Abrir o menú principal

George Clooney

actor estadounidense

George Timothy Clooney, nado o 6 de maio de 1961, é un actor de cine e televisión estadounidense gañador dos premios Oscar e Globo de Ouro.

George Clooney
George Clooney 2012.jpg
George Clooney en 2012.
Nome completoGeorge Timothy Clooney
Nacemento6 de maio de 1961 (58 anos)
LugarLexington, Kentucky, Estados Unidos de América Estados Unidos
NacionalidadeEstados Unidos de América
Etniairlandoamericano
RelixiónAgnosticismo
Educado enUniversity of Cincinnati, Northern Kentucky University, Augusta High School e Beverly Hills Playhouse
PaiNick Clooney
Cónxuxe(s)Talia Balsam (1989-1993)
Amal Alamuddin (2014-actualidade)
FillosAlexander Clooney e Ella Clooney
ProfesiónActor, director de cine, guionista e produtor
editar datos en Wikidata ]

Índice

BiografíaEditar

A George Clooney o vencello co mundo do espectáculo vénlle de familia. O seu pai, Nick Clooney, era un presentador de televisión moi popular en Cincinnati. De neno George acudía con frecuencia ós estudios para velo traballar e mesmo aparecer ante as cámaras. A súa nai, Nina Warren, dedicábase á política e tamén ten unha irmá maior chamada Ada (1958).

Ademais do seu pai, conta con varios artistas na súa familia, como é o caso do seu tío José Ferrer (gañador dun Oscar ó mellor actor en 1950 polo filme "Cyrano de Bergerac"), os seus curmáns Miguel e Gabe Ferrer e a súa tía Rosemary Clooney, actriz e cantante.

Foi descuberto para o gran público pola serie ER (Urxencias), o papel que o lanzou á fama, aínda que levaba case unha década traballando en series de televisión. Non tardou en cativar a público e crítica con filmes como Oh Brother ou Three Kings.

Aínda que a súa primeira gran paixón non foi a interpretación, senón o béisbol, non puido ver cumprido o seu soño de ser xogador profesional.

Descubriu o cine grazas a un curmán seu, fillo do actor Jose Ferrer, quen o animou a intervir nun filme cun breve papel. A película nunca se estreou, pero Clooney considerou daquela seriamente a posibilidade de dedicarse á interpretación. Decidiu trasladarse aos Ánxeles, onde durante anos estivo traballando como actor secundario en infinidade de series de televisión. Chegou a ser o actor descoñecido mellor pagado de Hollywood.

Todo cambiou a mediados dos 90, cando participou en ER. A serie tivo enorme éxito e converteu a George Clooney nunha auténtica estrela. A partir de entón empezaron a choverlle ofertas para o cine. A súa primeira gran produción foi From Dusk Till Dawn, un thriller vampírico de Robert Rodríguez e Quentin Tarantino.

Traballo tras traballo, George Clooney foise consolidando coma unha das grandes estrelas de Hollywood tanto polo seu atractivo como polo seu talento. Na súa filmografía destacan títulos como a comedia romántica One Fine Day, xunto a Michelle Pfeiffer; Batman e Robin, onde interpretaba ó home morcego; Out of Sight, un intelixente thriller de Steven Soderbergh; ou o drama bélico Tres reis, polo que cultivou moi boas críticas.

Nos últimos tempos puidemos velo en Ocean's Eleven, A tormenta perfecta e Oh Brother, a comedia dos irmáns Coen coa que Clooney levou un Globo de Ouro. Anos máis tarde repetiu con estes directores noutra comedia, Intolerable Cruelty, que protagonizou xunto a Catherine Zeta-Jones.

Ademais, asociouse a Steven Soderbergh como produtor: ambos son responsables de Welcome to Collinwood, unha comedia negra na que George ten un pequeno papel como actor; o thriller Insomnia, con Al Pacino e Robin Williams, e Solaris, protagonizada por Clooney e dirixida por Soderbergh. Tamén debutou como director con Confessions of a Dangerous Mind, na que tamén actúa.

Tralo seu debut como director, repetiu recentemente a experiencia con Good Night, and Good Luck, onde interpretou ademais un papel secundario. Grazas a este impecable traballo foi nomeado ó Oscar 2005 como mellor director. E aínda que finalmente, foi Ang Le quen levou ese Oscar, Clooney recolleu a súa primeira figura como actor secundario pola súa interpretación en Syriana.

Este mesmo ano estreou O bo alemán, xunto a Cate Blanchett. Presentou ademais a terceira parte da saga Ocean's, Ocean's Thirteen, no pasado Festival de Cannes. Estímase que este ano estree Michael Clayton, que protagoniza; e ten outra película en posprodución.

En televisión, á marxe de ER, destacan as súas aparicións en series cómicas de televisión, como Roseanne e Friends.

No relativo á súa vida persoal, casou en 1989 con Taila Balsam, da que se dicorciou en 1992. A súa actual parella é a actriz chilena Leonor Varela.

Filmografía como actorEditar

Filmografía como directorEditar

PremiosEditar

Véxase taménEditar

Ligazóns externasEditar