Georg Wittig

Georg Wittig, nado o 16 de xuño de 1897 en Berlín (Alemaña) e finado o 26 de agosto de 1987 en Heidelberg (Alemaña), foi un químico e profesor universitario alemán galardoado co Premio Nobel de Química do ano 1979.

Georg Wittig
Datos persoais
Nacemento	16 de xuño de 1897
Lugar	Berlín Alemaña
Falecemento	26 de agosto de 1987
Lugar	Heidelberg Alemaña
Residencia	Alemaña
Nacionalidade	alemán
Cónxuxe	Sarah Baylen
Actividade
Campo	Química
Alma máter	Universidade de Marburg
Director de tese	Karl von Auwers
Alumnos de tese	Werner Tochtermann
Contribucións e premios
Coñecido por	Reacción de Wittig
Premios	Premio Nobel de Química (1979)
[ editar datos en Wikidata ]

Biografía

Georg estudou química na Universidade de Tubinga, onde se licenciou en 1924, e posteriormente realizou o doutoramento na Universidade de Marburg en 1926. A partir de 1932 dedicouse á docencia da química na Universidade Técnica de Brunswick e posteriormente pasou polas de Friburgo e Heidelberg, onde foi nomeado catedrático de química orgánica en 1956, cargo que ocupou ata a súa xubilación.

Investigacións científicas

Especialista en química orgánica, ideou un método para a síntese de alcenos desde aldehidos e cetonas usando uns compostos chamados iluros de fósforo, o que se coñece como reacción de Wittig. Esta reacción supuxo unha nova vía para a síntese de substancias activas con dobres enlaces mediante o uso de compostos de fósforo en síntese orgánica.

En 1979 foi galardoado co Premio Nobel de Química, compartido con Herbert C. Brown, polo seu desenvolvemento do uso de compostos de boro e fósforo en reaccións importantes no campo da síntese orgánica.

Véxase tamén

• Premio Nobel de Química

Ligazóns externas

• Páxina do Instituto Nobel, Premio Nobel de Química 1979 (en inglés)
• Biografía na páxina do Instituto Nobel 1979 (en inglés)
• Georg Wittig en Biografías y vidas(en castelán)

Predecesor: Peter D. Mitchell

Premio Nobel de Química 1979 con Herbert C. Brown

Sucesor: Paul Berg, Walter Gilbert e Frederick Sanger