Enrique Barreiro Vázquez
Juan Enrique Barreiro Vázquez, nado en Castronuño (Valladolid) o 7 de xaneiro de 1899 e finado en Sanxenxo o 27 de febreiro de 1984, foi un director de cine e fotógrafo galego.
  | |
| Biografía | |
|---|---|
| Nacemento | 7 de xaneiro de 1899 Castronuño, España |
| Morte | 27 de febreiro de 1984 (85 anos) Sanxenxo, España |
| Datos persoais | |
| País de nacionalidade | España |
| Actividade | |
| Ocupación | director de cinema |
| Lingua | Lingua castelá |
| Familia | |
| Irmáns | Ramón Barreiro |
Traxectoria editar
Barreiro era fillo do fotógrafo estratense Ramón Barreiro Barcala, establecido en México, que regresou coa familia a Galicia en 1910, instalándose en Pontevedra.
Entre 1919 e 1921 comezou as primeiras investigacións fotográficas sobre a cor, a partir das que deseñou un proceso para o cine en cor, o cinecromo, patentado en 1925, despois de realizar as primeiras probas dous anos antes. Estreou no Teatro Principal de Pontevedra o documental Pontevedra, cuna de Colón[1], realizado co seu novo sistema, en 1927. Exhibiu a segunda versión dese documental no Ideal Cinema en 1930.
En 1932 montou co seu irmán Ramón e co pintor Ramón Peña a produtora Folk, con ela fixo un noticiario cinematográfico galego que se mantivo ata 1935. Rodou os documentais El Seminario de Estudios Gallegos en Deza e Por unha Galicia nova, apoiando o Estatuto de autonomía de Galicia. O mesmo tempo seguiu patentando sistemas ópticos para o cinema.
Co golpe de Estado do 18 de xullo de 1936 foi detido e encarcerado na illa de San Simón, pero foi posto en liberdade pouco despois grazas á axuda de Daniel de la Sota, que fora presidente da Deputación de Pontevedra. En 1940 instalouse en Madrid, onde xa vivía o seu irmán, e abriu un laboratorio fotográfico e continuou investigando. Patentou o Yuxtacolor, un procedemento fílmico que fracasou ao comercializarse a película negativa de Kodak. O desenvolvemento foi paralizado ademais polo empeoramento da relación entre os irmáns. Retornou a Pontevedra, reabriu o vello estudio fotográfico e comezou a pintar retratos.
Notas editar
- ↑ Mateo Hidalgo, Javier (2021-07-29). "La primera Galicia cinematográfica en color: un estudio de la película Pontevedra, cuna de Colón (1927) y de su recuperación". Miguel Hernández Communication Journal (en castelán) 12: 515–537. ISSN 1989-8681. doi:10.21134/mhjournal.v12i.1282.
Véxase tamén editar
Bibliografía editar
- "Barreiro Vázquez, Juan Enrique". Enciclopedia Galega Universal. Ir Indo. 1999-2002. ISBN 84-7680-288-9.
- "Barreiro Vázquez, Juan Enrique". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- López Piñeiro, Carlos Aurelio (2001). Enrique Barreiro. Cineasta e inventor. Vigo: A Nosa Terra. ISBN 84-95350-97-1.
- Cabo Villaverde, José Luis; et al., eds. (2001). Diccionario do cine en Galicia (1896-2000). Santiago de Compostela: Xunta de Galicia. pp. 47–49. ISBN 84-453-3152-3.