamén

Ligazóns externas

Foro da afección do Cantabria Lobos Arquivado 20 de novembro de 2011 en Wayback Machine.
Canle Multimedia do Cantabria Lobos

[1] "El Lobos desaparece". El Diario Montañés. 5 de xullo de 2008.

[1]