Riddarholmskyrkan
A Riddarholmskyrkan (en galego Igrexa de Riddarholmen) é a igrexa que serve de panteón dos reis de Suecia.
| Riddarholmskyrkan Igrexa de Riddarholmen | |
|---|---|
 Vista desde o norte. À esquerda da imaxe destaca, en branco, a capela Carolina. | |
| Datos xerais | |
| País |  Suecia |
| Rexión | Condado de Estocolmo |
| Tipo | Igrexa |
| Localización | Estocolmo |
| Coordenadas | 59°19′29″N 18°03′53″L / 59.324722222222, 18.064722222222Coordenadas: 59°19′29″N 18°03′53″L / 59.324722222222, 18.064722222222 |
| Culto | |
| Culto | Inicialmente católico. Despois da Reforma protestante, luterano |
| Diocese | Estocolmo |
| Arquitectura | |
| Construción | 1270 - 1858 |
| Estilo | Principalmente gótico |
| Páxina web | https://www.kungligaslotten.se/english/royal-palaces-and-sites/the-riddarholmen-church.html |
| [ editar datos en Wikidata ] | |
A igrexa está situada na illa de Riddarholmen, próxima ao Palacio Real de Estocolmo,[1] no corazón da cidade vella (Gamla stan). Nela está a nécropole do soberanos suecos polo que o santuario alberga as tumbas de moitos reis, raíñas, príncipes e princesas de Suecia desde o século XVII até o XX.
Desde 1922, a familia real sueca elixiu outro lugar para as inhumacións: o cemiterio real de Haga.
Historia editar
Esta igrexa é un dos edificios máis antigos de Estocolmo; partes del construíronse no século XIII, cando foi edificado como mosteiro franciscano. A primeira pedra desta grande igrexa colocouse en 1270, baixo o reinado do rei Magnus Ladulås (que está enterrado nela). Foron necesarios 15 anos para rematar a construción da abadía, que abarca a maior parte da illa de Gråmunkeholmen (o antigo nome da illa de Riddarholmen). A abadía seguiu sendo próspera até que as ideas da reforma chegaron ao país: en 1527 os monxes víronse obrigados a abandonar o seu mosteiro. Pouco despois, a igrexa converteuse nun templo luterano,[2] e actualmente utilízase soamente para funerais e en cerimonias especiais.
No século XVI engadíuselle unha agulla, acaroada ao edificio, deseñada polo escultor e arquitecto flamengo Guillaume Boyen, durante o reinado de Xoán III; pero queimouse pola acción dun raio durante unha tormenta o 28 de xullo de 1835, sendo substituída por unha nova.
A maior parte dos monarcas suecos desde Gustavo II Adolfo a Gustavo V encóntranse enterrados aquí, ademais de monarcas anteriores, como Magnus Ladulås e Carlos VIII Knutsson. Faltan uns poucos, como a raíña Cristina, convertida ao catolicismo e soterrada na Basílica de San Pedro da Cidade do Vaticano.
A maior parte da igrexa é de estilo gótico e foi edificada en ladrillo vermello; así e todo, varias das capelas funerarias, que sobresaen notabelmente do corpo do edificio, foron realizadas noutros estilos arquitectónicos e materiais como o mármore de Carrara.
Aínda que a igrexa conserva a maioría das súas disposicións orixinais (nave única de ladrillo típica da arquitectura escandinava medieval), varias capelas foron engadidas máis adiante. A máis recente foi construída en 1858 polos gobernantes da casa de Bernadotte. En particular, alberga o sarcófago en pórfiro do fundador da dinastía, Jean-Baptiste Bernadotte, que se converteu en rei baixo o nome de Carlos XIV; as pedras tiveron que ser transportadas por zorras tiradas por cans desde o taller onde se traballaron, non lonxe da cidade de Älvdalen, no norte do país.[3]
A igrexa é tamén a sede cerimonial da Orde dos Serafíns (Kungliga Serafimerorden), a principal distinción honorífica de Suecia, institución creada polo rei Federico I en 1748.[4]
Galería de imaxes editar
-
A Igrexa de Riddarholmen. -
A Igrexa de Riddarholmen vista desde a Casa do Concello de Estocolmo. -
Pequenos campanís sobre as capelas laterais. -
Campanario. -
Interior da Riddarholmskyrkan (o coro alto, con vista cara ao oeste). En primeiro plano, as tumbas dos reis Carlos VIII e Magnus Ladulás. -
Tumba do rei Carlos XIV Xoán.
Necrópole real editar
Na necrópole real repousan os restos mortais de varios membros da familia real sueca, incluíndo 17 soberanos reinantes. As súas tumbas están instaladas no coro da igrexa e en tres capelas principais: as de Gustavo Adolfo, Carolina e Bernadotte.
Notas editar
- ↑ Miranda, Ulrika Junker & Anne Hallberg (2007): Riddarholmskyrkan. Estocolmo: Albert Bonniers Förlag. ISBN 91-0-011462-6, p. 813.
- ↑ in "Stockholm", guides Hachette, pp. 56-57.
- ↑ The Bernadotte Chapel Arquivado 24 de setembro de 2016 en Wayback Machine. na páxina web da Casa Real sueca (en inglés).
- ↑ The Riddarholmen Church Arquivado 24 de setembro de 2016 en Wayback Machine. na web da Casa Real sueca (en inglés).
Véxase tamén editar
Wikimedia Commons ten máis contidos multimedia na categoría: Riddarholmskyrkan  |
Outros artigos editar
Ligazóns externas editar
- The Riddarholmen Church na web da Casa Real sueca (en inglés).