Wikipedia

Hans Morgenthau

Hans Joachim Morgenthau, nado en Coburg o 17 de febreiro de 1904 e finado en Nova York o 19 de xullo de 1980, foi unha das grandes figuras do século XX no estudo da política internacional. A obra de Morgenthau pertence á tradición do realismo na teoría das relacións internacionais, e adoita ser considerado con George F. Kennan e Reinhold Niebuhr, un dos tres líderes realistas estadounidenses do período posterior á segunda guerra mundial. Morgenthau fixo importantes contribucións á teoría das relacións internacionais e ao estudo do dereito internacional. A súa obra Politics Among Nations, publicada por primeira vez en 1948, tivo cinco edicións durante a súa vida.

Infotaula de personaHans Morgenthau

Editar o valor em Wikidata
Biografía
Nacemento(de) Hans Joachim Morgenthau Editar o valor em Wikidata
17 de febreiro de 1904 Editar o valor em Wikidata
Coburgo, Alemaña Editar o valor em Wikidata
Morte19 de xullo de 1980 Editar o valor em Wikidata (76 anos)
Nova York, Estados Unidos de América Editar o valor em Wikidata
Datos persoais
País de nacionalidadeAlemaña Editar o valor em Wikidata
EducaciónInstituto Universitário de Altos Estudos Internacionais (pt) Traducir
Gymnasium Casimirianum Coburg (en) Traducir Editar o valor em Wikidata
Actividade
Campo de traballoRelacións internacionais Editar o valor em Wikidata
Ocupaciónxuíz , filósofo , escritor , politicólogo , profesor universitario Editar o valor em Wikidata
EmpregadorUniversidade de Chicago
Universidade da Cidade de Nova York
Universidade de Xenebra Editar o valor em Wikidata
Membro de
LinguaLingua alemá, inglés estadounidense e lingua inglesa Editar o valor em Wikidata
Premios

Morgenthau tamén escribiu amplamente sobre a política internacional e a política exterior dos Estados Unidos para publicacións como The New Leader, Commentary, Worldview, The New York Review of Books e The New Republic. Coñecía e mantiña correspondencia con moitos dos líderes intelectuais e escritores da súa época, como Reinhold Niebuhr,[1] George F. Kennan,[2] Carl Schmitt[3] e Hannah Arendt.[4][5] Nun punto a comezos da guerra fría, Morgenthau era conselleiro do Departamento de Estado dos Estados Unidos cando Kennan dirixía a Policy Planning Staff, e por segunda vez durante as administracións de Kennedy e Johnson ata que foi cesado por Johnson cando comezou a criticar publicamente a política estadounidense na guerra de Vietnam.[6] Durante a maior parte da súa carreira, non obstante, Morgenthau foi estimado como intérprete da política exterior dos Estados Unidos.[7]

Traxectoria editar

Morgenthau naceu nunha familia xudía asquenací en Coburg (Alemaña) en 1904, e logo de asistir ao Casimirianum, estudou nas universidade de Berlín, Frankfurt e Múnic, e procurou un traballo de postdoutoramento no Instituto de Estudos Internacionais de Xenebra, Suíza.

Deu clases e practicou o dereito en Frankfurt antes de emigrar aos Estados Unidos en 1937, despois de varios anos en Suíza e España. Entre 1939 e 1943, ensinou en Kansas City e asistiu á Keneseth Israel Shalom Congregation alí.[8] Morgenthau deu clases posteriormente na Universidade de Chicago ata 1973, cando asumiu unha cátedra na City University of New York (CUNY).

Cando marchou a Nova York, Morgenthau separouse da súa esposa, que permaneceu en Chicago en parte a causa de problemas médicos. Sábese que tivo plans de iniciar novas relacións mentres estaba en Nova York, unha delas coa filósofa política Hannah Arendt,[9] e outra con Ethel Person (falecida en 2012), profesora de medicina na Universidade de Columbia.[10]

O 8 de outubro de 1979, Morgenthau era un dos pasaxeiros do voo 316 de Swissair que se estrelou mentres trataba de aterar no Aeroporto Internacional de Ellinikon.[11] O voo tiña destino a Bombay e Pequín.

Morgenthau faleceu o 19 de xullo de 1980, pouco despois de ser ingresado no Lenox Hill Hospital de Nova York cunha úlcera perforada.[12] Está enterrado na sección Chabad do cemiterio Montefiore,[13] nas proximidades do Lubavitcher Rebbe, co que tivo unha relación respectuosa.[14]

Obras seleccionadas editar

  • Scientific Man versus Power Politics (1946) Chicago, IL: University of Chicago Press.
  • Politics Among Nations: The Struggle for Power and Peace (1948, e edicións posteriores) Nova York, NY: Alfred A. Knopf.
  • In Defense of the National Interest (1951) Nova York, NY: Alfred A. Knopf.
  • The Purpose of American Politics (1960) Nova York, NY: Alfred A. Knopf.
  • Crossroad Papers: A Look Into the American Future (ed.) (1965) Nova York, NY: Norton.
  • Truth and Power: Essays of a Decade, 1960–70 (1970) Nova York, NY: Praeger.
  • Essays on Lincoln's Faith and Politics. (1983) Lanham, MD: Univ. Press of America for the Miller Center of Public Affairs at the Univ. of Virginia. Copublicado cunha separata de David Hein.
  • The Concept of the Political (2012; orig. 1933) Introdución de H. Behr e F. Roesch. Palgrave Macmillan.

Notas editar

  1. ↑ Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on Hans Morgenthau.
  2. ↑ Rice, Daniel. Reinhold Niebuhr and His Circle of Influence, University of Cambridge Press, 2013, complete chapter on George Kennan.
  3. ↑ E., Scheuerman, William (2006-09-22). "Carl Schmitt and Hans Morgenthau: Realism and Beyond" (en inglés). 
  4. ↑ Klusmeyer, Douglas. "Beyond Tragedy: Hannah Arendt and Hans Morgenthau on Responsibility, Evil and Political Ethics." International Studies Review 11, no.2 (2009): 332–351.
  5. ↑ Rösch, Felix (2013-11-01). "Realism as social criticism: The thinking partnership of Hannah Arendt and Hans Morgenthau". International Politics (en inglés) 50 (6): 815–829. ISSN 1384-5748. doi:10.1057/ip.2013.32. 
  6. ↑ Zambernardi, L. (2011). "The Impotence of Power: Morgenthau's Critique of American Intervention in Vietnam". Review of International Studies 37 (3): 1335–1356. doi:10.1017/S0260210510001531. 
  7. ↑ Morgenthau, Hans (1982). In Defense of the National Interest: A Critical Examination of American Foreign Policy, with a new introduction by Kenneth W. Thompson (Washington, D.C.: University Press of America, 1982).
  8. ↑ Hartmut Behr e Felix Roesch, intro. to Morgenthau's The Concept of the Political, Palgrave Macmillan, 2012, p.13.
  9. ↑ Young-Bruehl, Elizabeth. Hannah Arendt: For Love of the World, Second Edition. Yale University Press, 2004.
  10. ↑ Mazur, G. O., ed. One Hundred Year Commemoration to the Life of Hans Morgenthau. Nova York: Semenenko, 2004.
  11. ↑ Small amount of plutonium missing from crashed jet
  12. ↑ "Hans Morgenthau dies; noted political scientist". The Telegraph, 21 de xullo de 1980.
  13. ↑ "Research Results". 
  14. ↑ ""Diamonds of the Rebbe" by Mordechai Staiman". 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Hans_Morgenthau&oldid=5143131»