Leonor Teles de Meneses
Leonor Teles de Meneses, cognominada A Aleivosa, nada en Tras os Montes c. 1350 e finada en Tordesillas o 27 de abril de 1386, foi raíña de Portugal entre 1371 e 1383, polo seu matrimonio con Fernando I, con quen casou o 15 de maio de 1372. En febreiro de 1373, nacía Beatriz de Portugal.
| Leonor Teles de Meneses | |
|---|---|
 | |
| Nacemento | 1350 |
| Lugar de nacemento | Tras os Montes e Alto Douro |
| Falecemento | 27 de abril de 1386 |
| Lugar de falecemento | Tordesillas |
| Soterrada | Mosteiro Real de Santa Clara de Tordesillas |
| Nacionalidade | Reino de Portugal |
| Relixión | cristianismo |
| Ocupación | monarca |
| Pai | Martim Afonso Telo de Meneses |
| Nai | Aldonca de Vasconcellos |
| Cónxuxe | João Lourenço da Cunha e Fernando I de Portugal |
| Fillos | Álvaro da Cunha, senhor de Pombeiro, Beatriz de Portugal e Afonso de Portugal (1382) |
| Irmáns | João Afonso Telo de Meneses, 6.º conde de Barcelos, Maria Telles de Meneses e Gonçalo Telo de Menezes, Conde de Neiva e Faria, Senhor de Castanhede |
| Na rede | |
 | |
| [ editar datos en Wikidata ] | |
TraxectoriaEditar
Sobriña de Xoán Afonso Telo de Meneses, conde de Barcelos, descendía polo seu pai (Martín Afonso Tello de Meneses) do rei Froila II de Asturias e León e, pola súa nai (Aldonça Anes de Vasconcelos) de Teresa Sánchez, filla bastarda do rei Sancho I de Portugal.
Coa morte de Fernando o 22 de outubro de 1383, Leonor asumiu a rexencia do reino e o seu amante galego Xoán Fernández de Andeiro pasou a vivir no pazo real. Esta ligazón desagradou principalmente ao pobo, á burguesía e a parte da nobreza, que odiaban a rexente e temían un matrimonio cun soberano vencellado á coroa castelán-leonesa.
Xoán, Mestre de Avis, apoiado por un grupo de nobres, entre os que Álvaro Pais, e o mozo Nuno Álvares Pereira foi animado polo descontento xeral a asasinar o conde de Andeiro. A acción tivo lugar no pazo, a 6 de decembro de 1383, e iniciou o proceso de obtención da rexencia en nome do infante Xoán
Leonor fuxiu de Lisboa, fiel ó Mestre de Avis, e refuxiouse en Ourense e logo en Santarém, cidades fieis á causa da raíña, onde intentou manobrar politicamente a súa continuidade no poder. Porén, co desenvolvemento do conflito entre o Mestre de Avis e o rei castelán, a rexente perdeu espazo de manobra e acabou por ceder a rexencia a Beatriz, esposa de Xoán I de Castela.
Coa vitoria do partido do Mestre de Avis na guerra civil, este converteuse en rexente e despois rei, e Xoán I de Castela, xenro de Leonor, internouna no mosteiro de Tordesillas, preto de Valladolid, onde viría a falecer.
 |
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |