Joseba Sarrionandia

escritor español

Joseba Sarrionandia Uribelarrea, Sarri, nado en Iurreta (Biscaia) o 13 de abril de 1958, é un poeta e filólogo vasco.

Joseba Sarrionandia Uribelarrea
Joseba Sarrionandia - 2016.jpg
AlcumeSarri
Nacemento13 de abril de 1958
 Iurreta, Biscaia País Vasco País Vasco
NacionalidadeEspaña
Alma máterUniversidade de Deusto
Ocupaciónescritor, tradutor, poeta, escritor de literatura infantil, profesor de educación superior, filólogo e ensaísta
XénerosPoesía, Ensaio
PremiosBeterriko Liburua Ohorezko Literatur Aipamena, Kritika Saria euskarazko narratibari e Kritika Saria euskarazko narratibari
editar datos en Wikidata ]

TraxectoriaEditar

Estudou filoloxía vasca na Universidade de Deusto[1] e foi profesor de fonética na UNED.

Pertenceu ao grupo literario Pott Banda, creado en Bilbao en 1977 e integrado por Bernardo Atxaga, Ruper Ordorika, Joxemari Iturralde, Manu Ertzilla e Jon Juaristi.[1] Publicou os seus primeiros escritos en revistas vascas como Pott, Zeruko Argia, Anaitasuna, Jakin, Oh Euzkadi, Ibaizabal e nos xornais Egin e Egunkaria.

Foi tamén tradutor ao éuscaro de diversas obras literarias, como as de T. S. Eliot. O poemario Izuen Gordelekuen Barrena (Dentro dos agochamentos dos medos), foi o seu primeiro libro publicado.

No 1980 foi condenado a 28 anos de cárcere pola súa pertenza á ETA.[1] Cinco anos máis tarde fuxiu xunto a outro preso etarra, Iñaki Pikabea, da cadea de Martutene, agochado nunha pantalla acústica tras un concerto do cantante Imanol. A fuxida inspirou a famosa canción "Sarri, Sarri" do grupo vasco Kortatu. Dende entón está en paradeiro descoñecido malia que segue a publicar libros. En novembro de 2016 revelou que reside en Cuba, onde é profesor na Universidade da Habana.[2]

No 2001 recibiu o Premio Nacional da Crítica de narrativa en éuscaro, outorgado pola Asociación Española de Críticos Literarios.

No ano 2014 foi publicado en galego o volume Tempo de exilio, unha escolma da súa obra poética escollida por el mesmo e traducida ao galego por Isaac Xubín. Tempo de exilio foi merecente do I Premio Etxepare de tradución outorgado polo Instituto Etxepare.

ObrasEditar

  • Izuen gordelekuetan barrena (Dentro dos agochamentos dos medos), 1981.
  • Narrazioak (Narracións), 1983.
  • Intxaur azal baten barruan. Eguberri amarauna, 1983.
  • Alkohola poemak, 1984.
  • Ni ez naiz hemengoa (Eu non son de aquí), 1985.
  • Atabala eta euria (Chuva e tamboril), 1986.
  • Marinel zaharrak (Os vellos mariñeiros), 1987.
  • Marginalia, 1988.
  • Ez gara geure baitakoak (Non somos de nós mesmos), 1989.
  • Izeba Mariasunen ipuinak, 1989.
  • Ainhoari gutunak, 1990.
  • Ifar aldeko orduak (As horas do norte), 1990.
  • Gartzelako poemak (Poemas do cárcere), 1992.
  • Han izanik hona naiz (Tendo estado alí, veño aquí), 1992.
  • Hnuy illa nyha majah yahoo, 1995.
  • Miopeak, bizikletak eta beste langabetu batzuk, 1995.
  • Hitzen ondoeza (O malestar das palabras), 1997.
  • Hau da nire ondasun guzia, 1999.
  • Zitroi ur komikiak: Joseba Sarrionandia komikitan, 2000.
  • Lagun izoztua (O compañeiro conxelado), 2001.
  • XX. mendeko poesia kaierak: Joseba Sarrionandia, 2002.
  • Kolosala izango da (Vai ser mundial), 2003.
  • Akordatzen (Lembrando), 2004.
  • Harrapatutako txorien hegalak, 2005.
  • Munduko zazpi herrialdetako ipuinak, 2008.
  • Gau ilunekoak, 2008.
  • Idazlea zeu zara, irakurtzen duzulako, 2010.
  • Moroak gara behelaino artean?, 2010.
  • Narrazio guztiak (1979-1990), 2011.
  • Tempo de exilio, 2014. Escolma traducida ao galego por Isaac Xubín.
  • Durangoko Azoka 1965-2015, 2015.
  • Lapur banden etika ala politika, 2015.
  • Hilda dago poesia? ¿La poesía está muerta?, 2016.

NotasEditar

  1. 1,0 1,1 1,2 Martín, Eider Rodríguez (2012). "La influencia de la biografía de Joseba Sarrionandia en la recepción crítica de su obra". Anuario del Seminario de Filología Vasca Julio de Urquijo: International journal of basque linguistics and philology 46 (2): 53–62. ISSN 0582-6152. 
  2. Goitia, José (20 de Novembro de 2016). "Joseba Sarrionandia: “Me sorprende que digan que vivo escondido. He hecho una vida normal en La Habana”". deia.eus (en castelán). Arquivado dende o orixinal o 15-04-2019. Consultado o 19-9-2019. 

Véxase taménEditar

BibliografíaEditar

Ligazóns externasEditar