Laura Romero

Laura Romero Pereira, nada en Alacant en 1991, é unha debuxante e música galega.^[1]

Dende 2016 é a baixista do grupo Zënzar.

Traxectoria

Naceu en Alacant e instalouse en Ordes aos oito anos. Estudou Belas Artes na Universidade de Salamanca na especialidade de pintura. Iniciouse no debuxo urbano e participou no festival Portamérica.

Dedicada tamén á música, en febreiro de 2016 entrou como baixista no grupo Zënzar, substituíndo ao enfermo Tabe, que faleceu pouco despois.^[2]

Co proxecto Músicas Galegas Ilustradas formou parte de O galego, a miña lingua propia da Deputación da Coruña e foi finalista en 2018 nos Premios Martín Codax da Música na categoría de mellor medio de comunicación. Tras ser finalista tamén en 2019, gañou finalmente o premio en 2020.^[3] Preside a Asociación Galega de Profesionais da Ilustración.

Premio Martín Codax de 2020 na categoría de comunicación e difusión musical.^[3]
Primeiro premio do encontro Compostela Ilustrada en 2018.^[4]

↑ "O galego, a miña lingua propia" Deputación da Coruña.
↑ "Falece 'Tabe', baixista de Zënzar". Sermos Galiza. 2 de novembro de 2016. Arquivado dende o orixinal o 08 de novembro de 2019. Consultado o 8 de novembro de 2019.
↑ ^3,0 ^3,1 Calveiro, P. (25 de outubro de 2020). "La melómana de los Martín Códax que por fin se fue para Ordes". La Voz de Galicia (en castelán). Consultado o 4 de xaneiro de 2020.
↑ Montse Dopico (21 de novembro de 2018). "Laura Romero: “No debuxo urbano pintas o que vas encontrando. Nunca sabes o que vai ser”". Praza Pública. Arquivado dende o orixinal o 04 de marzo de 2019. Consultado o 04 de marzo de 2019.