Leonardo Sciascia

Leonardo Sciascia, nado en Racalmuto (Agrigento) o 8 de xaneiro de 1921 e finado en Palermo o 20 de novembro de 1989, foi un escritor siciliano.

Leonardo Sciascia
Nacemento	8 de xaneiro de 1921
	Racalmuto
Falecemento	20 de novembro de 1989
	Palermo
Nacionalidade	Italia e Reino de Italia
Ocupación	político, escritor, xornalista, novelista, dramaturgo, guionista e poeta
Coñecido por	Il contesto
Premios	Bagutta Prize
[ editar datos en Wikidata ]

Estatua de Leonardo Sciascia en Racalmuto.

Traxectoria

Estudou Maxisterio en Caltanissetta e foi mestre en Racalmuto entre 1949 e 1957 e en Caltanissetta entre 1957 e 1969. En 1970 deixou a ensinanza e pasou a exercer o xornalismo en Corriere della Sera. Simpatizou co Partido Comunista Italiano, mais acabou por afastarse da liña oficial para adoptar unha posición independente, o que lle valeu o recoñecemento e estima de literatos, políticos e público en xeral, que o consideraran "conciencia crítica de Italia" pola súa implacable denuncia da corrupción política e da violencia mafiosa. En 1975 foi elixido concellleiro na cidade de Palermo, mais dimitiu dous anos máis tarde; despois foi elixido deputado europeo e deputado ao congreso italiano (1979-1983) polo Partido Radical de Marco Panella. Formou parte da comisión de investigación sobre o asasinato de Aldo Moro.

Finou por mor dun cancro.

Obra

Sicilia e as súas xentes están presentes na maioría das súas obras. En 1956 publicou Le parrocchie di Regalpetra, unha narración aparentemente neorrealista mais de carácter autobiográfico e ensaístico, ambientada nunha aldea siciliana, trasunto de Racalmuto. En 1961 publicou a súa primeira novela policíaca sobre a mafia, Il giorno della civetta, de temática similar a A ciascuno il suo (1966). Il consiglio d'Egitto (1963) está ambientado en Sicilia a finais do século XVIII.

• Le favole della dittatura (1950)
• La Sicilia, il suo cuore (1952)
• Pirandello e il pirandellismo (1953)
• Le parrocchie di Regalpetra (1956)
• Gli zii di Sicilia (1958)
• Il giorno della civetta (1961)
• Il consiglio d'Egitto (1963)
• Morte dell'Inquisitore (1964)
• L'Onorevole (1965)
• Feste religiose in Sicilia (1965; fotografías de Ferdinando Scianna)
• A ciascuno il suo (1966)
• Narratori in Sicilia (1967; con S. Guglielmino)
• Recitazione della controversia liparitana dedicata ad A.D. (1969)
• La corda pazza (1970)
• Atti relativi alla morte di Raymond Roussel (1971)
• Il contesto (1971)
• O mar da cor do viño (Il mare color del vino, 1973; tradución ao galego de Silvia Gaspar)
• Todo modo (1974)
• La scomparsa di Majorana (1975)
• Cola pesce (1975)
• I pugnalatori (1976)
• Candido, ovvero un sogno fatto in Sicilia (1977)
• L'affaire Moro (1978)
• Nero su nero (1979)
• Dalle parti degli infedeli (1979)
• Il teatro della memoria (1981)
• Conversazioni in una stanza chiusa (1981; con Davide Lajolo)
• Kermesse (1982)
• La sentenza memorabile (1982)
• Cruciverba (1983)
• Cronachette (1983)
• Per un ritratto dello scrittore da giovane (1985)
• La strega e il capitano (1986)
• 1912+1 (1986)
• Porte aperte (1987)
• Il cavaliere e la morte (1988)
• Ore di Spagna (1988)
• Alfabeto pirandelliano (1989)
• Una storia semplice (1989)
• Occhio di capra (1990)
• Fatti diversi di storia letteraria e civile (1989)
• A futura memoria (se la memoria ha un futuro) (1989)

Véxase tamén

Ligazóns externas

• Amici di Leonardo Sciascia (en italiano)