Consello Internacional de Numismática
O Consello Internacional de Numismática –CIN– (en inglés: International Numismatic Council –INC–) é un organismo internacional de coordinación creado para fomentar a cooperación entre numismáticos e institucións deste campo ou de áreas relacionadas.[1] Desde 2015 está oficialmente rexistrado como unha asociación e ten a súa sede central en Winterthur, Suíza.[2]
| Consello Internacional de Numismática | |
|---|---|
| Tipo | asociación profesional e sociedade científica |
| Campo de traballo | numismática |
| Data de fundación | 1934 |
| Sede | Winterthur |
| País | Suíza |
| Na rede | |
| https://www.inc-cin.org/ | |
| [ editar datos en Wikidata ] | |
Historia editar
A institución fundouse en 1934 coa denominación de Comisión Internacional de Numismática (Internacional Numismatic Comission), e pasou a adoptar o nome de Consello na súa reconstitución en 2009.[3][4]
Funcionamento editar
Conta con aproximadamente 160 membros procedentes de 38 países. As actividades do Consello, entre as que cómpre salientar o outorgamento de subvencións, o patrocinio de proxectos investigadores (como é o caso do Sylloge Nummorum Graecorum) e de publicacións, e a organización do Congreso Internacional de Numismática, está coordinado por un comité de nove membros, que son elixidos por representantes das institucións que forman parte no seo dos seus congresos internacionais.[5][6]
Os membros actuais do Comité do Consello Internacional de Numismática son:[7]
- Ute Wartenberg (presidenta).
- Bernhard Weisser.
- Aleksander Bursche.
- François de Callatay.
- Andrew Meadows.
- Haim Gitler.
- Fleur Kemmers.
- Frédérique Duyrat.
- Cecilia von Heijne.
O INC tamén mantén, a modo de xornal de novidades, o blog INC News, aberto á participación dos membros das entidades que forman parte, en cinco idiomas: inglés, francés, español, alemán e italiano.[8]
Congreso Internacional de Numismática editar
- Artigo principal: Congreso Internacional de Numismática.
Ten lugar cada seis anos e é o maior encontro international relacionado coa numismática. A partir da súa sétima edición, en Copenhague, o congreso coincide co lanzamento dunha nova tiraxe do Survey of Numismatic Literature, publicación na que os especialistas numismáticos revisan as investigacións e as publicacións que saíron á luz desde o congreso anterior.[9][10]
Así mesmo, en cada edición do congreso faise entrega dunha medalla especial creada para o efecto.[11][12][13]
A edición número 15 do Congreso Internacional de Numismática tivo lugar en Messina, Sicilia, do 21 ao 25 de setembro de 2015; os seguintes convocáronse en Varsovia, Polonia, en setembro de 2021, e en Melbourne, Australia, en setembro de 2027.[14][15]
Notas editar
- ↑ "Our mission". No sitio web do CIN.
- ↑ "Münzkabinett wird Sitz einer internationalen Organisation". Stadt Wintherthur.
- ↑ Weiller, R.; Amandry, M. (1996).
- ↑ "Constitution of the International Numismatic Council (INC) adopted on August 30, 2009 in Glasgow Arquivado 03 de agosto de 2019 en Wayback Machine.". No sitio web do CIN.
- ↑ "What we do Arquivado 30 de outubro de 2018 en Wayback Machine.". No sitio web do CIN.
- ↑ "Patronage: Sylloge Nummorum Graecorum Arquivado 20 de setembro de 2018 en Wayback Machine.". No sitio web do CIN.
- ↑ "Committee of the INC. No sitio web do CIN.
- ↑ "INC News Arquivado 22 de outubro de 2019 en Wayback Machine.". No sitio web do CIN.
- ↑ "International Numismatic Congress". No sitio web do CIN.
- ↑ "Survey of Numismatic Research Arquivado 31 de outubro de 2018 en Wayback Machine.". No sitio web do CIN.
- ↑ "The Paris coin for the International Numismatics Congress". Museu Nacional d'Art de Catalunya.
- ↑ "25 secoli di numismatica siciliana per la medaglia del XV CIN". En Il giornale della Numismatica. 7 de abril de 2015.
- ↑ "P&B coins the AIAM medal Arquivado 30 de outubro de 2018 en Wayback Machine.". Picchiani & Barlacchi.
- ↑ "Messina/Taormina 2015 Arquivado 03 de febreiro de 2021 en Wayback Machine.". No sitio web do CIN.
- ↑ "Warsaw hosting the INC Congress in 2021 Arquivado 11 de xullo de 2020 en Wayback Machine.". No sitio web do CIN.
Véxase tamén editar
Outros artigos editar
Bibliografía editar
- Weiller, R.; Amandry, M. (1996). "Histoire de la Commission Internationale de Numismatique (NIC) Arquivado 24 de outubro de 2020 en Wayback Machine.". En Compte Rendu 43. Comission Internationale de Numismatique.