Faro Villalbés

Faro Villalbés foi un quincenario editado en Vilalba entre 1932 e 1936.

Faro Villalbés
Lingua	lingua castelá e lingua galega
Localidade	Vilalba
[ editar datos en Wikidata ]

Historia e características

Retrato de Carmen Prieto, publicado na portada do n.º 1,

Subtitulado Periódico quincenal, paladín de Organización Republicana Agraria (ORGA), apareceu o 22 de xaneiro de 1932. Sufriu cambios no seu subtítulo, dependendo das circunstancias políticas: Periódico quincenal paladín del Partido Republicano Gallego, Periódico quincenal paladín de Organización Republicana Agraria del Partido Republicano Gallego e Órgano de la Izquierda Republicana de Villalba. O seu director era Ramón Taboada Fernández e, en 1936 cando pasou a denominarse Periódico independiente defensor de los intereses de la comarca villalbesa, Antonio Quintela Ferreiro con Vicente Otero Cao como administrador. De tendencia republicana, denunciou activamente o caciquismo. Deixou de editarse en 1935 e apareceu de novo en 1936, nesa segunda etapa acentúase a tendencia galeguista-nacionalista.

Entre os seus colaboradores estiveron Carmen Prieto, Alfonso Guizán, Xesús Golmar, Ramón Ferreiro Lago, Manuel Rivas Seivane e Juan Rof Codina. Tamén apareceu algún artigo de Antón Villar Ponte. Cesou a súa publicación co número 74, o 28 de xuño de 1936.

Véxase tamén

Bibliografía

• "Faro Villalbés". Enciclopedia Galega Universal. Ir Indo. 1999-2002. ISBN 84-7680-288-9. 
• García Mato, José Luis (2005). "Faro Villalbés". Gran Enciclopedia Galega Silverio Cañada (DVD). El Progreso. ISBN 84-87804-88-8. 
• Santos Gayoso, Enrique (1990). Historia de la Prensa Gallega 1800-1986. Sada: Ediciós do Castro. ISBN 84-7492-489-8. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X. 

Ligazóns externas

• Faro Villalbés (1932-1936). Edición facsimilar. Concello de Vilalba. USC. 2002. ISBN 84-9750-130-6.