Estación de Segovia
A estación de Segovia é unha estación de tren de Adif da cidade de Segovia. É de carácter terminal e ten servizos de media distancia operados por Renfe. Os servizos de longa distancia e alta velocidade concéntranse na estación de Segovia-Guiomar. Dende 1982 é un monumento catalogado como Ben de Interese Cultural.[1]
| Segovia | |
|---|---|
 Plataforma da estación | |
| Situación | Segovia |
| Servizos | .svg){kind=small} .svg){kind=small} |
| Liñas | |
| Media distancia | Rexional |
Situación ferroviaria
editarPertence á liña férrea 110 da rede ferroviaria española que une Villalba con Segovia, punto quilométrico 62,7.[2] O tramo é vía única, en ancho ibérico e está electrificado. Esta liña continuaba ata Medina del Campo pero o tramo Medina del Campo-Segovia foi pechado en 1993 alegando falta de rendibilidade económica.
Historia
editarO ferrocarril chegou a Segovia o 1 de xuño de 1884 coa apertura do tramo Medina del Campo-Segovia da liña férrea que pretendía unir Medina del Campo con Villalba.[3] As obras correron a cargo de Norte. Dita compañía non tiña especial interese neste trazado dado que xa contaba coa liña Madrid-Hendaia que facía un percorrido similar alcanzando Medina del Campo vía Ávila.[4] Aínda así motivos estratéxicos levárona a facerse coa mesma para evitar que algún competidor puidese aproveitar que a conexión por Segovia era a máis curta para alcanzar Madrid desde Valladolid, León ou Asturias. O enxeñeiro Miguel Muruve y Galán foi o encargado de construír a primeira estación da cidade. Para iso seguiu os planos da estación de Granollers que o mesmo construíra para a liña Barcelona-Granollers.[5]
Ao longo da historia o recinto sufriu diversas reformas e ampliacións sendo as máis destacadas as realizadas entre 1911 e 1913, a petición do rei Afonso XIII que solicitou entre outras melloras, unha "Sala Rexia" para as súas visitas á cidade, pavimentar o patio de viaxeiros para evitar os inconvenientes do po, ou ampliar vías e marquesiñas, a de 1926 e por último a de 1991.[6] Foi tamén unha das estacións incluídas no Plan Extraordinario de Modernización e Equipamento de Estacións impulsado por Renfe en 1986.
A estación
editarEstá situada na rúa Obispo Quesada, ao sur da cidade. O edificio para viaxeiros é unha estrutura de planta rectangular formado por un corpo central de dúas alturas ao que se anexan dúas ás de planta baixa de forma simétrica. En total, ten uns 50 metros de lonxitude e 11 de anchura.[6] Os materiais de construción predominantes son a pedra calcaria e o ladrillo. Todos os vans están decorados con arcos de medio punto con clave resalta e enmarcados con forma de alfiz. Na zona de plataformas, a estación ten varias marquesiñas metálicas que se sosteñen con columnas de ferro fundido e mostran elementos decorativos nos seus capiteis.[6] Dispón de 5 vías e de 3 plataformas, das cales se utilizan 2 vías ou 3 en casos excepcionais, xa que as demais están defectuosas ou non están operativas.
Servizos ferroviarios
editarMedia distancia
editarActualizado a 25 de xuño de 2016.
| Liña | Trens | Orixe/Destino | Destino/Orixe | |
|---|---|---|---|---|
| 53 | Rexional | Madrid-Atocha Cercanías | Segovia |
Notas
editar- ↑ Estación de Segovia Adif
- ↑ Red ferroviaria española Arquivado 23 de setembro de 2010 en Wayback Machine. Ministerio de Fomento
- ↑ Cronología básica del ferrocarril español de vía ancha Arquivado 14 de outubro de 2013 en Wayback Machine. Fundación de los Ferrocarriles Españoles
- ↑ Villalba a Medina por Segovia Arquivado 29 de marzo de 2016 en Wayback Machine. Spanishrailway
- ↑ Con el sello de Norte Luis Guijarro
- ↑ 6,0 6,1 6,2 Patrimonio ferroviario de Segovia Arquivado 01 de xullo de 2016 en Wayback Machine. Fundación patrimonio Castilla y León