Beatriz de Portugal
Beatriz de Portugal, tamén chamada Dona Brites de Portugal, nada en Coímbra en 1372 e finada en Madrigal en 1410, foi unha raíña portuguesa, filla do rei Fernando I de Portugal e da súa muller, a raíña Leonor Teles de Meneses.
| Beatriz de Portugal | |
|---|---|
 | |
| Nacemento | febreiro de 1373 |
| Lugar de nacemento | Coímbra |
| Falecemento | 1409 |
| Lugar de falecemento | Madrigalejo |
| Soterrada | mosteiro de Sancti Spiritus e sen etiquetar |
| Nacionalidade | Reino de Portugal |
| Relixión | catolicismo |
| Ocupación | monarca |
| Pai | Fernando I de Portugal |
| Nai | Leonor Teles de Meneses |
| Cónxuxe | Xoán I de Castela e Eduardo de Norwich, 2.º Duque de Iorque |
| Fillos | Miguel de Castela e Leão |
| Irmáns | Álvaro da Cunha, senhor de Pombeiro |
| Na rede | |
 | |
| [ editar datos en Wikidata ] | |
Vida Editar
Foi a última soberana da Casa de Borgoña, reinou a través de rexencia interposta, tal como sucedeu máis tarde a Pedro IV, sendo brevemente destronado pola revolución de 1383-85 tal e como este o foi polo seu irmán Miguel. Foi Beatriz I de Portugal de facto, vía rexencia e despois de iure só, entre 1383 a 1385.
Como era a única herdeira lexítima do trono deixado pola morte de Fernando I, Beatriz, casada con Xoán I de Castela, aclamouse raíña do Reino, exercendo a rexencia no seu nome, durante case dous anos, a raíña-viúva, a súa nai D. Leonor Teles de Meneses; o seu marido Xoán de Castela acrecentou mesmo o señorío dos Reinos de Portugal e Algarve aos seus títulos, e mandou cuñar moedas coas armas de León e Castela partidas coas de Portugal. Con todo, desde o inicio do reinado, varias vilas e cidades do reino comezaron a se sublevar, temendo a perda da independencia, vindo paulatinamente a engrosar o partido que se foi constituíndo á roda do Mestre de Avis. Coa subida ao trono do Mestre de Avis, despois das Cortes de Coímbra de 1385, a historiografía oficial pasou a negar a realeza de Beatriz e ata, nalgúns casos extremos, a negar ser filla biolóxica de Fernando, por forma a refutar o feito de ter sido raíña de Portugal.
Tivo un fillo con Xoán de Castela, Miguel, herdeiro apenas da Coroa de Portugal, xa que o rei tiña outros dous fillos máis vellos.
Véxase tamén Editar
Bibliografía Editar
- OLIVERA SERRANO, C.: Beatriz de Portugal. La pugna dinástica Avis-Trastámara. Santiago de Compostela: Consejo Superior de Investigaciones Científicas/Xunta de Galicia/Instituto de Estudios Gallegos «Padre Sarmiento», 2005, 591 pp. ISBN 84-00-08343-1. Cuadernos de Estudios Gallegos, XXXV.