Grupo 1500
Grupo 1500 é unha formación musical galega, vocal e instrumental, dedicada á interpretación da música antiga[1][2].
Grupo 1500 | |
---|---|
Orixe | Galicia |
Período | 2005–presente |
Xénero(s) | Música clásica |
Membros | María Giménez (voz e percusión), Belén Bermejo (voz e organetto), José Ignacio Castro (sacabuxa e frautas), Víctor Blanco (guitarra barroca, guitarra renacentista e arpa), Roberto Santamarina (fídula e violin barroco), Andrés Díaz (frautas, chirimía, baixón, vihuela e guitarra renacentista) |
Na rede | |
www.grupo1500.es |
Formación editar
O grupo conta cunha formación estable de seis músicos, ampliando tanto a formación coma os instrumentos segundo os programas. Son colaboradores habituais Abraham Cupeiro (corneta, frautas e gaita) e Arquímedes Artal (viola de gamba e lirone). Na actualidade está dirixido por Andrés Díaz[3].
Traxectoria editar
O gruo fundouse no ano 2005, e o seu repertorio abrangue desde a música composta nos séculos centrais e finais da Idade Media até a música do Renacemento[4] e o primeiro Barroco, tomando como referente central o ano 1500. Na interpretación e composición dos seus programas emprega instrumentos medievais e renacentistas[5].
Para alén da súa actividade concertística, o grupo desenvolve outros proxectos musicais, tales como bandas sonoras para audiovisuais e teatro (como a curtametraxe Cadea Perpetua ou os documentais O Mariscal e Cetreiros do Século XXI), guías e concertos monográficos, ademais da colaboración con outras formacións no eido da música antiga (Silva de Sons, Os Menestreis de 1500, etc).
O grupo actuou no festival “Espazos Sonoros” (edicións do 2008[6] e 2012), a “Festa da Istoria” de Ribadavia, o ciclo “Músicas na Compañía” da USC, así como noutros eventos[7][8], tanto da xeografía galega como da europea (Portugal, Francia, Austria, etc).
Programas editar
Os programas xiran arredor de diferentes xéneros temáticos: Eamus videre… – ciclo da Semana Santa nos cancioneiros do século XVI - ; Do divino e o mundo – un percorrido pola música antiga, do século XIII ao XVI - ; ou Amor e Danza na Europa das Nacións - viaxe musical imaxinaria pola Europa do século XVI.
Notas editar
- ↑ Ficha en Galiciantunes.com
- ↑ Ficha na páxina da Consellería de Cultura de Galicia (en castelán)
- ↑ Música medieval e indulgencia plenaria en la catedral de Lugo, artigo en La Voz de Galicia, 23 de decembro de 2016 (en castelán).
- ↑ El grupo 1500 en concierto: Cancioneros del siglo XVI y cantigas del Rey Afonso X, artigo en Musicaantigua.com, o 7 de decembro de 2013 (en castelán)
- ↑ La Diócesis de Lugo celebra que su catedral tenga la indulgencia perpetua, artigo en El Progreso, 19 de decembro de 2016 (en castelán)
- ↑ Concierto del Grupo 1500, artigo en La Voz de Galicia, 2 de maio de 2008 (en castelán).
- ↑ El escritor Vidal-Folch analizará en Santiago las figuras de Cervantes y Shakespeare en el 4º centenario de sus muertes, artigo en La Vanguardia, o 23 de abril de 2016 (en castelán)
- ↑ Un viaje musical a través de cinco siglos con el Grupo 1500 Arquivado 30 de maio de 2020 en Wayback Machine., artigo en El Correo Gallego, o 14 de setembro de 2011 (en castelán)