Fernando Salgado García

Para outras páxinas con títulos homónimos véxase: Fernando Salgado.

Juan Fernando Salgado García, nado en Monterroso o 28 de marzo de 1953, é un xornalista e político galego.

Fernando Salgado García

Biografía
Nacemento	28 de marzo de 1953 (71 anos) Monterroso, España
Conselleiro da Xunta de Galicia
Datos persoais
País de nacionalidade	España
Educación	Universidade Complutense de Madrid
Actividade
Ocupación	xornalista , político
Lingua	Lingua castelá e lingua galega
Familia
Fillos	Daniel Salgado

Traxectoria

Licenciouse en Xornalismo pola Universidade Complutense de Madrid. Foi cronista do Congreso dos Deputados (1976-1980). Traballou como xornalista en Mundo Obrero, La Voz de Galicia (redactor e xefe da sección de Economía entre 1981 e 1987) e foi director de El Progreso (1994-2000). Tamén foi delegado da Corporación Voz de Galicia en Lugo.

Entre 1987 e 1990, durante o goberno tripartito de Fernando González Laxe, foi nomeado conselleiro de Economía e Facenda. Foi secretario xeral da Fundación Galicia-Europa (1988-1990), deputado no Parlamento de Galicia polo PSdeG-PSOE (1989-1994) e Secretario xeral de Comunicación da Xunta de Galicia (2005-2009).

En 1991 comezou a traballar como profesor de estrutura económica na Universidade da Coruña, e despois foi profesor na facultade de Dereito da Universidade de Santiago de Compostela.

En 1986 recibiu o Premio Galicia de Xornalismo Económico.

Predecesor: Carlos Otero Díaz

Conselleiro de Economía e Facenda  1987 - 1990

Sucesor: Xosé Antón Orza

Obra en galego

Ensaio

• Lorenzo Varela: crónica dunha vida atormentada, 1995, Ediciós do Castro.
• Lorenzo Varela: a voz desterrada, 2005, Ediciós do Castro.
• Lorenzo Varela: memorias incompletas, 2005, La Voz de Galicia.

Narrativa

• O Jalisco, 2001, Ir Indo.

Edición

• Vinte e nove cartas de Lorenzo Varela, 2005, Ediciós do Castro.

Obras colectivas

• Lorenzo Varela (1916-1978): unha fotobiografía, 2005, Xerais.
• Monterroso e Lugo, as raíces de Lorenzo Varela, 2005, Tris Tram.

Obra en castelán

Ensaio

• El Estatuto de Galicia, 1976.

Obras colectivas

• Cuadernos Galicia-CEE. Sector lácteo, con Xaime García e Xosé Colino, 1986.

Vida persoal

É pai do poeta e xornalista Daniel Salgado.

Véxase tamén

Bibliografía

• Barrera, Feliciano, ed. (2002). "Salgado García, Fernando". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 527. ISBN 84-8064-113-4. 

Ligazóns externas

• Artigo en El Correo Gallego