Jinfengopteryx

Jinfengopteryx
Rango fósil: Cretáceo inferior?

Reino:	Animalia
Filo:	Chordata
Clase:	Sauropsida
Superorde:	Dinosauria
Suborde:	Theropoda
Familia:	Troodontidae
Xénero:	Jinfengopteryx Ji et al., 2005

Especies

J. elegans Ji et al., 2005 (tipo)

Jinfengopteryx é un xénero representado por unha única especie de dinosauro terópodo trodóntido, que viviu no comezo do período cretáceo, hai aproximadamente entre 143 e 128 millóns de anos, entre o berriasiano e ohauteriviano, o que na actualidade é Asia. Os restos fósiles atopáronse na provincia chinesa de Hebei, na Formación Qiaotou en xullo de 2004. A súa datación é incerta, xa que pode ser tanto do Xurásico superior como do Cretáceo inferior. Eses restos forman un espécime (número CAGS-IG-04-0801), do que temos un esqueleto articulado case completo coas impresións de plumas. Tamén se preservaron varias estruturas ovais pequenas de cor avermellada que poderían ser vestixios de ovos, ou froitos secos ou sementes comidas polo terópodo. De ser así, corroboraría a teoría, baseada na forma dental, de que os trodóntidos eran herbívoros ou omnívoros. O seu nome procede de Jinfeng, o 'fénix áureo', nai de tódalas aves na mitoloxía chinesa e do grego πτερυξ pteryx, que significa 'pluma'.

Este animal presentaba unha pouta alongada no segundo dedo das súas patas traseiras. Estas e outras características do seu esqueletoindican que era membro da familia Troodontidae. Os restos coñecidos do jinfengopterix preserváronse con amplas impresións de plumas penáceas, pero carecía doutras aptas para o voo nas súas extremidades traseiras, que si están presentes en dinosauros emparentados como no Microraptor e o Pedopenna.^[1]

Clasificación

Espécime de Jinfengopteryx

Os autores da descrición orixinal publicada en 2005 consideraron o Jinfengopteryx como o máis basal dos avialanos (aves), e membro da familia Archaeopterygidae.^[1] Nun traballo posterior (2007), compararon o Jinfengopteryx e o Archaeopteryx, para poder manter a súa posición de arqueopteríxidos, pero non presentaron unha análise filoxenética.^[2] Así e todo, Luis Chiappe sinala que Jingengopteryx aparenta ter máis en común cos trodóntidos, como a pouta alongada no segundo dedo; e outros especialistas pensaron tamén que pertencería a este grupo.^[3] En 2006, Xu e Norell tamén suxeriron que Jinfengopteryx era un trodóntido, baseándose na estrutura xeral do corpo e as características dos dentes.^[4] En 2007 unha análise das relacións dos trodóntidos, dromeosáuridos e as primeiras aves realizada por Turner e os seus colaboradores sinala que o Jinfengopteryx é un trodóntido, e así inclúen nese grupo, notando que é o primeiro espécime de trodóntido con evidencia de plumas.^[5] Finalmente, Turner e os seus colaboradores en 2012 estableceron firmemente a Jinfengopteryx como un trodóntido, afín os innomeados IGM 100/1126 e IGM 100/1323 (conservados no Instituto de Xeoloxía de Mongolia en Ulán Bátor,^[6] creando a subfamilia Jinfengopteryginae.^[7]

Notas

↑ ^1,0 ^1,1 Ji, Q., Ji, S., Lu, J., You, H., Chen, W., Liu, Y., and Liu, Y. (2005). "First avialan bird from China (Jinfengopteryx elegans gen. et sp. nov.)." Geological Bulletin of China, 24(3): 197-205.
↑ Ji S., and Ji, Q. (2007). "Jinfengopteryx compared to Archaeopteryx, with comments on the mosaic evolution of long-tailed avialan birds." Acta Geologica Sinica (English Edition), 81(3): 337-343.
↑ Chiappe, L.M. Glorified Dinosaurs: The Origin and Early Evolution of Birds. Sydney: UNSW Press.
↑ Xu and Norell (2006). "Non-avian dinosaur fossils from the Lower Cretaceous Jehol Group of western Liaoning, China." Geological Journal, 41(3-4): 419-437.
↑ Turner, Alan H.; Pol, Diego; Clarke, Julia A.; Erickson, Gregory M.; and Norell, Mark (2007). "A basal dromaeosaurid and size evolution preceding avian flight" (pdf). Science 317: 1378–1381. doi:10.1126/science.1144066.
↑ Hwang, Norell, Ji and Gao, (2004). "A new troodontid from the lower Yixian Formation of China and its affinities to Mongolian troodontids." Journal of Vertebrate Paleontology,24(3): 73A–74A.
↑ Alan Hamilton Turner, Peter J. Makovicky and Mark Norell (2012). "A review of dromaeosaurid systematics and paravian phylogeny". Bulletin of the American Museum of Natural History 371: 1–206.

Véxase tamén

Ligazóns externas

Ficha de Jinfengopteryx en paleocritti Arquivado 04 de xuño de 2015 en Wayback Machine. (en inglés)

[Jietal05-1] 1,0 ^1,1 Ji, Q., Ji, S., Lu, J., You, H., Chen, W., Liu, Y., and Liu, Y. (2005). "First avialan bird from China (Jinfengopteryx elegans gen. et sp. nov.)." Geological Bulletin of China, 24(3): 197-205.

[ji&ji2007-2] Ji S., and Ji, Q. (2007). "Jinfengopteryx compared to Archaeopteryx, with comments on the mosaic evolution of long-tailed avialan birds." Acta Geologica Sinica (English Edition), 81(3): 337-343.

[chiappe2007-3] Chiappe, L.M. Glorified Dinosaurs: The Origin and Early Evolution of Birds. Sydney: UNSW Press.

[xu&norell2006-4] Xu and Norell (2006). "Non-avian dinosaur fossils from the Lower Cretaceous Jehol Group of western Liaoning, China." Geological Journal, 41(3-4): 419-437.

[AHTetal07-5] Turner, Alan H.; Pol, Diego; Clarke, Julia A.; Erickson, Gregory M.; and Norell, Mark (2007). "A basal dromaeosaurid and size evolution preceding avian flight" (pdf). Science 317: 1378–1381. doi:10.1126/science.1144066.

[6] Hwang, Norell, Ji and Gao, (2004). "A new troodontid from the lower Yixian Formation of China and its affinities to Mongolian troodontids." Journal of Vertebrate Paleontology,24(3): 73A–74A.

[7] Alan Hamilton Turner, Peter J. Makovicky and Mark Norell (2012). "A review of dromaeosaurid systematics and paravian phylogeny". Bulletin of the American Museum of Natural History 371: 1–206.

[1]

[2]

[3]

[4]

[5]

[6]

[7]