Hortensia von Roten
Hortensia von Roten, nada no cantón de Valais en 1952, é unha historiadora e numismática suíza, exdirectora do gabinete numismático do Museo Nacional Suízo.
| Biografía | |
|---|---|
| Nacemento | 1952 |
| Datos persoais | |
| País de nacionalidade |  Suíza |
| Educación | ETH Zürich. Universidade de Zürich. |
| Actividade | |
| Campo de traballo | Numismática e historiografía. |
| Premios | |
| 2008: Premio Otto Paul Wenger. | |
Traxectoria
editarFormación
editarHortensia von Roten naceu en 1952, filla de Iris von Roten-Meyer, unha coñecida xurista e xornalista feminista, e de Peter von Roten, un político suízo do cantón de Valais.[1][2]
Hortensia von Roten cursou o seu ensino secundario en Basilea e en Bury St. Edmunds, Inglaterra,[3] e posteriormente estudou Enxeñaría Civil no Instituto de Tecnoloxía Suízo, en Zürich, onde se graduou en 1976.[1][4]
De xeito intermitente, entre 1979 e 1989 ampliou os seus estudos na Universidade de Zürich, onde se graduou en Historia, en Literatura Inglesa e en Historia da Arte. Durante ese período, entre 1982 e 1984 residiu en Londres, onde recibiu formación numismática e musolóxica na casa de poxas Sotheby's e no Museo Victoria & Albert.[1][3][4]
Dedicación á numismática
editarO seu exercicio profesional no ámbito numismático foi a súa contribución ao proxecto "Inventario de achados monetarios", dirixido por Hans-Ulrich Geiger, entre 1985 e 1987. E con Geiger compartiu tamén, a tempo parcial, o posto de conservadora de numismática no Museo Nacional Suízo de Zürich, no bienio 1990-1992.[1][4]
En 1993 foi nomeada conservadora titular do gabinete numismático do Museo Nacional, cargo que exerceu ata o seu retiro en 2016.[1][3] Neste período completou a súa formación con estudos de Xestión Cultural na Universidade de Basilea.[4]
No ámbito asociativo e institucional, Hortensia von Roten foi presidenta da Asoiciación Suíza de Achados Monetarios (1993-1996),[3] da Asociación Libre de Numismáticos de Zürich (desde 1992),[3] da Sociedade Suíza de Numismática (2002-2016)[3] e do Comité Internacional para os Museos Monetarios e Bancarios do ICOM (2004-2010).[1][4]
Recoñecementos
editar- (2008): Premio Otto Paul Wenger, da Asociación de Numismáticos Profesionais Suízos.[5]
Publicacións
editarEsta é unha escolma dos traballos monográficos máis representativos da traxectoria de Hortensia von Roten:[6]
- (1988). Der Schatzfund von Ried bei Brig. Schweizerische numismatische Rundschau, Berna.
- (1992). Münzen der Renaissance und des Barocks Kostbarkeiten aus der Sammlung der Zentralbibliothek Zürich (con E. B. Cahn e H-U. Geiger). L. Reichert, Wiesbaden. ISBN 978-3859180574
- (1996). Keltische Münzen im Schweizerischen Landesmuseum. Katalog der Sammlung Peter Werhahn und der Neuerwerbungen seit 1978. Zeitschrift für Schweizerische Archäologie und Kunstgeschichte, Basilea.
Notas
editar- ↑ 1,0 1,1 1,2 1,3 1,4 1,5 Kampmann, U. (2016). "Abschiedsfest für Hortensia von Roten". En Coins Weekly. 27 de xullo.
- ↑ "Iris von Roten, femme de droits". En Le Temps. 7 de marzo de 2013.
- ↑ 3,0 3,1 3,2 3,3 3,4 3,5 Kampmann, Ursula (27 de xullo de 2016). "Farewell celebration for Hortensia von Roten". coinsweekly.com (en inglés). Consultado o 10 de xullo de 2023.
- ↑ 4,0 4,1 4,2 4,3 4,4 "Roten, Hortensia von". En Coins Weekly. 26 de abril de 2017.
- ↑ "Otto Paul Wenger-Preis". NumisPost (www.numis-online.ch).
- ↑ "Roten, Hortensia von". WorldCat Identities.
Véxase tamén
editarBibliografía
editar- "Roten, Hortensia von". En Coins Weekly. 26 de abril de 2017.