Xavier Guerra
Este artigo (ou sección) está desactualizado(a). A información fornecida mudou ou é insuficiente. |
Javier Jorge Guerra Fernández, nado en Vigo o 12 de xullo de 1964, é un empresario e político galego.
 (2011)  | |
| Biografía | |
|---|---|
| Nacemento | (es) Javier Jorge Guerra Fernández 12 de xullo de 1964 (60 anos)Vigo, España |
.svg){kind=small} Deputado no Congreso dos Deputados | |
| 26 de marzo de 2008 – 20 de abril de 2009 – María Pilar Ramallo Vázquez → Lexislatura: IX lexislatura de España Circunscrición electoral: Pontevedra | |
| Actividade | |
| Ocupación | político |
Traxectoria
editarLicenciado en Economía, ten un mestrado en administración de empresas e mercadotecnia. Dende 1987 traballa na xestión de distintas empresas, algunhas delas téxtiles, como Camper ou Nike. En 2002 fundou con Juan A. Costas a empresa El secreto del mar, firma dedicada á produción téxtil. A empresa adquiriu a licenza da marca El Niño, vencellada a roupa para surf, e expandiu as liñas de produción, con apertura de diversas tendas propias en España (2003) e con fabricación en Portugal a partir de 2004. En 2007 a firma acadou unha facturación de 31 millóns de euros[1] e trasladou a súa sede central de Coruxo a Madrid.
Militante do Partido Popular de Galicia, en 2003 presentouse ás eleccións municipais no concello de Vigo na candidatura encabezada por Corina Porro, e converteuse en concelleiro. A finais dese ano, logo da perda dunha moción de confianza do alcalde socialista Ventura Pérez Mariño, Porro converteuse en alcaldesa e Guerra asumiu as competencias de economía e facenda. Nas eleccións de 2007 repetiu como concelleiro, pero o PP non accedeu ao goberno. En 2008 saíu elixido como deputado ao Congreso dos Deputados pola circunscrición de Pontevedra. Renunciou o 20 de abril de 2009. En 2009 foi nomeado conselleiro de Economía e Industria. Foi elixido deputado do Parlamento de Galicia nas autonómicas de 2012.
En 2018 anunciou a súa incorporación á agrupación local viguesa de Ciudadanos xunto cun grupo de militantes descontentos do Partido Popular[2], tras perder en 2016 a pugna pola presidencia local do partido.[3] Nas eleccións xerais de novembro de 2019 encabezou a candidatura ao Senado pola provincia de Pontevedra, de novo polo Partido Popular.
En decembro de 2021 tentou, outra vez, liderar o PP en Vigo. Non foi elixido polos militantes, que apoiaron maioritariamente á súa rival, Marta Fernández-Tapias.
Vida privada
editarEstá casado e ten dous fillos; Javier Guerra e Carmen Guerra.
Notas
editar- ↑ Información da propia empresa Arquivado 14 de abril de 2009 en Wayback Machine., sección La empresa-Resultados
- ↑ ""Ciudadanos vaille facer pupa ao PP en Vigo" - Xornal de Vigo". Xornal de Vigo. 2018-05-16. Consultado o 16/5/2018.
- ↑ "A ex-conselleira Elena Muñoz, nova presidenta do PP de Vigo tras impoñerse por 420 votos fronte aos 319 do tamén ex-conselleiro Javier Guerra, que previamente instara a recuperar votantes populares que, afirma, apoian a Caballero nas eleccións municipais". Praza Pública. Consultado o 2018-05-16.
Véxase tamén
editarWikimedia Commons ten máis contidos multimedia na categoría: Xavier Guerra  |
Outros artigos
editarLigazóns externas
editar- Blog de Xavier Guerra en archive.org (en castelán).
- Ficha no Congreso dos Deputados
| Predecesor: Fernando Blanco Álvarez |
 Conselleiro de Economía e Industria 2009 - 2012 |
Sucesor: Francisco Conde López |