Hendaia
Hendaia[1] (en francés: Hendaye, en éuscaro: Hendaia, literalmente "baía grande") é unha comuna francesa do departamento de Pireneos Atlánticos, na rexión da Nova Aquitania, no extremo suroeste do país. Sitúase no territorio vasco de Lapurdi, xunto á fronteira con España e a 21 km de Donostia.
| Hendaia | ||
|---|---|---|
| Hendaye | ||
| ||
 | ||
| Vista de Hendaia | ||
| Localización | ||
| País |  Francia | |
| Rexión |  Nova Aquitania | |
| Departamento |  Pireneos Atlánticos | |
| Distrito | Baiona | |
| Cantón | Hendaia | |
| Xeografía | ||
| Altitude | 25 msnm | |
| Superficie | 7,95 km² | |
| Demografía | ||
| Poboación | 15.976 hab. (2011) | |
| Densidade | 2.009,56 | |
| Xentilicio | hendaiés, hendaiesa[1] | |
| Outros datos | ||
| Código postal | 64700 | |
| Alcalde | Kotte Écénarro | |
| www.hendaia.eus | ||
A cidade é un importante porto pesqueiro e conta cunha estación de ferrocarril internacional. Entre os atractivos da localidade, destaca un balneario, famoso en toda a rexión.
HistoriaEditar
Situada no medio do Bidasoa, preto de Hendaia, a illa dos Faisáns é un lugar cargado de historia: en 1463, Luís XI tivo un encontro con Henrique IV, rei de Castela; en 1526, Francisco I, prisioneiro dos españois desde a batalla de Pavía, foi liberado nesta illa a cambio dos seus dous fillos, quen permaneceron baixo arresto durante catro anos; en 1615, desenvolveuse un intercambio de infantas reais: Isabel, irmá do rei francés Luís XIII, prometida do fillo do monarca español Filipe III, e Ana de Austria, irmá daquel, prometida á súa vez do rei Luís XIII. En 1659, asinouse na illa a Paz dos Pireneos e o acordo nupcial entre Luís XIV e María Teresa, filla do rei español Filipe IV. A partir do tratado de 1856, a illa dos Faisáns pasou a pertencer tanto a Francia como a España, e desde 1901 ambos os países manteñen por quenda (seis meses cada un) o dereito á súa soberanía.
En 1923, o novelista francés Pierre Loti morreu en Hendaia, onde pasou gran parte da súa vida.
O 23 de outubro de 1940 produciuse unha entrevista histórica entre o ditador español Francisco Franco e o seu homólogo alemán Adolf Hitler. O obxecto do encontro, que se produciu no interior dun tren blindado estacionado na terminal de ferrocarril da localidade, era negociar a participación de España na segunda guerra mundial xunto ás potencias do Eixe Roma-Berlín-Toquio. O réxime franquista solicitara previamente a obtención de Xibraltar e todo o territorio de Marrocos, a cambio da súa belixerancia. Con todo, Franco argüiu durante a reunión as dificultades económicas que impedían a intervención española no conflito, razón pola cal ambas as partes non chegaron a acordos de importancia.
XeografíaEditar
A cidade está na fronteira co País Vasco e é contigua á cidade vasca de Irún (Guipúscoa). Hendaia esta bañada polo Mar Cantábrico ao norte e a Baía de Txingudi (desembocadura do río Bidasoa) ao oeste, que a separa de España (Irún e Hondarribia).
NotasEditar
- ↑ 1,0 1,1 Definicións no Dicionario da Real Academia Galega e no Portal das Palabras para hendaiés.
Véxase taménEditar
Wikimedia Commons ten máis contidos multimedia na categoría: Hendaia  |
Outros artigosEditar
Ligazóns externasEditar
- Páxina web da cidade de Hendaia (en francés)
- Páxina web oficial de turismo de Hendaia (en español, francés, inglés e éuscaro)
- Páxina web non-oficial de turismo de Hendaia (en francés)