Frédérique Duyrat
Frédérique Duyrat, nada en Châtenay-Malabry, departamento de Altos do Sena, o 6 de outubro de 1970, é unha bibliotecaria, historiadora e numismática francesa.[1]
_(Fr%C3%A9d%C3%A9rique_Duyrat_cropped).jpg) | |
| Biografía | |
|---|---|
| Nacemento | 6 de outubro de 1970. Châtenay-Malabry, Francia  |
| País de nacionalidade |  Francesa. |
| Educación | Université Paris-Sorbonne. |
| Director de tese | André Laronde |
| Q89547790 | Directora do Gabinete de Medallas de París. |
| Actividade | |
| Campo de traballo | Biblioteconomía, numismática, historiografía. |
| Ocupación | conservadora, historiadora |
| Empregador | Museo Ashmolean (2023–) Gabinete de Medallas da Biblioteca Nacional de Francia, director de museo (2013–2023) |
| Membro de | |
| Premios | |
| 2005: Premio Mendel. 2005: Premio Delepierre. | |
Lista
| |
Traxectoria
editarFrédérique Duyrat cursou estudos superiores de Historia na Universidade Paris-Sorbonne (Paris IV), onde se graduou en 1994. O ano seguinte acadou o mestrado en Historia Grega e en 2000 o seu doutoramento en Historia,[2] baixo a dirección de André Laronde, pola mesma universidade,[1][3] cunha tese acerca das emisións monetarias de Arados na época helenística.[4][5]
Duyrat especializouse na historia e a numismática do Próximo Oriente clásico e helenístico, e entre 1996 e 1998 exerceu como bolseira de investigación no Instituto Francés de Arqueoloxía do Próximo Oriente, en Damasco.[1][3][5]
Entre 1998 e 2001, Duyrat foi profesora de Historia Grega na Paris-Sorbonne, e de 2001 a 2009 ensinou Historia Antiga na Universidade de Orleáns.[1][2][3][5]
En xaneiro de 2010 incorporouse ao Departamento de Moedas, Medallas e Antigüidades da Biblioteca Nacional de Francia —tamén coñecido como Gabinete de Medallas—, como responsable da colección de moedas gregas.[1][2][3][5]
Paralelamente ao seu labor no Gabinete de Medallas, foi tamén investigadora asociada no Centro Ernest Babelon, de Orleáns, e no Institut de recherche sur les archéo-matériaux, de 2002 a 2013.[1][2][3]
Desde 2013, é conservadora xeral de bibliotecas e ocupa o posto de directora do Departamento de Moedas, Medallas e Antigüidades da Biblioteca Nacional de Francia, en París.[3][5][6][7]
Entre outras entidades asociativas e académicas, Duyrat é membro da Sociedade de Profesores Universitarios de Historia Antiga, da Asociación Francesa de Historia Económica e da Sociedade Francesa de Numismática. Tamén forma parte da terna de directores da Revue numismatique.[2][3][7]
Fréderique Duyrat dedicou a maior parte do seu traballo académico á historia do mundo grego vista a través do estudo do diñeiro. Entre os recoñecementos académicos que recibiu pódense salientar o Premio Mendel (2005), do Institute de France - Académie des Inscriptions et Belles Lettres, e o Premio Delepierre (2005), da Société pour l'Encouragement des Etudes Greques, pola publicación da súa tese de doutoramento, baixo o título de Arados hellénistique. Étude historique et monétaire.[3][5][7]
Frédérique Duyrat é membro do comité do Consello Internacional de Numismática, e editora da súa publicación en liña Compte Rendu.[8]
Publicacións
editarDuyrat é autora dun bo número de artigos e colaboracións publicados en revistas especializadas e en publicacións conxuntas. Ademais, é autora e editora dalgúns traballos monográficos sobre numismática antiga:[3][9]
- (2002). Les monnayages syriens, quel apport pour l’histoire du Proche-Orient hellénistique et romain ? (con C. Augé). Institut français d'archéologie du Proche-Orient. ISBN 2912738172
- (2005). Arados hellénistique. Étude historique et monétaire. Institut français d'archéologie du Proche-Orient , Beirut. ISBN 2912738334
- (2008). L’exception égyptienne ? Production et échanges monétaires en Égypte hellénistique et romaine (con O. Picard, eds.) Institut français d'archéologie orientale, O Cairo. ISBN 978-2724704105
- (2012). Le Charaktèr du Prince. Expressions monétaires du pouvoir en temps de troubles (con A. Suspène, eds.). Cahiers d’histoire ancienne 49.
- (2016). Les monnaies de fouille du monde grec (VIe-Ier s. a.C.). Apports, approches et méthodes (con C. Grandjean, eds.). Scripta Antica n° 93. Ausonius, Bordeaux. ISBN 9782356131706
- (2016). Wealth and Warfare. The Archaeology of Money in Ancient Syria. American Numismatic Society, Nova York. ISBN 978-0-89722-346-1
Notas
editar- ↑ 1,0 1,1 1,2 1,3 1,4 1,5 "Duyrat, Frédérique (1970-....)". BnF Catalogue général.
- ↑ 2,0 2,1 2,2 2,3 2,4 Amandry, M. (2005). "Les directeurs du département des Monnaies, Médailles et Antiques depuis 1719 Arquivado 07 de xuño de 2023 en Wayback Machine.". Bibliothèque nationale de France. Comité d'histoire.
- ↑ 3,0 3,1 3,2 3,3 3,4 3,5 3,6 3,7 3,8 "Curriculum Vitae: Frédérique Duyrat". Academia.edu
- ↑ "Arados hellénistique. Etude historique et monétaire. Par Frédérique Duyrat Arquivado 13 de xuño de 2023 en Wayback Machine.". Theses.fr
- ↑ 5,0 5,1 5,2 5,3 5,4 5,5 "Duyrat, Frédérique". En Conis Weekly. 31 de maio de 2017.
- ↑ Amandry, M. (2005). "Les directeurs du département des Monnaies, Médailles et Antiques depuis 1719 Arquivado 07 de xuño de 2023 en Wayback Machine.". Bibliothèque nationale de France. Comité d'histoire.
- ↑ 7,0 7,1 7,2 "Page personnelle de Frédérique Duyrat Arquivado 13 de xuño de 2023 en Wayback Machine.". Bibliothèque nationale de France.
- ↑ "Committee of the INC. No sitio web do CIN.
- ↑ "Duyrat, Frédérique 1970- Arquivado 13 de xuño de 2023 en Wayback Machine.". Digital Library Numis.
| Predecesor: Michel Amandry |
Directora do Gabinete de Medallas de París 2013 - 2023 |
Sucesor: Cécile Colonna |