Robert Rodriguez

director de cine, guionista, produtor e músico estadounidense

Robert Anthony Rodríguez, nado en San Antonio (Texas) o 20 de xuño de 1968, é un director de cine estadounidense, ademais de guionista, produtor e músico. É coñecido por realizar diversos filmes, tanto independentes como de estudio, con poucos orzamentos. Principalmente roda e produce as súas películas nos estudios Troublemaker, dos que é dono, sitos en Austin, Texas.

Robert Rodriguez
Nome completoRobert Anthony Rodríguez
Nacemento20 de xuño de 1968
Lugar de nacementoSan Antonio
NacionalidadeEstados Unidos de América
Alma máterMoody College of Communication, Universidade de Texas en Austin, St. Anthony Catholic High School e St. Anthony Catholic School
Ocupacióndirector de cinema, produtor de cinema, guionista, músico, director de fotografía, compositor, montador, actor de cinema, cámara, deseñador de produción e realizador
CónxuxeElizabeth Avellan
FillosRacer Rodriguez, Rocket Rodriguez, Rogue Rodriguez, Rhiannon Rodriguez e Rebel Rodriguez
PremiosSundance Audience Award: U.S. Dramatic, Oso de Ouro, Palma de Ouro, premios Independent Spirit, ALMA Award, Premios Satellite e Festival Internacional de Cine de Cannes
Na rede
http://www.troublemakerstudios.com/
IMDB: nm0001675 Allocine: 8762 Rottentomatoes: celebrity/robert_rodriguez Allmovie: p151002 TCM: 163916 TV.com: people/robert-rodrguez
Facebook: robertrodriguezofficial Twitter: Rodriguez Instagram: rodriguez Musicbrainz: d3883e2f-691d-48eb-92a6-770c1dcd98d9 Songkick: 298732 Discogs: 65543 Editar o valor em Wikidata
editar datos en Wikidata ]

A súa carreira en Hollywood comezou grazas á súa ópera prima, titulada O mariachi (1993).

Traxectoria editar

É o terceiro dos oito fillos dunha familia de pais inmigrantes mexicanos. Despois de rematar o instituto, estudou na Universidade de Texas.

Eu 1993 estreou O mariachi, que escribiu, dirixiu, fotografou, montou e gravou o son cun orzamento de 7.000 $. Columbia Pictures comproulle os dereitos e asinou un contrato de dirección de dous anos con Rodríguez. O mariachi, estreado en lingua castelá, gañou o Premio do Público á Mellor Película Dramática do Festival de Cine de Sundance, como tamén outros galardóns nos festivais de Berlín, Múnic, Edimburgo, Deauville e Yubari.

Despois escribiu, produciu, dirixiu e montou Desperado (1995), unha secuela de O mariachi, para Columbia Pictures. Esta película deu a coñecer a Salma Hayek ao público norteamericano, así como a Antonio Banderas nun papel protagonista. Rodríguez tamén escribiu, dirixiu e montou The Misbehavers (1995), que tamén protagonizou Antonio Banderas e que constitúe unha das catro partes de Four Rooms, de Miramax Films. Máis tarde, formou equipo con Quentin Tarantino en Aberto ata o amencer, de Dimension Films. Rodríguez dirixiu un elenco de actores que incluía a Tarantino, que se encargou de escribir o guión. O seguinte proxecto como realizador de Rodríguez foi The Faculty (1998), de Dimension Films, protagonizada por Josh Hartnett, Elijah Wood e Jordana Brewster.

En 2001, Robert Rodríguez creou Spy Kids, un éxito que foi espremido con Spy Kids 2 e Spy Kids 3-D: Game Over', que se estreou en Estados Unidos o 25 de xullo de 2003.

Logo no 2003 estreou a terceira entrega da triloxía O mariachi, O mexicano.

Vida persoal editar

Estivo casado con Elizabeth Avellán desde 1990 até 2007, divorciándose dela pouco tempo despois de rodar o seu filme Planet Terror, cando iniciou unha relación sentimental coa actriz Rose McGowan, coa cal estivo prometido pero que se deixaron trala rodaxe de Machete

É curmán do actor Danny Trejo, co que colaborou en varias películas como, por exemplo, From Dusk Till Dawn (1996), Spy Kids (2001), ou Machete (2010).

Filmografía editar

 
Rodríguez canda Quentin Tarantino.