Illas Caimán
Coordenadas: 19°30′N 80°30′O / 19.500, -80.500
As Illas Caimán (en inglés, Cayman Islands) son un territorio do Reino Unido nas chamadas Indias Occidentais (Caribe), composto por 3 illas: Grand Cayman, Cayman Brac, e Little Cayman.
| Illas Caimán | |||
|---|---|---|---|
| Cayman Islands | |||
| |||
| |||
 | |||
| Lema: He hath founded it upon the seas (inglés: Fundouno sobre os mares) | |||
| Himno: God Save the Queen | |||
| Capital • Poboación | George Town | ||
| Cidade máis poboada | George Town | ||
| Linguas oficiais | Inglés | ||
| Forma de goberno | Dependencia do Reino Unido | ||
Monarca Gobernador Primeiro ministro | Isabel II Anwar Choudhury Alden McLaughlin | ||
| Independencia de Xamaica | 1963 | ||
| Superficie | Posto 216º | ||
| • Total | 260 km² | ||
| • % auga | 1,6% | ||
| Fronteiras | 0 km | ||
| Poboación | Posto 212º | ||
| • Total (2008) | 69 000 hab. | ||
| • Densidade | 139,5 hab./km² | ||
PIB (nominal) | |||
| Moeda | Dólar das Caimán | ||
| IDH | 0,790 (69º) – Alto | ||
| Fuso horario | UTC -5 | ||
| • Horario de verán | Non aplica | ||
| Dominio de Internet | .KY | ||
| Prefixo telefónico | +1-345 | ||
| Prefixo radiofónico | n/d | ||
| Código ISO | KY | ||
Índice
HistoriaEditar
As illas descrubiunas Cristóbal Colón o 10 de maio de 1503 na súa cuarta e última viaxe a América. España cedeunas, xunto coa veciña Xamaica, a Gran Bretaña en 1670 baixo o Tratado de Madrid. As illas e máis a Xamaica gobernáronse como unha única colonia ata 1963 cando se separaron administrativamente.
XeografíaEditar
As Illas Caimán localízanse na parte occidental do mar Caribe, a uns 240 quilómetros ao sur de Cuba e a uns 290 quilómetros ao noroeste de Xamaica. O arquipélago componse principalmente de tres illas: Gran Caimán, Caimán Brac, e Caimán Menor, sendo Gran Caimán a máis extensa cun área de 197 km². As dúas outras illas, Caimán Brac e Caimán Menor, situadas 145 quilómetros ao leste de Gran Caimán, teñen unha extensión de 36 km² e 26 km² respectivamente.
Non salientan accidentes xeográficos nas illas, a excepción do cantil "The Bluff" en Cayman Brac, que se eleva a máis de 40 metros sobre o nivel do mar, sendo o punto máis alto da illa.
DemografíaEditar
En xullo de 2000 contabilízanse nas Illas Caimán 34.763 habitantes, dos cales algo máis da metade son nacidos nas illas. O 60% da poboación é de raza mixta, e o 40% restante divídese a partes iguais entre os caucásicos e os descendentes de africanos. A poboación considérase case exclusivamente cristiá, cunha gran porcentaxe de anglicanos e de prebisterianos.
A maior parte dos habitantes das illas reside na illa Gran Caimán, mentres que en Caimán Brac só viven uns 2.000 e en Caimán Menor uns 200. Aproximadamente un cuarto da poboación caimana abandonou o país debido á chegada do furacán Iván.
A capital e cidade máis poboada das illas é George Town, localizada na costa leste de Gran Caimán.
EconomíaEditar
As Illas Caimán son un paraíso fiscal. Así, moitas empresas teñen a súa sede nas illas, aproveitando a non existencia de impostos directos. A outra actividade económica de importancia é o turismo debido ás paisaxes de súas praias. O nivel de vida de seus habitantes é un dos máis altos do Caribe.