Walter Gilbert

Walter Gilbert, nado o 21 de marzo de 1932 en Boston, (EEUU) é un físico, bioquímico e profesor universitario estadounidense galardoado co Premio Nobel de Química do ano 1980.

Walter Gilbert
Walter Gilbert
Datos persoais
Nacemento	21 de marzo de 1932 (91 anos)
Lugar	Boston Estados Unidos
Residencia	Estados Unidos
Nacionalidade	estadounidense
Cónxuxe
Actividade
Campo	Bioquímica e física
Alma máter	Universidade de Cambridge Universidade Harvard
Director de tese	Abdus Salam
Alumnos de tese	Gerald Guralnik
Contribucións e premios
Coñecido por	polos seus traballos sobre a bioquímica dos ácidos nucleicos.
Premios	Premio Albert Lasker por Investigación Médica Básica (1979) Premio Nobel de Química (1980)
[ editar datos en Wikidata ]

Traxectoría

Estudou física, química e matemáticas na Universidade Harvard. Posteriormente realizou o doutoramento en matemáticas na Universidade de Cambridge e en bioquímica en Harvard, onde foi nomeado profesor de bioloxía molecular.

Investigacións científicas

En 1980, a súa contribución á determinación das secuencia de bases dos ácidos nucleicos valeulle o Premio Nobel de Química, que compartiu co seu compatriota Paul Berg e o británico Frederick Sanger.

Gilbert e Sanger foron premiados polo seu traballo pioneiro na determinación da secuencia de nucleótidos dos ácidos nucléicos.

Walter Gilbert tamén propuxo por primeira vez a hipótese do mundo ARN para o orixe da vida, modelo proposto por Carl Woese en 1967.

É cofundador da empresa de biotecnoloxía Biogen e foi o primeiro presidente do consello de dirección.

Disidencia con respecto ao SIDA

Walter Gilbert é un disidente do SIDA, xa que considera que o doutor Peter Duesberg está no certo nas súas posicións heterodoxas con respecto á enfermidade.

Citas:

• '"[Duesberg] está absolutamente no certo ao dicir que o SIDA non está provocado polo virus do SIDA. Non hai modelo animal para o SIDA, e sen modelo animal, un non pode establecer os postulados de Koch (para probar o papel de algo que se sospeita que é patóxeno).
• "A comunidade no seu conxunto non escoita pacientemente aos críticos que adoptan puntos de vista alternativos. Aínda que a gran lección da historia é que o coñecemento desenvólvese a través do conflito entre puntos de vista".

Véxase tamén

• Premio Nobel de Química

Ligazóns externas

• Páxina do Instituto Nobel, Premio Nobel de Química 1980 (en inglés)
• Biografía na páxina do Instituto Nobel 1980 (en inglés)
• Walter Gilbert en Biografías y vidas(en castelán)

Predecesor: Herbert C. Brown e Georg Wittig

Premio Nobel de Química 1980 con Paul Berg e Frederick Sanger

Sucesor: Roald Hoffmann e Kenichi Fukui